中環在線：賭王轉軚海嘯要浸幾年 李華華
2008-10-24 AppleDaily
金 融海嘯不斷惡化，連「大好友」賭王何鴻燊都要轉軚，話今次金融海嘯帶來嘅影響，可能要幾年時間先至可以解決。上個禮拜，賭王先向大家大派定心丸，好輕鬆咁 話：「金融海嘯可望喺年底前過去。」不過，近幾日全球股市又嚟一輪過山車，急轉直瀉，恒指噚日仲跌穿埋萬四點關口，究竟後市佢點睇？順應時勢嘅賭王，噚日 出席第13屆澳門國際貿易洽談展覽會時即刻轉晒口風話：「呢個時候，全世界都唔識睇。」自己一向都係大好友，但呢趟佢都要「扭軚」。賭王語重心長咁講，現 時係國際性嘅問題，已經唔再單純係金融問題，仲涉及到全球經濟同政治問題，相信家陣嘅境況，已經唔再係佢當初估計「咁容易可以解決」，又話：「現時睇落要 （計）年數而唔係（計）月數，我驚要幾年先至可以解決」。
銀行要保證有錢攞
賭王仲話，家吓最重要係穩定人心，所以政府要支持銀行，銀行就要保證市民嘅存款「攞得番」。