|
||||||
|
香港有不少人崇拜新加坡、講房屋就話新加坡啲租屋比香港公屋大幾倍，新加坡市民嘅平均住屋面積比香港大兩倍，新加坡政府更有效率，新加坡空氣比香港好，新加坡最近搶走和黃碼頭業務以商業信託方式上市……。 新 加坡的確叻，的確醒，無人可以否認。但佢地政府做得咁好，內有隱藏代價，係不時稱讚新加坡好嗰啲自由派略左傾嘅評論員、環保團體、社會運動家絕對唔肯付出 嘅，呢個代價叫做一言堂，李光耀說了算。在新加坡，誰人反對政府？誰人反對填海破壞海洋生態？誰人反對興建賭場助長賭風？誰人反對電子道路收費侵犯私隱？ 誰人敢膽在電台搞烽煙節目晚晚鬧政府？誰人要求多一兩張報紙出版？答案就係冇。即使有，聲音十分弱，好少人知道。 李光耀係世界級政治家，其 人理性理智到香港人怕怕。最近有一部關於李光耀嘅新書出版（Lee Kuan Yew：Hard Truths to Keep Singapore Going）裏面就提到反對派，李光耀講得好坦白，全世界冇一個政黨鍾意有反對派，政黨上台後就想永遠執政，一定要比反對黨行先一步，滅反對聲音於萌芽狀 態。證諸過往，李光耀創辦領導嘅人民行動黨確係做到呢一點，將反對黨，無論如何微弱，都趕盡殺絕，將傳媒國有化，聽晒政府話，那裏容納得下一個「香港電 台」，單憑此點，請一啲批評特區政府人士，唔好成日讚新加坡，好唔好？ 公民黨及一啲人反對拆建政府合署西翼，引甚麼歷史理由，無視中環甲級 商廈租金狂漲，需要增加供應。新加坡方面，李光耀自一九四零年代起居住嘅歐思禮路獨立平房，李顯龍在此出生，人民行動黨在此創立，在新加坡應該好有歷史價 值，要保育保存。但李光耀就要求政府在佢死後清拆之，重建為新型大廈，以便附近一帶可以興建高樓，增加土地價值！咁樣講法，如果李光耀在香港，佢會提議成 個政府山都拆咗佢，點止拆西翼呀。李光耀仍然在生，香港公民黨不如搵代表同佢辯論吓！ |
||||||