|
||||||
搞開奇趣精品同玩具嘅威發國際(765)一向低調,主席潘少忠近期絕少蒲頭,原來係開始交棒畀兩個仔。大仔潘偉駿幫手廠務同日常運作,至於喺英國讀書嘅細仔潘偉業,就主要負責對外事務同marketing。 偉業同華華講,家陣度緊橋,將萬聖節哈囉喂應節產品,包裝成一個品牌。先喺香港推出,試吓反應,之後再去歐、美市場推廣。 據講,偉業今次返嚟幫爸爸手之前,喺英國讀土木工程,試過起學校。返嚟香港後,做過企業財務,接觸到好多唔同行業嘅人,亦多咗了解資本市場運作,累積咗好多實戰經驗。無啦啦做咩講佢?幾好樣又正正經經做嘢,咪益吓各位女讀者囉! |