能屈能伸 左丁山
2009-07-02 AppleDaily
|
|
賓 架Ｓ自東京來港會友三天，預先約好友人行山，點知碰上「浪卡」與大雨，為之興致索然。呢日與佢上陸羽飲茶，請佢一嚐在美國與日本一定冇食過咁好嘅咕嚕肉， 等佢笑番幾分鐘。傾講之下，原來呢位貓有九命嘅美國賓架，再度失業，佢去年加盟嘅外資銀行，成年唔敢做衍生工具生意，提前與佢解約，到八月尾賓架Ｓ又要搵 工咯。賓架Ｓ嘆口氣：「已一把年紀，現在銀行家聲譽又唔好，好難轉行搵工，或者喺日本教英文渡過餘年。」原來佢十年前失業之時，趁有空去咗倫敦讀咗一張 「Teaching English as a Second Language」文憑，o依家竟然有用途。又好彩佢曾經在紐約買屋，高峯時賣咗。在東京市區買咗一個六百呎樓宇單位，貨銀兩訖唔使供。兩公婆依足日本人 住細單位嘅習慣，唔憂嘅，日本人解決住的問題之後，食用好慳嘅啫。退休不可無屋，係放諸四海而皆準嘅道理。賓架Ｓ在港時，銀行租二千呎豪宅畀佢兩夫婦住， 現在就學懂能屈能伸嘅大道理。
賓架聲譽唔好，銀行證券界聲譽唔好，因受金融海嘯拖累，雷曼破產之故。雷曼旁落，搞到今日香 港中環之銀行大堂內出現大小二便問題，實在匪夷所思，賓架發噩夢都未諗過在銀行大堂內發現米田共。美國金融界未見過呢啲事，但因飽受抨擊，議員又惡，於是 美國嘅銀行證券界，包括大型嘅高盛與花旗以至中小經紀行，合力聘請咗公關公司Brunswick，月付顧問費五萬美元，又請埋民主黨籍、共和黨籍嘅民意調 查公司，而最重要嘅，就係委任兩位前財長保爾森嘅助手做統籌，一於嚟一場「帝國反擊戰」，為行業挽回聲譽，恢復正面形象。呢啲新型公關戰，可能有嘢睇，值 得香港銀行界、公關界睇到實，看看是否可以偷師，香港銀行公會唔該研究吓！今年銀行公會主席係王冬勝，身為滙豐執行董事，而美國滙豐與香港銀行公會就雷曼 迷債事件有歧見，王主席點算好？佢話銀公成立一個雷曼小組全權處置，銀行公會開會之時，議程唔會有雷曼之事，避免主席牽涉其中喎。
|
頭等機艙：能屈能伸楊受成 空中飛人
1 :
GS(14)@2013-10-01 16:27:13http://www.sharpdaily.hk/article ... A%E5%8F%97%E6%88%90
由於工作關係，小妹有機接觸到不少商賈巨富，當中有不少更白手興家。小妹認為他們能脫穎而出，除有過人智慧及膽識外，更重要就是個人修養、待人接物的態度。小妹曾接觸的富豪，大部份都待人友善，並不因自己地位優越而給其他人高高在上的感覺，楊受成先生就是其一。
多年前，我在一班自曼谷返港客機的經濟艙內工作，由於受風暴吹襲，之前已有多班客機取消了，因此客機內逼滿候補機位的乘客。當機艙門快關上時，楊受成先生一人登機。最初我以為他走錯機門，正想引領他走向頭等。他禮貌地一笑，表示自己只候補得一張經濟客位機票。我引領他到座位，發現是三人座位的中間，而兩邊已坐著兩個身材魁梧的外國人。正當我環顧四周有否其他空置座位，楊先生爽快地表示不介意，笑說只是短短的行程，不想額外為我增添麻煩，說完他便「擠進」自己的座位。
他連聲的道謝之餘，亦有禮地表示飛行途中不用再為他服務，之後便帶上眼罩倒頭大睡。到達香港後我在機艙門送客，他主動走近對我笑說多謝。我這樣一位小人物，他亦以禮相待，如此的「社交工夫」，又如何可以不成功呢？
精采演出：慳妹能屈能伸
1 :
GS(14)@2015-04-24 08:46:19【慳錢惹霍亂】
《大時代》的慳妹，絕對是周慧敏從演以來的代表作，甚至令人誤會她現實中也是慳妹一名。
慳錢惹霍亂
慳妹因食隔夜餸不適，彩婆婆以為她心臟病發，展博即孭她到醫院。慳妹向展博哭訴從未拍過拖，亦不想死在他身邊。後來證實她染上霍亂，虛驚一場。
下廚氹濟哥
慳妹跪求濟哥救展博，她知道對方最愛吃亡妻華姐的蘇杭點心，便做了不同款式氹濟哥。最後濟哥被她的誠意打動，決定收她為契女，幫助展博。
大膽鬧四蟹
慳妹與四蟹講數，大膽狂鬧：「我係女人乜都唔識，女人仲好小器，不過我仲要野蠻仲要小器！方展博係我老公，佢以後有咩事，我一定唔會放過你！」
淒美大結局
展博贏股票更贏了丁家五蟹，卻未能與慳妹終老。結局最後一幕，他與慳妹在山頂談心，慳妹依偎在展博懷裏，紅絲巾飄過，寓意慳妹逝世。
來源:
http://hk.apple.nextmedia.com/entertainment/art/20150424/19123336
地產潮文：住劏房要能屈能伸
1 :
GS(14)@2016-09-17 16:11:28途經藍田代理舖，看見兩個90年代入伙的中產屋苑被形容為「東九龍經典豪宅」，500餘呎的「上車首選」兩房單位，低層單位成交價也接近600萬元。樓價越貴，市民惟有越住越細。發展商將單位越劏越細（最細152呎），挑戰人類可接受極限。古巨基《錢錢錢錢》歌詞中一句：「情在兩百呎空間發揮，但願別逼到下世」，正好是今日蝸居的寫照。劏房新盤如何盡用空間，可從多方面分析。例如北角新盤較私家車位細，選用掛牆式傢俬提升空間感是唯一選擇，住戶需每天打掃才不會阻礙空間，有助提升自理能力；西營盤新盤闊度約4.3米，有條件加建睡房，但客飯廳四個角位分別建有大門、浴室門、露台門和工作平台門，想在客飯廳加建地台貯物存在一定困難。馬鞍山新盤無法同時放置衣櫃、床、工作枱及小型梳化等傢俬；筲箕灣新盤工作平台門設於企缸內，衣物晾乾後容易再度沾濕，就可以培養住戶淋浴後抹乾企缸的好習慣，減少細菌滋生的機會。元朗新盤露台面向鄰居牆壁，而側窗亦對望另一單位的露台，有助鄰里之間的溝通；將軍澳新盤放置睡床後要留意走動空間，正好考驗住戶空間分配的智慧。而狹小單位可提高市民日後換樓的動機，激發市民的上進心。雖醫學會會長蔡堅指，若長期在狹窄環境下居住，住客會感受到「被壓逼感」，從而引發「狹窄環境恐懼症」，他亦建議居民要每天外出感受陽光。然而，地產商盡力「協助市民上車」、「提升個人能力」、「激發市民上進心」的苦心，又有多少人明白？地產小子
http://www.propertykids.blogspot.hk本欄逢周四刊出
來源:
http://hk.apple.nextmedia.com/financeestate/art/20160915/19770924
Next Page