胡孟青：身家攸關的姿本主義
1 :
GS(14)@2012-08-10 10:04:24http://www.sharpdaily.hk/article ... C%E4%B8%BB%E7%BE%A9
有即將升任外父的有米阿爸，不知是否因唔捨得個女出嫁，竟然告誡寶貝女：「唔好結咁多次呀，我冇咁多嫁妝畀你㗎！」將之套用於恭賀好友嫁娶：「唔好結完又離、離完又結呀，我冇咁多人情做畀你㗎！」講完會唔會俾人打就唔知，淨係想自己朋友白頭到老。
可惜世事常變，眼見有朋友婚禮大陣仗，親友直飛菲國觀禮去飲，婚姻卻維持一年，睇唔出個男人偷食唔識返屋企！好彩未有下一代。有見及此，已即時諗佢會唔會隔一陣又玩結婚，先小人後君子，為免被連環做人情，先下手為強，為自己荷包封頂！
坊間所見，唔止有米男，更多有米女，平時做刁簽合約頭頭是道，對一紙婚書卻猶豫審慎，無他，一旦畫押就預咗要被瓜分一半身家，呢種憂慮男女平等，好多人以為只拍拖唔結婚者以男性居多，但當女人太有米，與另一方強弱懸殊，難免令強女人加以三思會否有被淘古井風險。
有見城中近年烈女好勝心驅使下、為擺脫剩女之列而罔顧風險，尤其當對方本來名草有花，一隻擒拿手箝住唔放，只怕現時個人主義掛帥，有朝一日隨時是旦一方頂唔順另一半時，加上潮流興搵快錢，誰瓜分誰的身家，卻未必如傳統般一面倒，姊妹們，害人之心不可有，防人之心不可無呀！
胡孟青
獨立股評人