吹氣 iPhone套 Angry Birds玩具 日式許願球 年宵變年輕人潮玩嘉年華
1 :
GS(14)@2011-01-29 16:44:02【本報訊】維園年宵「兔」氣揚眉，昨首天已吸引不少市民，入夜後更擠擁；提早「財神到」，檔販笑開眉，生意料升兩三成。精品多以兔為題，但曾掀炒賣潮的 iPhone也大熱，有攤檔「二合一」推「 i瘋兔」，其實是吹氣 iPhone套，「手機跌落地都唔會爛」，也有 iPhone遊戲 Angry Birds的玩具精品，甚至有按日本冲繩傳說設計的許願氣球。
記者：翁煜雄
盧先生與數名教友合資逾 10萬元，賣自家設計的「 i瘋兔」，除包括 iPhone保護貼、繪有兔仔等圖案的普通 iPhone膠套，更有一個吹氣 iPhone套，「可放部 iPhone落去，部機跌落地都唔會爛」。他說已備 iPhone3及 4兩款，有信心大賣：「香港有成 40萬個 iPhone用戶喎。」
越無聊越受歡迎
「 iPhone遊戲 Angry Birds係受歡迎榜第一位 o架！」港大學生 Joey及 Thomas以此遊戲為藍本，設計「真的憤怒了」遊戲，昨親自示範將印有雀鳥圖案的吹氣球，以橡皮圈彈向另一豬圖案吹氣球。遊戲有點「小兒科」，他們示範後也忍俊不禁，「但隻 game真係咁玩，就係夠無聊先受歡迎」。他們說手機遊戲只「獨樂」，此遊戲卻可「眾樂」，適合新春聚會，而昨日的銷情亦不俗，賣了 20多套：「原來好多大人都有玩隻 game。」
近年年宵大熱精品，大多都不必問「要嚟做乜」，就如張祝珊英文中學學生設計的吹氣玩具「兔氣揚眉萬用筒」，「可以用嚟裝嘢，可以打佢紓壓」。中五學生陳穎添更示範另一用途，「仲可以戴喺頭度」。別以為他們柴娃娃，該校前年推售的「牛屎帽」便賣過滿堂紅，或因正中年輕人下懷，並預料今年生意多兩三成。他說今年來貨價貴 50%，故「慳得一蚊得一蚊」，包裝也自己來。
海關未發現翻版
新春講意頭， Rex按日本冲繩傳說設計星語星願氣球，「當地人話將寫有願望嘅星星，放上天空就會靈驗」。他說顧客可獲日式護身符及星形氣球，「佢哋寫完願望，我哋可以代放上天空」，相信附近的民居最高興，因窗邊隨時多了一個氣球。
另外，食環署日前不准一電影公司播放 3D三級影片，以免人潮阻塞通道，但有關攤檔負責人說未收到指示，將會繼續播放。該署昨也勸喻部份攤檔返回指定範圍。海關則派員巡查翻版產品，商標調查組指揮官陳自強說，已通知攤販不得售賣翻版產品，昨暫未有發現。
2 :
GS(14)@2011-01-29 16:44:14地產霸權遊戲 首半日賣 50副
2011年01月29日
【本報訊】「趁年尾出晒啲氣，先至開開心心過新年呀！」年宵市場也可讓市民發洩，尤其面對「人民公敵」地產霸權，更是同仇敵愾，令一款地產霸權遊戲熱賣，首半天已賣 50副，至於以政治人民為嘲笑對象的玩具如「民主女神棍」等，也成為搶手貨。
場內不乏諷刺地產商的精品，攤檔「地產霸權」負責人巫堃泰說，昨下午 2時才開檔，「但有人一早喺度等我哋開，想買套遊戲」，它便是地產霸權遊戲，玩法有點像大富翁，但玩家都是「一步一驚心」，因隨時遭「地產商」吞噬，「連樓都可以俾人拆埋」。
吹氣樓無發水孭得起
遊戲每副 150元，他說昨半天已賣出 50副，買家包括男女老少，「證明受地產霸權影響嘅，係咩人都有」。他去年自創政治諷刺的 T恤「禮義廉」，今年也推出嘲笑政治人物 T恤，銷情也不俗：「應該賺到錢，大部份都會用番喺社會運動。」
另一檔「兔現地產」的吹氣樓「淘金居」，印有批評「發水樓」等字句，令市民有共鳴，吸引不少人圍觀。
選民力量一批政治精品也大賣，尤其是諷刺劉慧卿等的卿姐七友坐墊及民主女神棍，負責人林雨陽說：「第一日咋，賣得已經比想像好，有唔鍾意民主黨人嘅人行過見到，即刻買。」