爽視彈：諗計迫發電視牌 朱國亮
1 :
GS(14)@2013-03-30 23:17:53http://www.sharpdaily.hk/article/entertain/20130125/171034
張可頤出席活動時話，最近拍攝的新劇有很多場激情戲，唔止露背，仲露全身！嘩，咁好睇？幾時有得播？sorry，唔知？！觀眾唔知，張可頤唔知，老闆王維基都唔知！
聽在電視台工作的朋友說，王維基的香港電視每日運作，當有牌咁做，開會趕稿拍攝忙碌得很，可能仲忙過TVB同ATV。可惜，剛出爐的施政報告只有提及資助電影業，卻隻字不提免費電視牌照，死未。其實如果王維基想政府早日發免費電視牌，仲有絕招！
話說當年楷哥的數碼港可以變成地產項目，不如王維基有樣學樣，同特區政府合作，把將軍澳電視台改成住宅。大家諗吓，成個項目，上面起樓提供免補白表居屋公開發售，下面幾層不做商場留來做電視城，電視台加居屋，實用過少林功夫加唱歌跳舞！你話CY聽到幾咁興奮，仲唔即刻發牌？
朱國亮
逢一、三、五