ZKIZ Archives


周大福重臣龍形雕手

2002-02-14  NM



何伯陶在周大福打了大半世工,由後生做到公司董事,是鄭裕彤的好友兼左右手。七十一歲的他卻從不言倦,常用泥 膠自製龍、虎、鳳自娛,一年內造了十五條龍,踏入馬年他還打算留在家裡雕龍迎新春。彤叔靈機一觸,曾和賭王夾份將他炮製的龍鑲金,當李嘉誠得勳章的賀禮。 「連皇帝都鍾意龍,但又無人見過佢,你話十二生肖中仲有咩好得過龍?」金龍好搶手以為何伯陶是雕龍老手,想不到他在兩年前的龍年,才開始用泥膠雕出第一條 龍。原來他早有雕刻底子,造了幾十年珠寶鑄模,但他強調不及雕龍難度高。「正面要兇、側面要笑,又笑又惡才是真龍。」作品人人讚,老人家從此手不停,一年 內造出十五條龍。「造龍很考耐性,大龍要花兩星期,小的也要一星期才完成,連做的人,都會長命啲。」龍、虎、鳳、魚都雕過,何伯陶始終對龍情有獨鍾。早年 鄭裕彤派他打理珍寶海鮮舫,海鮮舫上七千多條龍,全都由他構思。「一般酒樓的龍都是纏着條柱,我卻刻意將珍寶的龍設計成全部俯低,因生意人最忌錢銀愈纏愈 緊。」雕龍原為興趣,但何伯陶造的龍就出奇「搶手」。前年,老闆鄭裕彤及何鴻燊曾將他設計的龍鑲金,齊賀李嘉誠獲英帝國爵級司令勳章。「一條普通足金龍約 值十萬元,較大的,則要花一百兩金,約值四十萬。」最近,中國航天科技又將他設計的龍鑄成七呎高、三十噸重的銅像,打算七月放於跑馬地馬會門外。

靠 彤叔降火自十五歲經鄭裕彤父親介紹入周大福做後生至今,何伯陶稱得上是周大福的開國功臣,跟相識五十幾年的鄭裕彤,早成了老友。「初入行我一百磅都未夠,啲人蝦我細粒對我 呼呼喝喝,我想過唔做返鄉下,但彤哥拍拍我膊頭同我講:『你返到鄉下,人哋咪笑你嫌辛苦唔做?』他又俾機會我讀書,感動到我流眼淚。」何伯陶自稱「火氣 猛」,以前常罵伙記,現在成功「降火」,都多得鄭裕彤點化。「佢叫我唔好咁惡,又教我唔使鬧人都可以使人做嘢。佢對人好好,從不講人閒話,又唔嬲人。」這 個老闆什麼都好,不過就愛突擊巡鋪捉懶蟲。「佢間中會落鋪突襲,睇有乜唔妥。公司有十句格言,佢教員工要對客人招呼周到,客到茶就要到,不容有失。」

造龍分三大步驟:一、畫龍肚、雕龍身;二、造龍頭;三、加上龍腳及點睛。「成條龍最難整係龍頭,因多細節;龍身不能太幼,否則似蛇。」他愛用藍寶石為龍點 睛,以添生氣。

@請參考>@


大福 重臣 龍形 雕手
PermaLink: https://articles.zkiz.com/?id=29921

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019