最近好多新股都炒到熱辣辣，上市後又有水位賺錢，搞到唔少股民都想抽新股發小財，就連天行國際（993）前股東兼執行董事蔡朝暉都要搵天行借短錢抽新股。翻查天行國際通告，呢間公司時不時透過天行聯合證券借孖展畀人抽新股，多數會開埋名，蔡朝暉出現次數唔算多。今次佢只係借8363萬元，年息1.7厘，借7日短錢，都係借孖展抽新股。
佢同華華講，熱爆四環醫藥（460）同仲招緊股長興（238）都有抽，雖然佢有份投資雲峰基金已經係四環基礎投資者，但有鎖定期，所以佢私人再抽，似乎有暗示喎。