| ||||||
| 置地公司好肯落 本錢做公關，例如七月五日至七月二十三日期間，置地搞咗一個"Taste Matters" in Central （品味．中環）食譜創作比賽。同時展出攝影師Fulvio Bonavia之廿三幅攝影作品，置地廣場噴水池畔則有由食材製成嘅女士至愛─手袋、戒指、高跟鞋、iPod耳筒等等，用士多啤梨、青蘋果、parma ham、奇異果、朱古力等等為材料，直情好似真嘅一樣，連買慣靚嘢嘅公關大姐大睇到，亦讚嘆不已。後來左丁山行去歷山大廈Cova飲茶，與公關高手L小姐 講起，佢話：「錢不是萬能，搞高檔公關如Taste Matters則冇錢就萬萬不能。」呢句公關口號當然語帶雙關，品味還品味，置地實則宣傳置地廣場、歷山大廈、太子行內之高檔餐廳，Matters既可做 動詞，亦可做名詞，Taste Matters，顯然係考究之作。 在Cova飲茶，公關L之波士旅遊L笑容滿面，講起旅客抵港數字就開心， 今年上半年，來自南韓、台灣、印度嘅遊客，有雙位數字增長，農曆新年時，彌敦道有花車巡遊，十萬人在場參觀，根據訪問三萬人嘅調查顯示，其中有五萬二千人 係遊客，證明農曆新春花車巡遊可以吸引遊客。今年下半年嘅香港盛事有大型懷舊演唱會、美食節（西九長廊）及大型飲食推廣活動在蘭桂坊、蘇豪區舉行。 去 蘭桂坊參加美食坊，我地未必方便。外滙C有一次食完晚飯，趁高興到蘭桂坊落吧，點知一入去就成晚俾型男索女叫Uncle，極之冇癮，匆匆飲一杯就鬆人。旅 遊L個樣叫做生得年輕，一晚在蘭桂坊酒吧外面，俾一位型男叫住：「Uncle，請問California喺邊度？」旅遊L識趣啦，掉頭就行。 講 旅遊講得咁高興，左丁山特登潑下冷水：「惡女珍事件如何處置呀？」旅遊L唯有苦笑，呢類事件層出不窮，事必有因，主因就係錢作怪，無法根治。聽講旅發局不 久之後會派隊到內地各大城市宣揚「誠信之旅」，解釋低價旅遊團之為害，希望內地旅行社明白。呢啲事唔做唔得，但做咗又未必有效用噃！ | ||||||