美國公布的經濟數據唔係咁理想，加上P&G及陶氏化工等季度業續差過預期，美股繼上日勁升後，昨日趁機調整，不過回調幅度有限，杜指及標普500指數下跌都唔超過0.5%，杜指跌38點，收10636點，標普500指數挫5點至1120點。杜指期貨收10592點，比現貨低水44點。
港股美國預托證券造好。ADR港比指數收報21583點，比香港收市高125點或0.6%。匯控收報82.74元，比香港收市高0.3%，中移動報79.72元，比香港收市高0.8%。
美國商務部一份最新的經濟報告顯示，6 月份的個人收入無增長，消費者開支依然低迷不振，增長只有0.1%。兩者都差過市場預期。若不計及食品和能源價格，6月的核心消費者價格持平。過去的一年 中，美國的消費者價格上漲1.4%，與去年比較，增長幅度係10個月以來新低。同期個人儲蓄率增至6.4%，超過5月的6.3%。反映消費者對經濟前景， 抱審慎態度，唔係咁敢消費。
另外，6 月二手房簽銷指數創9年新低。美國房地産經紀商協會(NAR)公布，二手房簽約銷售指數較上月下降2.6%至75.7點，指數創了2001年以來新低，較 上年同期低19%，若與2005年4月高峰期比較，跌幅更超過40%。簽約購房者的數量明顯下降的原因，主要與經濟復蘇疲軟和較以前難借到錢，導致更多消 費者遠離房産市場有關。
P&G 第四財季凈利潤21.9億美元，較去年同期下降12%，每股71美分，低過市場預期的73美分。P&G指賺少鰦，主要係營銷開支增長超過預期，公 司預計，2011財年的凈銷售額將增長2%至4%，每股利潤將增長3.9%至4%。另外，陶氏化學第2季賺鰦6.51億美元，扭虧為盈，但仍略低於市場預 期。陶氏化學更挫一成，拖累原材料板塊下挫，成為標普500指數中表現最差的行業。
聯儲局將於下周開會討論，是否在該機構持有的抵押貸款債券資産到期時使用現金來收購新的抵押貸款或者國債，以使其持有的資産不至於不斷縮水。市場預計未來幾個月聯儲局就會採取這種行動。聯儲對上一次大規模收購國債項目，距今只有4個月，如果咁快就有行動，反映聯儲局官員對美國經濟前景的擔心情緒加重。投資者對美元越來越感到緊張，導致美元匯率大幅向下，美匯指數跌穿81水平至80.665。而歐元兌美元則升上1.32美元的近期新高。
網友twohitsix再問題止賺的問題，「陸sir，今日的文章講止賺, 呢樣野對於我來講真係一個好需要改進既野. 想仔細再請教一下. 對我來說, 我買得到而有得賺既股票主要係呢二類:
1. 穿 位越高越掃型, 例子(2222, 雷士照明): 我係$2.51 投機心態買入, 本來好想坐耐d, 但係$2.6-$2.8 橫行幾日之後. 成日會覺得:” 唉, miss左$2.8 冇走, 而家得$2.6”. 之後再嚇自己: “橫行會唔會係$2-$2.3 買d人take profit架?" 結果$2.7 走得七七八八, 而家$3.1
a. 假設唔係莊家細股, 有冇方法可以睇到少少蛛絲馬跡究竟高位係出貨定再上? (古老思想認為等到報紙有人推介先走貨未遲)
b. 如果你是我, 陸sir你會如何定止賺?
c. 如果坐到而家, 陸sir你會點定止賺? 係range頂$3? Range 底$2.7? 還是高位回落某%? 定係有其他方法?
2. 低位翻生反彈型, 例子(2038, 富士康): 我係$5.14投資心態買入. 呢種就更加痛苦, 自以為買到絕世低位, 但每次高位一回就好肉緊, 怕自己見財化水.
a. 如果係陸sir你會set咩位止賺?
b. 投資心態, 已經預左分注買. 但係升左上去就怪自己當初買得唔夠多. 如果想加注可以點做? 我知可以海龜法則係一個方法, 但一我冇工具唔知n係幾多, 二則昨日一爆就n個n, 追之不及也. 問題有點長. 謝謝陸sir花時間看完.」
就Twohitsix呢兩個個案可以分別講講。第一所謂「穿位越高越掃型」，雷士照明係新上市股票，去年賺9980萬元，資產淨值12.8億，如今市值高達90.7億， 現價今年業績估計市盈率都高達32倍，佢體積唔細，價錢唔平，主要係挾綠色照明概念炒增長前景的股票。論投資這種股票好難買，新上市對管理層手法無認識， 又未有強勁業績數字支持，一切都是靠上市時預估及炒概念。不過投機就例外，既然佢咁都上得市，自然有人睇好，有人睇好就可能有得炒，所以Twohitsix投機買入無乜壞。
佢2.51元買入，我估係7月頭開始抽升的一日買，之前在2.3元上下徘徊，抽升之後，在高一個水平2.6元上下走。其實Twohitsix入位好靚，2.51元買入，10%止蝕即是到2.26元止蝕，去得番呢鱓位，穿番之前的橫行位，下跌風險大增，打靶都無錯。買入不跌反升，在2.6元、2.7元左右走，其實好安全。大可保持原來的止蝕位，睇長鱓。真係好唔放心，就將止賺位定在2.52元，到位沽番唔使輸，而2.52元的位置也破了2.6至2.7元的橫行區底部，到了2.52元的位亦可能跌深鱓。
Twohitsix結果太驚，在2.7元走得七七八八，到底佢原本炒作的目標是多少，定一成止蝕，至少都應該睇二成升幅以上，唔覺得佢會升到3元樓上唔好買，橫行好多時係打底，隻股升上了一個層級，自然有一部份早一段買了的散戶想食少少就走，有大量食細糊盤，沽壓不低，但沽到2.6元就停穿唔到落去，即係在2.6元有盤不斷買，唔好理呢鱓係乜盤，佢就係股價的支持，唔見呢鱓支持力消失，又何需太急走人。有鱓股上落太厲害，點都守唔到，但睇呢隻股個圖，Twohitsix原本好有機會守到3元，若存心短炒又睇唔到短期有大升機會(現時可能炒緊中期業績其實可以等耐少少)到3元可以沽一半先，其餘定番入價止賺，咁就一定無衰。Twohitsix犯的是散戶通病，如果一買入就定好我講的止蝕止賺計劃，唔好受短期波動影響，應該有機會食多鱓。
至於佢所謂「低位翻生反彈型」的2038， 富士康，一個自殺事件，搞到股價大插水，這種也是我喜愛投機的類別，公司本身有質素，因為一種無持續性影響的事件而股價大跌，可以候機執平貨，等三幾個月 股價較正常時可以食糊(可惜佢出事時我太忙無時間睇)。我的判斷是自殺事件不會令公司經營發生質變，即使成本略升，透過將工廠內移，及將成本轉嫁在客戶身 上，可保盈利。你不要忘記，這是一間有90幾萬員工的大廠，佢的客戶如蘋果根本貨品供不應求，富士康若可以把為蘋果代工產品的產量加5成，即使售價貴鱓， 蘋果一定要，做廠做到幾十萬工人的大廠，議價能力好高，客戶不是過兩天就可以找到人取代你。
若我買富士康，我不會如Twohitsix買得咁平，但亦不如佢咁擔心，佢在5.14元買入，我估如果我買，會在5.2元多一些買，富士康低位4.83 元，跟住反彈上第一個橫行區5.1元至5.2元，橫行一段，再插見雙底，再向上，我估我會等耐鱓，在它再向上升穿第一個橫行區時才買，若在5.2元買，一 成止蝕4.68元，若到止蝕位已是新低，都抵沽啦。後來跌定回升，若要追貨，會在佢升穿下一個橫行區在5.4元左右追貨，唔升唔好加注。升到平均價一成以 上時，可以用買入價作止賺位。如今無到過，何需太緊張。若果你真係太驚，可以升到兩成時先沽一半，但我覺得唔係太需要，升得太急時另計，可以等佢中期業績 出埋睇纒市場氣氛係點再定奪。
散戶有個心態，敢輸唔敢贏，買中一隻升鰦上去，以入價為止賺，根本無乜風險，點解唔睇耐鱓，食番舖大少少呢?
陸羽仁