📖 ZKIZ Archives

退休保障 左丁山

2011-11-25  AD

美國經濟不長進，增長似有若無，據富國銀行（ Wells Fargo）一個調查顯示，不少美國人認為要工作至 80歲先至可以退休，否則退休金會唔夠使。陷於賴債邊緣嘅希臘可以讓公民在 50歲退休，真係不知錢從何來，唔怪得希臘要歐盟打救。香港人均壽命在 80歲以上，美國人均壽命唔夠香港長，如做工做到 80歲先至退休，即係話工作至死方休，美國公司有長俸，政府有社會保障（工作人口每月供款而來），都話唔敢提早退休，唔怪得滙豐銀行做一個調查發現，香港 有七成人認為目前退休款項不足。
適逢特首競選即將正式進行，有團體乘機施壓力，上街要求特區政府推行全民退休保障，「全民退休保障」呢個口號嗌得 多，究竟內涵如何，退休人士每月可領取多少錢先至話夠，社會從來冇認真討論研究，斷不能趁住特首競選，兩位疑似候選人口輕輕咁應承推行，講就好聽啫，睇吓 今日歐豬國家之困境就知道呢類制度幾咁死火，香港斷不能借債度日，靠借嚟支撐全民退休保障嘅啫。
據報道，唐英年提出一個優化強積金概念，在現行強 積金以外設立自願性供款戶口，交由金管局負責投資，免收管理費。因唐英年要到月底先至宣佈競選，梁振英講咗在十一月二十七日宣佈，兩人應在宣佈後發表政 綱，到時我地或會知道兩人嘅退休保障政策，屆時希望唐英年陣營對呢個「優化強積金」概念有多啲說明。
今年曾司長宣佈派錢之前，曾講過注資強積金戶 口，點知俾一些人鬧到抽筋，將強積金妖魔化，逼到曾司長改變策略，一於派錢算數。不可不知，外國工作人口在工作年間，個個月都要供款、每月直接自糧單扣 除，如美國例子，在六十歲或六十五歲後才向政府逐個月領取社會保障金，講到底係羊毛出自羊身上，並非免費午餐！請一啲「有心人」切勿誤導市民，香港改革退 休金制度，要仔細研究，應由經濟學家做主導，研究清楚，未來特首千萬不能受「工黨」加社工壓力團體壓迫，就不聽其他民間聲音去推行全民退休保障呀！

PermaLink: https://articles.zkiz.com/?id=29551
Next Page
ZKIZ Archives @ 2019