|
||||||
|
「維基解密」網站（WikiLeaks）令人聞風喪膽，但到底佢哋其實有幾堅呢？ 噚日，佢哋披露一封由美國駐北京大使館，喺同中國高層官員舉行會談之後發出嘅外交電郵，封電郵除咗話中國唔願意將滙率問題，列入雙邊高層會談正式議程之外，仲話中國建設銀行（939）首席經濟學家華而誠，同美國嘅官員講，人民幣兌美元嘅滙率，出年可能會升值達5%。 另 外，華先生仲預測埋人民幣兌美元滙率今年升值3%（之不過人仔至今已經升值3.05%），佢又認同人民幣滙率係人民銀行嘅一項挑戰，即使人行或者會被迫容 許人仔升值，但都只會係漸進式升值，因為國際環境依然疲弱，而且出口復蘇並唔強勁，所以，佢估人民幣喺2011年只會升值5%，兼唔太可能一次升足…… 華華初初睇落，真係幾有爆料feel，但望望吓又有啲似曾相識。唓！今個月建行自己咪講咗，估出年人仔升值5%囉，house view之嘛，有幾咁震撼呢又？ |
||||||