中環在線：內地股票行靜雞雞減薪 李華華
2008-09-24 AppleDaily
噚 日新浪財經報道，喺熊市下，內地中小股票行開始過冬，一係減薪，一係cut年中獎金，最慘仲係公司先斬後奏，打工仔收咗份糧先知，真係嚇你一跳。呢位咁慘 嘅仁兄嚟自國泰君安，佢話見份糧少咗截，仲以為係會計部出錯，點知一個禮拜後就收到公司後發嘅減薪通知。報道仲發現，廣發證券嘅員工8月份糧平均少咗三 成，海通證券平均少兩成，減幅最多要數中原證券，8月份糧比上年同期少咗半。
齊魯證券6月開始已減咗3000蚊獎金。唔減薪嘅股票行，就喺年中獎金度落 手，招商證券嘅年中獎金比上年少三分一，申銀萬國同安信仲直情cut咗年中獎金o忝。不過，依然有股票行加人工兼派獎金，講緊嘅銀河證券，佢係唯一一家加 薪兼增發獎金嘅當地券商。