富事通：大陸城市人排外情緒
1 :
GS(14)@2012-07-24 12:44:55http://www.sharpdaily.hk/article ... 6%E6%83%85%E7%B7%92
過去周末，上海有個經濟研討會。上一次交流已是近十年前。早兩年被邀請去世博，但冇乜機會同當地人交流，所以今次都算係一次發現之旅。
會議地點屬於蘇州，距離上海市CBD（佢哋真係好鍾意呢個概念）差唔多一個鐘頭車程。搞手話，去蘇州搞，因為上海市政府太麻煩。其實，去蘇州都有好處，可順便睇吓大城市外嘅經濟狀況。剛好會場嘅對面，就係一個樓盤銷售處，附近亦都有唔少新樓。閒談之間，當地人話貴都要買，因為怕之後更加貴。佢哋覺得，之前係外來人搶貴樓價。
大城市，好似上海同北京，一直都抗拒外來人，但近年排外情緒都非常嚴重。事實上，大陸過去廿年來，雖然冇改革戶籍制度，但好多人外出打工，其實對經濟增長貢獻好大。本來有大城市戶籍嘅居民，福利越來越好；不過越係高層管理職位，就越多外來人；而且外來人，稅就有份交，福利就冇得享受。根據朋友所描述，上海、北京同香港，本土人嘅情緒，基本上差唔多。
我最大疑問係：人口流動性減弱，對大陸未來經濟發展究竟有幾大影響呢？
李兆富