萬南 二五中環 上市公司離奇失竊
1 :
GS(14)@2016-01-18 02:18:26http://www.metrohk.com.hk/index.php?cmd=detail&id=300279&search=1
中國投資基金早前(1216)自爆有人涉嫌挪用公司3千萬人仔，星期三終於復牌，結果即日喪插接近兩成，好多散戶當堂變蟹。有做開核數嘅老友話，而家上市公司愈來愈多古靈精怪招，睇少眼都隨時出事。就好似有間呢兩年上市嘅家品公司為例，幾年前高薪請咗呢位老友去睇數，負責整靚盤數申請上市，但做落發現好多問題，照簽分分鐘入赤柱坐幾年，決定早閃早着，留呢個機會畀肯博嘅人上位。
講開啲古靈精怪招，近期爆出股東決裂嘅山水水泥(691)(圖)仲離譜，公司上個月罷免一班董事之後，新進場嘅管理層自然第一時間去公司查數啦，點知搵勻全公司都唔見咗部分數簿及公司印鑑，新管理層覺得唔妥，向幾位被罷免董事查詢又冇正面回應，於是向警方報案，據聞警方會從有人偷數簿角度展開調查。