中環在線：李家誠先接棒美麗華 李華華
2008-09-03 AppleDaily
講開又講，噚日美麗華酒店（071）股東會，四叔俾記者捉住問港股走勢，至於本來嘅主角美麗華，就留番二公子李家誠負責。四叔話，家陣美麗華係由董事總經理李家誠打骰，等佢親自解畫喎。睇嚟四叔想畀多啲機會二少發揮，吸收經驗為日後接棒鋪路。
改名唔係想分拆
李 家誠被問到，點解將美麗華酒店改名為「The Mira」，二少解釋，係為咗配合酒店翻新後嘅新形象，加強新品牌嘅發展，並非想淡化家族色彩，或者將酒店分拆上市。佢仲話，家陣美麗華仲翻新緊，要明年 先完工，雖然翻新工程仲未完全搞掂，但酒店嘅房租每間平均加咗六嚿水，嚟緊仲有上升空間喎。美麗華酒店由楊志雲創辦，佢85年過身後，酒店股權引嚟大批富 豪爭奪，當中包括長實（001）及中信泰富（267），後尾楊志雲家族揀咗四叔入股，因為信四叔唔會將美麗華拆骨斬件。