ZKIZ Archives


5 大隱形富婆 親授發達秘笈

1 : GS(14)@2010-12-05 15:33:19

2010-11-24 EW
雖然政府出重招打擊炒樓,不過圈中有不少女星獨具慧眼,買樓、炒股、開公司、投資外幣和基金瓣瓣精,造就不少隱形富婆,其中包括薛家燕、肥媽瑪莉亞、楊思琦,甚至北上掘金的許秋怡。

當中以毛舜筠(毛毛)成績最驕人,廿一年前開始炒樓已未逢敵手,有賺無蝕,多年來單是買賣樓宇已賺約一千九百萬,堪稱「炒樓皇后」。相信財爺即使出招遏抑樓市,也不會影響得到她太多。

毛舜筠炒樓21年未蝕過

先後擁七物業

?

很多人以為毛舜筠於○八年復出拍劇是因為經濟問題。事實是,她在家相夫教女,復出純為興趣,她最搵錢的工作原來是炒樓。

毛毛從八九年開始投資物業,她先後擁有七個物業,逢低入市,高位賣出,多年來共賺近二千萬。毛毛信心十足地談投資心得:「投資樓市我通常都會先畀一筆錢出嚟,畀多啲首期,然後放租畀人幫我供,我唔鍾意炒樓,長揸總有着數。」毛毛現與丈夫區丁平及兩位女兒居於沙田碧濤花園一個相連單位。毛毛說:「一入屋見到個view,嘩,暈咁滯,係咪香港嚟㗎?靚到咁!」單位佔地三千多呎,她在○七年以一千四百多萬買入,已升值三成。近日她更介紹蔡少芬將同屋苑單位高價售予保安局局長李少光。

搞化妝品生意

雖然炒樓戰績彪炳,但她於○六年險些被奸商打爛齋缽,她曾經買基金損手,因被相熟銀行職員游說,誰知三個月已蝕了十多萬,她決定以後不沾手基金。

年底拍罷《天天天晴》後,毛毛又再暫別電視圈,一方面照顧家庭,另方面則是進軍商界。她剛於八月開展其網上美容生意,第一批推銷的產品,是全天然礦物粉底及胭脂、眼影及專用粉底掃。投資與家庭同樣兼顧得宜,現在更做其商界女強人,叫人佩服。

薛家燕炒豪宅賺逾四千萬

身家過億

家燕姐為了子女將來,會將所賺到的血汗錢,大部分用來買「磚頭」,專買半山豪宅,至今名下物業市值已超過四千萬,加上基金投資、現金、藝術學校等生意,保守估計身家過億。

家燕姐常常周圍飛,理財重任落在大女石祐珊身上。兩母女異口同聲表示:「一向都話買樓投資最穩陣,我哋會先睇地段、單位四周環境,港島區最有投資價值,最重要係考慮自己係咪負擔得起。因為試過投資舖位,點知貨不對辦,嗰次真係蝕到入肉,所以扑槌前一定要親身去視察吓個實物先,切忌盲舂舂上車。」家燕姐指出,要睇準時機先好入市。「好似去年撞正經濟低迷,趁樓市低番啲就買咗半山一個單位,幸運地一個月已經升值兩成半,不過呢排個樓市高到唔正常,都係睇定啲先好出手。」珊珊補充:「媽咪大部分錢投資穩陣嘅基金,每行一步都會同我、同埋行內朋友商討,然後再自己分析。講到尾,投資係要量力而為。」兩母女同心投資,難怪家燕姐副身家愈滾愈大。

肥媽歌手變上市公司主席

賺一倍始收手

酒廊歌手出身的肥媽(Maria Cordero)早年因唱〈友誼之光〉一曲成名,近年她退居幕後,早前投資二千萬成立「泉城控股有限公司」,範疇包括飲食節目頻道、經理人公司、製作電視電影及MV等。上月她公司獲經營手機娛樂的「彩娛集團(8022)」以三千四百五十萬收購,肥媽搖身一變為該公司的行政總裁及主席。肥媽說:「?家資金多咗,嚟緊我會喺澳門搞學校同開拍歌舞片。」五十六歲的肥媽表示全靠丈夫支持。「老公係高人,佢平時唔鍾意出聲,但我有難關時佢就會出聲點頭或擰頭。我呢啲女人仔,都鍾意買樓賺吓錢,澳門、上海同北京都有物業。佢就係我明燈,成日指點我出手收手,我嘅宗旨通常都賺個double就收手,所以都係賺多。」肥媽近年嘗試玩股票。「呢排買建設銀行(0939),買時$6.1,?家都賺咗兩隻鑽戒,一隻耳環同一隻玉戒指。我通常畀自己$50至$80萬做本金,冇咗就算,唔好貪心。另外,就係買東亞銀行(0023),要多謝李國寶先生,佢幫我哋成家去咗沙巴玩一個星期。」

楊思琦月薪2萬揸3層樓

媽咪指點

楊思琦在無綫的月薪只約二萬,但就有三層樓揸手,市值已近一千七百萬。她自認對投資無心得,但當選港姐冠軍後狂接廣告及商場騷,儲起一半,加上不買名牌,常穿贊助服裝,成功儲到第一桶金。○三年撞正沙士,她母親看準機會,幫她買入藍籌股錢滾錢,從中賺到首期置業。

楊思琦說:「我大部分投資都係媽咪決定,當年儲到少少錢,媽咪就幫我揸主意,媽咪覺得買樓較為保險,所以我就決定買第一間屋,估唔到?家升值咗咁多!」○ 六年趁樓價未急升之前,她再以近四百萬價錢,扑槌買入荔枝角泓景臺,一年後再買入兩個麗港城單位收租。今年初,她趁麗港城其中一個單位升值三成半,即放盤賺了一百萬,再樓換樓投資清水灣半島。她說:「近幾年住慣九龍,所以首選九龍。其次就係交通配套,租客始終鍾意交通方便,不過我最希望五年內有能力買到望維港煙花嘅單位畀家人住。」許秋怡大陸登台月賺71萬

受惠人仔升值

甚少在港露面的許秋怡,自嘲是一名守財奴,她自九六年起返內地登台,賺到不少人民幣,她多年來將人民幣儲起,由於近年人民幣升值,其身家亦漲了兩成多。每個月平均北上登台十四、五次,每場騷最少收三萬人民幣(折合約三萬五千港元)。

她說:「早年搵到錢又唔識投資,學人搞生意開美容院,結果個個月蝕錢,未夠兩年就執咗。之後,惠英紅、鍾慧冰就勸我買樓,點知又係亂買,西貢間屋蝕到入肉。所謂力不到不為財,投資都要揀自己熟嘅嘢。」因為有親戚在廣州,秋怡九八年在廣州置業,手持的兩個單位已升值一倍以上,價值逾百萬元人民幣,現她繼續睇好內地房地產。

自從兒子出生後,秋怡的收入大部分投資在囝囝Cody身上。為兒子升學着想,她月花過萬購買基金。「錢放喺銀行會貶值,所以由Cody一歲開始我哋就幫佢買基金,將來讀大學有多個選擇可以去海外,又或者佢叻仔唔使用到份基金,就可以做第樣嘢,就算做生意都有筆錢鬆動啲。」

鋪鋪有賺

打從八九年開始,毛舜筠開始投資買樓,廿一年間,她鋪鋪有賺,從未損手,眼光獨到。

薄扶林道富林苑CD座低層單位連車位買入 $675萬 (10/04)賣出 $1,328萬 (1/08)

賺$653萬

跑馬地山光道低層單位

買入 $403萬 (5/94)賣出 $500萬 (4/95)

賺$97萬

跑馬地樂活道6號比華利山C座中層單位連車位買入 $678萬 (6/93)賣出 $1,168萬 (9/96)

賺$490萬

灣仔港灣道1號會展廣場會景閣高層單位買入 $390萬 (7/92)賣出 $755萬 (9/94)

賺$365萬

何文田太平道7號富威花園C座中層單位買入 $147萬 (11/91)賣出 $163萬 (2/93)

賺$16萬

何文田巴富街3號低層單位連車位買入 $230萬 (7/91)賣出 $480萬 (5/93)

賺$250萬

九龍塘廣播道44號雅華閣中層單位連車位買入 $130萬 (7/89)賣出 $149.8萬 (12/89)

賺19.8萬

共賺$1,890.8萬

專買兩半山

家燕姐買樓非短期炒賣,而是主要用作長線投資,她亦特別鍾情於西半山樓盤,所有單位均大幅升值,成績不俗。

西半山殷樺花園一期中層單位買入 $830萬 (3/09)

市值 $1,229萬

西半山殷樺花園中層單位

買入 $625萬 (5/99)

市值 $1,095萬

西半山殷樺花園中層單位

買入 $626.8萬 (1/96)

市值 $1,021萬

西半山景雅花園低層單位

買入 $585萬 (11/97)

市值 $726萬

觀塘開聯工業中心高層單位買入 $300萬 (11/06)

市值 $500萬

共值$4,571萬

買樓必賺

肥媽雖沒有太多買賣物業紀錄,但她睇準才出手,未曾蝕讓離場,難怪可以養活六名子女十多個孫兒。

清水灣道俐富苑B屋連兩車位買入 $720萬 (9/95)賣出 $1,450萬 (5/08)

賺 $730萬

西半山堅道堅威大廈低層單位買入 $58萬 (5/88)賣出 $140萬 (9/99)

賺 $82萬

觀塘鴻圖道華寶中心中層單位買入 $119萬 (10/05)賣出 $120萬 (3/06)

賺 $1萬

共賺$813萬

揀名氣星苑

楊思琦慳家有道,密密做又努力儲錢,更有媽咪指點買入名氣屋苑,讓她成為小富婆。

荔枝角泓景臺2座中層單位買入 $393.3萬 (3/06)

市值 $612萬

藍田麗港城9座低層單位

買入 $263萬 (1/08)

市值 $335萬

將軍澳清水灣半島1座低層單位買入 $651.8萬 (1/10)

市值 $751萬

共值 $1,698萬

10月賺到笑

許秋怡頻頻返內地搵食,登台、廣告長接長有,單在上月已有九個商演,加上香港的公司晚宴活動,收入豐厚。

內地市政府╱市委活動約$5萬×1=$5萬公司晚宴約$5萬×2=$10萬內地樓盤活動約$5萬×2=$10萬美容院代言人活動約$8萬×4=$32萬酒吧登台約$3.5萬×4=$14萬

10月收入 $71萬
2 : LHC(34894)@2015-03-19 13:25:23

家燕媽媽炒商場劏舖輸唔小哦
PermaLink: https://articles.zkiz.com/?id=271919

Next Page

ZKIZ Archives @ 2019