| ||||||
| 前 身係玉皇朝嘅耀萊（970），家陣一邊賣賓利、勞斯萊斯、蘭博基尼（即係林寶堅尼）同名錶，一邊就賣漫畫同做動漫，都幾奇怪。上個禮拜，華華見到耀萊主席 唐啟立，佢話做動漫主要靠衍生產品賺錢，但內地搞版權需時，要等3年先回本，唔及奢侈品即時現金交易。耀萊上年攞咗Richard Mille手錶中國獨家代理權，唐啟文話目標係收購名車、名錶、貴價珠寶各3個品牌。至於呢個算盤打唔打得響？佢話收購汽車品牌後兩個幾月，已經賣出 161部，每部300至800萬銀人仔，仲話內地富豪多，佢哋手上有張1.6萬個富豪嘅名單，可以直接打電話推銷。 貴嘢好賣過動漫 既然對奢侈品業務咁有把握，點解仲分心做動漫先？唐啟立話，08至09年度嘅動漫生意見紅，雖然黃玉郎對動漫有情意結，但將來會唔會淡化呢方面業務，都要睇吓市場需求。可惜當日華華見唔到黃玉郎，唔可以親自問佢。 | ||||||