| |
||||||
2010-10-28 AD
|
||||||
|
索羅斯投資賺錢叻，當然無人唔知，佢係民主自由戰士，每年都捐唔少錢畀花旗國民主黨都唔係秘密，但原來索老仲好撐一樣嘢，就係吸毒！真o架，係吸毒！ 話 說加州政府早前提案，建議畀21歲以上嘅成年人擁有兼種植大麻，條法案將會喺下個禮拜二公投，本來幾個月前嘅民調顯示，新例係有望過關，點知近排形勢逆 轉，索老見勢色唔對，於是嗱嗱臨科水，捐咗100萬美金，即約780萬港紙畀咗間爭取隊草合法化嘅組織，力挽狂瀾推動加州吸食大麻合法化，等啲癮君子唔使 再偷偷摸摸。 佢老人家喺《華爾街日報》度撰文，力數大麻合法化嘅好處，佢話政府可以名正言順開徵大麻稅，亦唔使再浪費公帑捉啲癮君子，差佬做少啲嘢開少幾槍，監獄又少啲道友仙姑，何樂而不為也！又係喎，加州財困嘛，開多條財路都好嘅，之不過就要撇開晒啲道德觀同社會責任唔講囉！ |
||||||