中環在線呂志和：金融海嘯衰在貪 李華華
2008-11-03 AppleDaily
家 吓市場風雨飄搖，為咗穩定軍心，嘉華國際（173）主席呂志和喺集團內部月刊《嘉天下通訊》（十月號）嘅「主席『嘉』書」內，用「金融海嘯之反思」做題， 向一班員工透露自己對呢次海嘯嘅睇法，仲拆解海嘯點樣形成。呂志和話，經歷過97金融危機、科網股爆破等，啲人都冇學精，佢話都係因為「貪」！搞到無論個 人定係國家，都養成借貸度日嘅陋習，又話「金融機構與投資者對快速以錢賺錢的堅決信念、社會對金錢物質的一致膜拜，製造了金融災難禍延自身，更殃及無辜， 連累不少小市民蒙受巨大財富損失的痛苦……」唔通呂主席覺得被人拖累，心生不忿？
叫員工快啲醒努力做
佢認為家陣海嘯未完，唔知影響有幾深遠，大家要做好心理準備，學總理溫家寶話齋：「在經濟困難面前，信心比黃金和貨幣更重要。」又叫員工同管理層「共享資源，互勵互勉」，集團先可以走出困境咁話。臨尾，佢祝福啲人「早日黃金夢醒，再次腳踏實地」。