在商言商，做生意正常嚟講都係價高者得，不過仁智國際（8082）最近有單交易，似乎有啲異樣，事關有買家出價一倍收購佢哋要出售嘅業務，佢哋竟然唔睬人哋，結果激到對方今日要開記者會玩踢爆。
事 緣展覽公司環球資源，舊年4月已經接觸仁智，話想買對方嘅展覽業務，點知仁智一直唔理佢哋。而仁智舊年仲發出通告，話想將展覽業務賣畀公司前大股東梁天 富，作價300萬。咁環球資源即刻聯絡仁智，話可以出高一倍價錢（即係唔少於600萬）買，點知仁智仍然睬都唔睬佢哋，所以環球資源決定今日攤開嚟講…… 好戲，在後頭囉！