由於要寫既野已差唔多寫完, 我開始review下我既舊文, 睇下有冇問題. 暫時有兩樣我要補充下, 已免產生誤導. 1) 有關對上篇"置業"中, 我提到03年尾買樓的決定, 有d言過其實, 事實是當年前後我共買入四個物業, 令我對樓市見底的看法主要是來自HKMA供佈的一個數據. 我97-98年時曾從事過money market 的交易工作, 所以對一些數據特別敏感, 當年我記得HKMA供佈港人總存款約3萬億, 此數據在03年時已達6萬億,我當時的想法很簡單, 港人歷盡5年艱辛, 已儲夠足夠資金, 只欠信心而已, 03年11月的消費市況令我相信這種"信心"正在回復, 我去過3個金融中心做野(實習為主),肯定本港是其中最熱愛炒賣的一個中心, 所以深信大家總有一天會再入埸賭過. 補充這一點是為避免誤導人, 以為買樓的決定是不用深思熟慮的, 我再提醒大家一下, 自置物業的投資是許多人一輩子最重要的一項投資, 一定要看準時機, 量力而為. 另一點我上文中說有能力就買多間, 我之後想想, 覺得如果資金有限, 細屋換大屋可能更實際, 改善生活質素又可當加碼投資. 2)有關止蝕, 有兩篇有關止蝕的舊文, 都寫得不清不楚, 似搞笑多d, 所以我想認真再講下我的看法. 止蝕的原理和重要性不用我多說, 現今有人俾tips你入市多數送多一個止蝕位俾你, 因為冇人知最後結果係點. 止蝕雖然重要, 但你不可能因為強於"止蝕"而成為蠃家, 所以你先要搞明白"止蝕"是為了甚麼, 應如何看待"止蝕" . 我 和所有大小炒家一樣, 經常要止蝕, 甚至連續止蝕, 也經常遇上"止蝕無效"的境況, 即係一止完蝕就行相反, 也曾試過連續"止蝕無效"的最沮喪處境, 感覺好似俾人耍. 但我從不懷疑"止蝕"的重要性, 只是多年職業和業餘的炒賣生涯, 令我對"止蝕"的看法有另一重體會. 專業交易員連離開張檯去小個便都要放下"止蝕盤", 原因是不想一次意外就連工都冇埋, 公司不會因為你輸一次而炒你, 但如果一次輸多過你的交易權限, 沒合理解釋那就麻煩大了, 所以止蝕也是了保住飯碗. 做為業餘炒家, 我視"止蝕"為"交易成本", 簡單說就是要撈門搵食, 就要俾保護費. 當作正當生意也可視之為"營商成本", 即係做賣買總要出些本錢, 無本生利的生意我聽過但未見過. 如果你可以把"止蝕"的虧損當做"交易成本"或"營商成本", 基本上你的炒賣手法已進入成熟的境界. "止蝕位"也是隨心所慾, 想咩位止就咩位止, 不想止的就話之佢. 舉個例, 07年有人用月租40萬係"時代"對開條行人專區開店賣皮草, 俾左我第一個月唔對路就走佬或轉賣魚蛋, 是不需要等半年至收檔的. 所以止蝕係要以靈活性為住, 可以守的不防守, 不敢守的留多陣都無謂, 止蝕是付出的成本, 是在投機市埸中唯生必付的代價, 它並非代表"失敗"或"錯誤", 除非你轉行做價值投資, 否則就要學會坦然接受去支付一次又一次的"止蝕費".