ZKIZ Archives


人財兩失林忠豪搭上人妻廖碧兒絕望勾陳豪


2011-8-11  NM




「拜金女」廖碧兒,以為溝掂李澤 楷表弟林忠豪,搵到筍盤可以實現夢想做有錢太。點知,林忠豪玩厭即撇,二人情侶關係只維持大半年,今年六月,正式反面分手。回復單身四出溝女的林忠豪,上 星期更與一名人妻林淑怡結伴去ball。豪門夢碎,加上被無綫放棄拒絕續約,形象全面插水的廖碧兒,唯有隨波逐流,返大陸搵食,一出道就做慣女主角的她, 現在要淪為大茄,做行行企企大配角。走入絕路,廖碧兒仍死心不息,扮死狗搵番陳豪,她雖未至於痴心妄想反撬陳茵媺牆腳同陳豪復合,只是氹掂陳豪拍住搵錢, 貫徹她搵錢不擇手段的拜金本色。半年玩厭

去年十二月,廖碧兒被揭發秘密搞掂「富二代」李澤楷表弟林忠豪,一心就以為得米,可以嫁入豪門做少奶奶,於是極速狠撇拍拖六年男友陳豪,專心服侍林公子; 點知唔夠一年,林忠豪對廖碧兒已經生厭。「Alastair(林忠豪)成日都想溝女明星,但係無乜女肯落疊,偏偏廖碧兒以為執到寶,釣到隻肥金龜,攬到佢 實一實。最初佢兩個都以為搵到目標人物,開始三個月愛得好痴纏,點知唔夠一陣,就覺得唔對路,Alastair話佢貪錢,又唱佢其實唔係好索,唔值得喺佢 身上投資咁多,加上廖碧兒成日扮明星,唔肯陪男友出席朋友聚會,令到Alastair冇得喺啲friend面前炫耀有個花旦女友。「至於廖碧兒,佢發覺 Alastair其實唔係想像中咁有錢,淨係識吹水,咁耐都冇收過一件令佢嘩一聲嘅禮物,甚至有時廖碧兒開晒聲話鍾意邊個手袋,Alastair把口就話 買,但最後都側側膊,唔肯送。」林忠豪身邊 人說。高速煲的戀情經不起考驗,二人經拖拖拉拉,今年六月期間,林忠豪趁一次嗌交,乘機提出分手;一心以為有機嫁入豪門住豪宅做少奶奶的廖碧兒,當堂如夢 初醒。為表撇女決心,林忠豪已經連廖碧兒的電話,都唔肯再聽,近日亦不停要求朋友,介紹靚女model給他 認識。

錢情無限

陳豪與廖碧兒○四年撻着,地下情逐漸浮面後,二人以「情侶檔」姿態接job,有錢齊齊搵,深受一眾廣告客戶歡迎,有市有價。04-05年廣告:Lifeztore家具店每人$50萬活動:Bossini旗艦店開幕、地鐵商場開幕等3個每人$24萬

人妻陪去ball

上星期四(八月四日),林忠豪出席菁英會第四屆執委就職宴,原本大方接受記者訪問,被問到廖碧兒時,他就耍手擰頭:「呢啲嘢唔講!」連提都唔願。當晚,林 忠豪身邊女伴已換人,兩人全程如孖公仔黐埋一齊,當發現有記者影相,兩人又會煞有介事,馬上左閃右避。據了解,林忠豪的新女伴名林淑怡 (Mariana),是潮州商會青年委員會副主任,而林忠豪則是該會委員。林淑怡年約三十五歲,已婚,但甚少與另一半出現公開場合,相反,近日經常陪同林 忠豪夜蒲。

俾阿佘騎住

俾仔飛,加上無綫亦放棄拒絕與她續約,雙失廖碧兒黑過墨斗。為了賺錢養家供樓,之前大口氣四圍放風話要去荷李活發展的她,被逼捨遠取近,返大陸搵食,簽埋 佘詩曼同一間大陸經理人公司,繼續俾阿佘騎住。做慣女主角的廖碧兒,由於在大陸欠缺知名度,就算接拍大陸劇《深宮諜影》,但亦有機會做個行行企企,無關痛 癢的大配角角色,級數大跌,至於她過去最強的商業活動,亦因為形象插水,出騷量跌近零。

撻Q

圈中唔少女星如徐子淇、李嘉欣等成功釣到金龜,做幸福少奶奶,但唔係人人都咁好命水,花盡心思鋪路嫁入豪門,臨門先撻Q,前功盡廢的,大有人在。

鍾欣桐07年,阿嬌成功冧掂父親是中建電訊主席、身家過10億的富家子麥浚龍(Juno),但08年爆出淫照事件,Juno在父親麥紹棠多番施壓下,終於斬纜,之後Juno公開承認model女友Janine。

陳法蓉陳法蓉08年撬走陸詩韻的「油王」男友,點知朱明原來係空心老倌,被踢爆09年金融風暴後已欠下巨債,更一度失蹤。

宣萱宣萱96年由友人介紹認識中信泰富主席榮智健的堂姪榮文瀚,二人拍拖6年,並計劃結婚,後來有傳宣萱搭上有婦之夫羅嘉良,榮文瀚提出分手。

王祖賢93年,王祖賢被指介入林建岳和謝玲玲的婚姻,更獲岳少贈送幾千萬豪宅,但岳少母親棒打鴛鴦,更大鬧:「當個仔去叫雞!」二人最終不歡而散。

SMS求饒

雖然已走入絕路,但廖碧兒仍不放棄,最近更頻頻向陳豪發動SMS攻勢,懇求陳豪原諒,她明知陳豪已經同陳茵媺拍拖,根本無機會復合,但仍希望可以抽陳豪 水,助她起死回生。「Bernice(廖碧兒)知道阿Mo(陳豪)同陳茵媺拍緊拖,所以佢都唔敢奢望可以喺番一齊,只係想借阿Mo影響力,同佢拍檔一齊出 席賺錢活動,Bernice知道自己而家就算減到好平都冇人搵,但只要搵到陳豪一齊,啲廣告商覺得有綽頭,一定肯俾錢;仲有,阿Mo如果幫佢講兩句好話, 點都有幫助,諗過算過,見一定有着數,所以佢係咁『舌累』住阿Mo,提議同佢一齊做嘢,又話當俾條生路佢行喎!」廖碧兒身邊人說。可惜一切為時已晚,做了 多年老襯的陳豪,最終拒絕廖碧兒要求。「阿Mo蠢唔晒,之前Bernice傷得佢咁緊要,仲要做訪問公開唱衰阿Mo,就算自己唔計較,佢都驚萬一同 Bernice一齊做嘢,Aimee(陳茵媺)唔知會點諗!佢哋啱啱先開始,點會咁蠢自找麻煩,更何況阿Mo同Aimee啱啱傾緊情侶檔一齊合作拍廣告, 有好嘢,都益新女友啦,仲點會理舊愛呀!」知情者說。

月供四宅

曾經貴為TVB騷后的廖碧兒,過去不斷有投資物業,但多以父母名義購入,有些更是短炒用途,08年以693萬購入的凱旋門,一年後即以755萬賣出,賬面賺62萬。前後曾買賣近10個物業,現時手上仍持有四單位,由於父母已退休,全由她獨力供款,每月供款超過九萬。

 


PermaLink: https://articles.zkiz.com/?id=26976

廖碧兒玩六角戀

1 : GS(14)@2016-05-19 02:33:57

廖碧兒昨日到商台為ViuTV劇集《瑪嘉烈與大衛系列綠豆》做宣傳,經已有近四年沒有接拍港劇,今次跟新班底合作。劇集將由四角戀發展為六角戀,碧兒透露自己跟王宗堯與林保怡都會有曖昧關係。劇中故事寫實,任何都市人身上都有可能發生,她也試過相約男性友人食飯,可能忘記了通知伴侶而被問長問短,被問到是否之前跟陳法拉舊愛薛世恆食飯事件?她說:「好容易被人誤會,好耐啦,真係食飯。」朱璇近日被影到跟薛世恆約會,碧兒表示不知情。至於她現時感情狀況如何?她表示一切順其自然。採訪、攝影:馬建華





來源: http://hk.apple.nextmedia.com/entertainment/art/20160517/19614565
PermaLink: https://articles.zkiz.com/?id=300397

碧兒戰宗堯 怕穿崩飛Bra

1 : GS(14)@2016-05-21 17:49:43

■廖碧兒昨日指拍《瑪嘉烈》時因着得少打底,故「見到好多肉」。





來源: http://hk.apple.nextmedia.com/entertainment/art/20160519/19617623
PermaLink: https://articles.zkiz.com/?id=300735

廖碧兒美甲忘我Selfie

1 : GS(14)@2016-05-24 10:27:29

■廖碧兒昨日受勳,心情激動。微博圖片


廖碧兒(Bernice)近日忙於拍攝ViuTV劇集《瑪嘉烈與大衛系列綠豆》,不過再忙也要抽空扮靚,日前她現身中環美甲店,在等候美甲師期間,不停用手機自拍,然後繼續做低頭族。Bernice坐在窗邊位置,修甲期間又再情不自禁自拍,似乎她很喜歡於網上打卡。到正式進行美甲時,她才乖乖放下手機,不再做低頭族,還與美甲師有講有笑。此外,近年投資紅酒生意的Bernice,昨日在微博分享被品酒組織法國香檳襟章會頒授「香檳榮譽騎士勳章」的喜悅,並指獲得古老的品酒組織認可,對她是一大鼓勵。採訪、攝影:徐錦池、畢紹基





來源: http://hk.apple.nextmedia.com/entertainment/art/20160524/19624520
PermaLink: https://articles.zkiz.com/?id=301276

宗堯激咀解扣碧兒

1 : GS(14)@2016-06-01 11:36:58

■王宗堯床戰完廖碧兒,兩人再肉緊咀嘴。劇照


王宗堯在前晚播出的ViuTV劇集《瑪嘉烈與大衛系列綠豆》中激咀廖碧兒,這幕親熱戲意識相當大膽,劇情講述王宗堯在酒店房內等候,廖碧兒一入到房,兩人即肉緊纏綿,王宗堯邊咀邊拉低廖碧兒背後的拉鏈,露出黑色胸圍扣的廖碧兒,更疑似伸手摸向王宗堯褲襠部位,不過鏡頭一轉已經見王宗堯着褲。王宗堯昨日接受本報訪問說:「我都有睇呢場戲,唔知仲會唔會有再激啲,但係劇情嘅關係發展會更加複雜,大家都會有感情線,真係好大鑊,不過現實生活好多人都係咁㗎!」同場加映周家怡和潘燦良在摩天輪的接吻戲,但網民不受落替林保怡不值。撰文:陳以晴





來源: http://hk.apple.nextmedia.com/entertainment/art/20160601/19635603
PermaLink: https://articles.zkiz.com/?id=301612

羅嘉良多角度咀廖碧兒

1 : GS(14)@2016-07-15 05:16:39

羅嘉良、廖碧兒、羅仲謙、蘇麗珊及梁家樹等昨日到深水灣為電視劇《無間道》舉行發佈會,劇中羅仲謙與內地女演員朱銳有咀戲,他說:「我梗係有備案啦,佢(楊怡)都有嚟探班。」問他演劉德華還是梁朝偉角色?羅仲謙說:「都唔算,我哋呢個係延續,所以都冇壓力,又有嘉良哥喺度。」羅嘉良自爆前日與廖碧兒在車廂拍咀戲,他說:「因為要拍好多角度,都咀咗4、5次。」稍後會到泰國拍跳海戲:「我都唔驚水,以前成日拍跳海,乾淨就得。」監製梁家樹說:「離開某台後,同寰亞合作,主要拍內地電視劇。香港同內地文化差異一定有,但因為呢種唔貼地氣嘅方式,反而成為新嘢。」採訪:盧妹攝影:陳順禎





來源: http://hk.apple.nextmedia.com/entertainment/art/20160715/19695188
PermaLink: https://articles.zkiz.com/?id=303847

廖碧兒保育婚宴禁魚翅

1 : GS(14)@2016-11-16 05:10:32

廖碧兒、陳志雲、林欣彤等昨日在跑馬地馬場出席「世界心臟日」,身為活力之星的碧兒平時愛做瑜伽和爬山保護心臟,她透露最近在北京陪同靈長類動物專家Jane Goodall飛來香港展開亞洲宣傳之旅,她說:「佢係宣揚環保,愛動物,好鍾意小朋友,叫大家唔好食魚翅。」將來的婚宴不會有魚翅?她表示:「梗係,仲有好多湯水可以揀。」林欣彤在台上獻唱期間音樂突然冇聲,只好清唱,她說:「好彩有時練埋清唱,我多數喺沖涼時候練歌,之前試過同Mr.夾band,點知MMO(音樂伴奏)冇聲,佢哋一路幫我打拍子。」採訪:黃曉妍攝影:陳順禎




來源: http://hk.apple.nextmedia.com/entertainment/art/20161114/19832621
PermaLink: https://articles.zkiz.com/?id=315675

新《瑪嘉烈》做小三廖碧兒同夏文汐爭秋生

1 : GS(14)@2016-12-27 12:32:08

■廖碧兒被傳是南方舞廳的愛將,所以可在新《瑪嘉烈》留低。



【ViuTV新兵】林保怡與周家怡今年為ViuTV主演的開台劇《瑪嘉烈與大衛系列綠豆》叫好叫座,ViuTV決定明年再拍《瑪嘉烈與大衛系列前度》,原來ViuTV除分別找來文青女神袁澧林(Angela)和劉俊謙演嫩版瑪嘉烈和大衛外,更邀得影帝黃秋生、夏文汐、許志安和杜小喬加盟,儘管去年秋生為無綫拍攝《梟雄》一劇並奪視帝,但秋生一樣冇面畀,掉轉槍頭幫ViuTV拍劇。



■黃秋生去年拍無綫劇奪視帝,如今掉轉槍頭為ViuTV拍劇。

■夏文汐將在新《瑪嘉烈》中飾演黃秋生的太太。

■林保怡與周家怡拍《瑪嘉烈》為ViuTV省招牌,但新一輯卻不獲邀演出。

搞多角關係

另外,該劇聲稱起用全新卡士,所以未有再邀保怡和周家怡演出,令月前保怡出席活動時暗寸ViuTV過橋抽板:「我好想出現番,但?家人哋唔搵,可以點呢?」但原來新一輯《瑪嘉烈》,只有廖碧兒有得留低,難免令人聯想到之前是非,指廖碧兒是該劇監製兼原著南方舞廳愛將有關。據悉,廖碧兒在新一輯《瑪嘉烈》中將大搞多角關係,飾演後生版大衛最愛,但又搭上跟夏文汐結婚的黃秋生,至於瑪嘉烈年輕時的最愛是許志安。對於秋生和夏文汐加盟,ViuTV製作部副總裁金廣誠日前說:「我哋畀咗劇本故事佢哋睇,佢哋都好鍾意,我哋係用誠意打動佢哋。」為何只有廖碧兒有得留低?金廣誠說:「我哋係睇古仔適唔適合去搵人,林保怡係一個相當出色嘅演員,我哋都好渴望同保怡再合作,嚟緊我哋都有project想邀請保怡合作。」


保怡送祝福

對於《瑪嘉烈》得廖碧兒有得留低再做,林保怡昨回應說:「有廖碧兒加入當然好,希望他們收視再創高?。」廖碧兒則謂:「今次演員係未合作過,所以都好開心好期待。今次角色同之前唔同,雖然都係做第三者,但唔係大家諗嗰種。」採訪:魯吉




來源: http://hk.apple.nextmedia.com/entertainment/art/20161227/19877602
PermaLink: https://articles.zkiz.com/?id=320210

廖碧兒釀酒有一手

1 : GS(14)@2017-01-19 08:08:07

廖碧兒、譚詠麟及陳百祥昨日去到灣仔出席「鴻星中菜星之夜宴」,分享自家品牌紅酒。有九年研究釀酒及投資酒莊經驗的廖碧兒表示,曾與譚校長等飯局交流釀酒心得,她說:「自己對釀酒同化學研究有興趣,除咗演藝事業,釀酒係我另一大興趣。」談到廖碧兒的酒量,譚校長表示未見過她飲醉。採訪、攝影:張俊銘




來源: http://hk.apple.nextmedia.com/entertainment/art/20170119/19901085
PermaLink: https://articles.zkiz.com/?id=323260

廖碧兒讚小畫家有天份

1 : GS(14)@2017-02-05 10:55:44

廖碧兒、河國榮、網絡達人香格拉及李尚正,最近為奇妙電視主持新節目《香港有寶證》,四位來自不同國籍及成長背景的主持,以有趣角度發掘鮮為人知或早已被遺忘的香港奇寶。廖碧兒訪問了4歲便憑畫作「老虎」勇奪國際大獎的天才畫家劉見之(Kenny),同樣熱愛藝術的廖碧兒帶Kenny到中環摩天輪寫生,並充當攝影師為他拍照。對於Kenny小小年紀便揚威國際,廖碧兒說:「佢真係一個好有耐性、有天份嘅小朋友,你要一個4歲小朋友坐定定畫畫,唔係個個都做到。我聽到佢嘅故事分享,佢係對自己嘅畫作好堅持。」撰文:葉綠悠




來源: http://hk.apple.nextmedia.com/entertainment/art/20170205/19918130
PermaLink: https://articles.zkiz.com/?id=325553

Next Page

ZKIZ Archives @ 2019