|
||||||
|
自從因病辭官歸故里後，華華每次見到馬時亨（Fred），都係以中策（235）主席身份出現。不過，原來Fred哥最近搵到份非常開心嘅工作，就係幫「香港提升快樂指數基金」做顧問。 員工快樂所以老闆快樂 話明係幫人提升快樂，基金噚日頭炮喺理工大學搞咗個「怎樣做一個快樂的老闆」講座，由Fred哥親自教授快樂必殺技。 佢話，92年投資迴轉壽司一役令佢非常快樂，因為呢個十幾年嘅投資，喺最終賣盤時，有60倍回報。有咁理想嘅收穫，全賴一班員工。令Fred哥更快樂係，見到一班後生仔越做越好。 兩個幾鐘頭嘅分享，結論係，做老闆無論邊行，賺錢最快樂。要賺錢，必先令員工快樂，否則，佢唔認為間公司會有「錢途」。各位老闆，收到未！ |
||||||