ZKIZ Archives


中環在線:大陸股神林園損手 李華華

>2008-06-18  AppleDaily

大 鱷索羅斯老貓燒鬚,大陸股神林園就損手。據大陸《成都商報》報道,內地稱為「陽光私募」嘅私募信託基金,損失嚴重,林園管理嘅三隻信託基金──林園1期、 2期同3期,除咗1期成立時間較早,保得住唔使蝕之外,2期同3期呢兩隻基金發行至今年3月短短半年內,淨值就分別縮水18.87%和19.23%。

報道 話,截至5月中,後兩隻基金嘅單位淨值分別係76.85蚊同76.76蚊,相信6月份嘅淨值會得唔夠70蚊,甚至跌穿60蚊o忝。林園同深國投合作嘅第一 隻信託產品林園1期,舊年2月底成立,到10月中時,曾公佈收益率53.28%,但同期上證指數漲幅有108%。至於林園2期同3期就喺07年9月發行, 門檻由1期嘅50萬人仔提高到100萬銀,但07年底止投資全部損手。究竟「股神」之名係言過其實定時勢唔就?

2008-06-17  成都商報

“冬天”來臨今年首只私募清盤

四川新聞網-成都商報訊

大盤跌破3000點,陽光私募的苦日子到頭了嗎?不,苦日子才開始,私募的冬天來了!

大盤的暴跌,陽光私募也遭受了成立以來最為嚴重的損失。豐收盈寶成為今年首只清盤的陽光私募。深國投、平安信托的幾十家陽光私募,淨值大面積縮水;大量新成立的陽光私募紛紛跌破面值!

運作273天就提前清盤

大盤大幅下跌,使得部分陽光私募管理的信托產品淨值向平倉線挺進。山西信托·豐收盈寶結構化証券投資集合資金信托計劃(下稱豐收盈寶),今年4月公告, 在該信托計劃運作過程中,信托財產淨值觸動了提前終止信托計劃的條款,為保護優先受益人的利益,經協商,決定提前終止該信托計劃,於2008年4月22日 進行清算。

據介紹,該信托計劃於2007年7月9日開始推介發行,共募集信托資金6000萬元。其中,客戶的資金3000萬元,私募資金3000萬元。達到募集要求,信托期限自2007年7月24日至2009年7月24日。

然而,豐收盈寶實際運作273天,就因為觸發平倉線而被清算。豐收盈寶是今年首只因為淨值暴跌而清倉的陽光私募。

大面積陽光私募虧損

目前,國內名頭最大的兩家信托———深國投和平安信托的幾十家信托產品,也是遭遇了大面積虧損。

截至最新一期的淨值公告,深國投旗下的66只信托產品中,僅有18只的淨值還處於100元的面值之上;相反,虧損的信托幾乎都是在2007年下半年和2008年上半年發行成立的。其中,多只信托的淨值跌至70元以下,甚至是60元以下。

林園的三只信托產品中,除了首期信托成立時間較早而未虧損,林園2期、林園3期的淨值都已經跌破80元,截至5月15日,林園2期、林園3期的單位淨值分別為76.85元和76.76元。相信6月的淨值出來後,兩只信托很可能跌破70元。

四大考驗壓制陽光私募發展

“很多私募也曾取得過不俗的成績,但這更多的是建立在一輪大牛市的基礎之上,眼下熊市格局確立,我判斷陽光私募的冬天已來臨。”一位私募界頗有實力的私募經理老李說道。

老李給記者算了一筆賬,很多私募經理人都是從公募基金出來的,公募基金經理每年有50~100萬的固定收入,因此,私募團隊每年的固定工資這塊至少在400萬元。加上激勵機制,如年中的分紅,以及日常開銷,包括場地等固定成本、出差調研、軟硬件等,差不多600萬元。

老李總結,目前的陽光私募普遍遭遇了四大考驗,一是業績,二是規模,三是客戶贖回壓力,四是人才因素。很少有私募通過這四大考驗。

“很多私募很難撐到年底”

“現在的市場非常困難,我們近期一直空倉,偶爾打打新股,但也不敢全部投入。”面對市場的估值體系完全崩潰,一位少有的還保持在面值以上的私募管理人如是說。

這位在深國投發行了多期信托產品的私募人士告訴記者,據他了解,部分在前期極為樂觀、滿倉看到8000點的私募經理人,已經在跌破3000點時斬倉出 局,他還稱,大部分在深國投發行的信托的6月淨值公佈後,很可能讓市場嚇一跳,屆時,大量私募的淨值將跌破60元,甚至可能出現跌破50元的信托。

“已經有人後悔從公募出來了,因為按照這個下跌速度,很多私募基金很難撐到年底,而他們在公募多年的打拼,將付諸東流。”老李稱。

記者 毛晉楠

PermaLink: https://articles.zkiz.com/?id=1186

中環在線:大陸股票行裁員減薪 李華華

>2008-06-20  Appledaily呢 輪股市唔生性,交投大縮,經紀分分鐘份糧都保唔住。好似大陸《信息時報》噚日報道,有股票行低調裁員或者要員工減薪。報道話,上海同深圳兩地嘅股市交投自 年初至今,越跌越甘,首季度每日平均成交額只得千六億人仔,第二季截至6月16日止,更跌至1260億銀。有啲單靠經紀業務維生嘅券商,營業額大受影響, 規模細嘅仲慘,有啲已經出現單月虧損。

報道訪問咗招商證券研發中心研究員羅毅,佢話股票行業利潤比舊年跌咗近三成,照鶽家情況睇,股票行生存環境會越嚟越 惡劣。之前牛市時,股票行擴充人手嘅招聘廣告已經消失晒,仲有部份股票行開始減薪,初步減薪約一成,據講深圳部份股票行仲開始推出近乎零佣金搶客。據華華 一個深圳券商朋友講,大陸經紀同香港差唔多,都係靠佣金收入,股票行畀嘅底薪只係千鬆啲蚊,舊年牛市,經紀月入十幾萬,家吓得3000蚊,份底薪雖低,但 都好重要。
PermaLink: https://articles.zkiz.com/?id=1208

中環在線:步步高成大陸股壇神話 李華華

2008-06-27  AppleDaily踏 入今年,香港差唔多隻隻新股都潛水,不過,大陸就唔同,據《新浪財經訊》嘅統計,6月份總共有12家公司喺大陸中小板度掛牌,當中以步步高嘅股價表現最理 想,被形容為延續中小板神話,上市唔夠兩個禮拜,股價急升78%,但大家唔好將馮京當馬凉,呢家唔係香港人熟悉生產DVD機嗰家,呢家步步高係經營超市連 鎖店,兩家公司完全唔同老闆。

呢家啱啱上市、經營超市嘅步步高,全名步步高商業連鎖股份,大股東叫王填,同太太張海霞共同持有公司50.6%股權,以噚日 46.46蚊人仔收市價計,家陣兩公婆身家總共有31.8億銀。至於嗰家賣DVD嘅步步高,老闆叫段永平,佢曾經喺06年,以62萬美金(約484萬港 紙),贏得同股神畢菲特食晏,成為一時佳話。根據07年《胡潤中國富豪榜》,段永平同王填同樣以25億銀人仔並列328位,不過家步步高超市股價表現咁 好,睇怕王填嘅身家已經跑贏段永平。
PermaLink: https://articles.zkiz.com/?id=1257

中環在線:高盛返大陸養豬

2008-08-04 AppleDaily

外 資大行喺大陸又有新投資目標,今次佢哋唔係睇中入股邊隻內地金融銀行股,而係養豬,做豬農。據《中國經營報》報道,以高盛牽頭嘅私募基金,近排斥資二三億 美金喺湖南同福建一帶,一口氣全資收購10幾間專業養豬場。其實今次唔係高盛第一次入股大陸豬業,早喺雨潤(1068)上市前高盛已入股。

聽消息人士講, 今次高盛收購番嚟嘅豬場唔會自己營運,會外判畀人承包,佢哋只會決定價格,咁又係,唔通叫班基金經理落豬欄餵豬咩。據報道講,因為大陸對外資企業投資金 融、礦產、能源同電訊行業等都會睇得好緊,外資想叉隻腳入去玩都唔係咁易,相反農業就較寬鬆,基本嚟講係冇門檻限制,加上內地同國際市場對農業需求龐大, 投資成本又唔算多,所以咪吸引班外資到大陸投資農業,博第日上市或者等併購賺錢。
PermaLink: https://articles.zkiz.com/?id=1592

中環在線:大陸股神唔炒股大覺瞓 李華華

2008-08-05  AppleDaily


對 住呢輪淡靜市,有「大陸股神」之稱嘅內地散戶林園選擇瞓同玩。《京華時報》最近訪問咗呢位內地散戶股神,雖然佢喺跌市中同一眾散戶一樣中招,但仍然「淡定 自若」,林園話:「現在這種大市下,我做得更多的是睡覺和玩。」佢話股市嘅規律就係咁,「牛市吹泡泡,熊市擠泡泡;泡泡遲早會被吹破,泡沫終究也會擠乾 淨,周而復始。」

佢測算過,未來15年中國經濟複合增長率會有4%,所以堅持長揸,最終可以賺錢,所以唔擔心中國股市同揸住嘅股票一跌不起。個訪問約咗林 園喺一間佢相熟嘅股票行進行,林園話已經好少嚟股票行,「懶得跑,沒事就在家睡覺,除非有事才過來。」佢話唔會好似股民咁成日『目及』住股價,家陣幾乎唔 同人講股,費事俾人哋影響投資決定,「我甚至想去一個沒有電話、沒有網絡的地方。」唔通林園想做隱世高人?
PermaLink: https://articles.zkiz.com/?id=1610

中環在線:大陸前首富同愛將反目 李華華

2008-08-08  AppleDaily

昔 日愛將,今日反目,最新一單係大陸前首富、新希望集團董事長劉永好,同佢舊愛將杜誠斌。據《每日經濟新聞》報道,新希望旗下成都希望食品前經理杜誠斌,早 喺舊年8月已經離職,奇怪嘅係,事隔一年,成都希望食品先發聲明,要同杜誠斌劃清界線,話杜誠斌嘅一切華洋轇轕,都同希望食品無關。由佢做董事長嘅四川得 益綠色食品,亦同希望食品冇任何關係。究竟發生乜事?報道有好多猜測,包括話杜誠斌另起爐灶,又話佢帶走啲員工同資源,傳聞係咪真,華華好難求證。不過, 商場冇永遠敵人,何況杜誠斌本身係一隻千里馬,為新希望集團打造得益方便米飯同火腿腸等產品。劉永好亦係百樂,95年破格起用當司機嘅杜誠斌,仲畀升職機 會佢,後尾畀佢做埋新希望集團肉食品事業部總裁。究竟係千里馬對百樂造成威脅,定係百樂臨尾都仲係想幫千里馬做聲勢,所以先至有呢張遲出嘅聲明?
PermaLink: https://articles.zkiz.com/?id=1656

中環在線:大陸買樓送菜田 李華華

2008-08-27  AppleDaily

內地樓市滯滯哋,發展商度橋促銷,出錢之餘亦用好多腦汁,送車送裝修都係碎料,送埋驢仔同菜田呢啲先叫創意。《人民日報》報道,珠海市有個盤竟諗到「買房子、贈菜地」,做咗嗰度嘅業主,就有機會得到一塊菜地,可租種30年,最大賣點係安心食自己種嘅菜,唔怕食到毒菜。

發展商技窮抽獎送驢

瀋 陽市瀋北新區就有個盤搞大抽獎,獎品唔係名車,而係一隻驢,發展商自嘲係「黔驢技窮」喎。得獎業主養隻「15樓嘅驢驢」,睇怕都哭笑不得。濟南一個樓盤嘅 發展商想多啲人奧運期間買樓,指中國隊每攞一面金牌,佢哋就推出萬銀優惠。深圳南山區一個樓盤就畀買家「3個月試購,無條件退定」,即係業主先落5萬人仔 定,3個月內唔理樓價跌定有乜原因,都可以要求退定唔買。不過,最實際應該係「零月供」呢招,有個盤只要買家畀首期,之後一年嘅供款本息都由發展商畀,業 主頭一年真正係「零月供」,你話幾爽呢!
PermaLink: https://articles.zkiz.com/?id=1889

中環在線:大陸富豪搞天價晚宴 李華華

2008-09-16  AppleDaily

如 果你係股神畢菲特,就有人不惜用200幾萬美金競投,要同你共晉午餐。大陸有位富豪,都要學股神搞個天價晚餐。據《重慶商報》報道,內地富豪嚴介和下個月 喺重慶設宴,同10位重慶老闆食飯交流生意經,每人入場費5800人仔。嚴介和係乜水?香港人唔多識,但喺大陸就有啲名氣。佢05年上過「胡潤百富榜」第 二,當年以中國太平洋建設集團主席身份,坐擁125億人仔身家,排黃光裕之後。不過06年就跌落16位,身家得番75億,07年頭50名都唔見影。

弱點是太優秀

學 股神呢一招,多少要有啲膽識,嚴介和有個綽號叫「商界狂人」,經常語出驚人,金句包括:「我的弱點就是我太優秀了。」家陣係華洋建設集團主席嘅嚴介和,去 年底搞小企業家管理培訓,經常四出演講,普通門票都要過千銀。呢餐晚宴據講會喺一家五星級酒店搞,食鮑魚同魚翅等。咪以為佢呢招唔得,據報道截至上個禮 拜,已有20幾個中小企老闆報名。
PermaLink: https://articles.zkiz.com/?id=2184

中環在線:中原、美聯大陸齊收縮 李華華

2008-10-17  AppleDaily



自從中央舊年中加強調控,內地代理業已經陸續收縮甚至倒閉。加上最近嘅金融海嘯,更加係雪上加霜,各大代理行喺內地嘅規模都會再縮。

一 直喺中國市場做得唔錯嘅中原中國,最近進行全國性精簡人手,好似北京、上海、深圳同天津等,短期內都要cut一兩成人手同分行數目。佢哋華東區阿頭陸成 講,上海生意上半年都唔錯,但啱啱嗰3個月就要見紅,所以8月份開始準備瘦身,o依家諗住首階段到今個月底,將人手同分行減少成半,分別剩番約2700人 同160間,之後睇定啲再算。

另一個管華南區嘅阿頭賴國強話,舊年中已經開始做嘢,基本上過去一年暫時都有錢賺。因應今次海嘯,年底前深圳人手同分行會再減一成,分別剩2800人同140間;廣州就減一兩成,分別剩2000人同130間。

深圳人手分行削一成

根據資料,中原中國o依家喺內地大約800間分行、萬五個代理。佢哋舵手施永青話:「做到咪繼續做,做唔到咪壽終正寢囉。」

至於美聯集團(1200)同香港置業,都會收緊內地人手同分行,聽講短期內要削兩成。
PermaLink: https://articles.zkiz.com/?id=2688

中環在線:大陸紅底股全線淪陷香港剩番五隻 李華華

2008-10-20  AppleDaily


上 兩個月華華先講過,大陸得番一隻紅底股,就係剩低上海掛牌嘅貴州茅台單天保至尊。估唔到兩個月後,貴州茅台亦喺金融海嘯巨浪下慘遭淹沒,上個禮拜五,股價 跌穿100蚊人仔,收報97.89蚊。亦即係話大陸紅底股抗戰失敗,終於全告淪陷。全球股災爆發前,內地股市全盛期一度有超過10隻紅底股,貴州茅台作為 內地基金愛股,股價屢創新高,不知幾咁風光,去年尾及今年1月初曾經兩度急升至230蚊人仔。可惜花無百日紅,全球大冧市,大陸股市亦受重創,茅台股價先 後失守兩百同百五蚊關口,上個禮拜五最終失守100蚊,年初至今股價累積插水近六成。至於港股方面,雖然仲有一隻手數得晒嘅5隻紅底股,包括重磅藍籌滙控 (005)、恒生(011)、永隆(096)、渣打(2888)同埋宏利(945),不過相信唔使好耐,紅底股就會篩剩3隻。家吓滙控同恒生兩父子股價跌 至百零蚊,只係掹車邊,美國或歐洲是但爆單壞消息,佢哋就隨時紅底不保。

滙控恒生危危乎

滙控同恒生兩父子近排真係黑氣纏身, 老竇滙控上月9號俾大摩追魂索命,發表「戰略研究報告」,預言滙控未來60日跑輸大市,結果滙控股價每況愈下,加埋金融海嘯衝擊,股價個半月下跌15%至 105.2蚊。阿仔恒生又唔生性,投資失誤,可能要為投資華盛頓互惠銀行嘅債券作出大筆撥備,消息引發市場恐慌,股價短短1個月插水50蚊,跌至106 蚊。唔通黑開真係有條路?

香港紅底股

‧宏利(945)股價*:179.1元今年高位:317.6元今年變幅:-43.6%

‧永隆(096)股價*:155.7元今年高位:156.0元今年變幅:+63.0%

‧渣打(2888)股價*:140.0元今年高位:291.0元今年變幅:-51.7%

‧恒生(011)股價*:106.0元今年高位:168.0元今年變幅:-34.1%

‧滙控(005)股價*:105.2元今年高位:137.2元今年變幅:-20.1%

*上周五收市

資料來源:彭博資訊
PermaLink: https://articles.zkiz.com/?id=2723

Next Page

ZKIZ Archives @ 2019