| ||||||
| 今 年初先上任嘅滙豐零售網絡主管韓克強（Andy）（圖），佢嘅首次公開活動唔係講業務，而係講理財，對象係一班中學生。佢叫年輕人先做好理財第一步，善用 金錢，多儲蓄，因為財富不進則退，唔投資純粹儲蓄，啲錢就會被通脹蠶食。咁佢自己又點教一對仔女理財呢？Andy話，阿仔讀小學3年班時要求加零用錢，佢 要阿仔寫proposal（計劃書）先，結果阿仔寫話零用錢連日常開支都唔多夠，呢位廿四孝老竇最後當然畀阿仔合格，加零用啦。Andy個大仔家陣都24 歲，出嚟自己搵錢，而細女仲讀緊中四。 阿仔加零用要寫計劃書 家陣睇晒101間分行及430萬名零售客戶嘅Andy，本嚟係 「渣打人」，由紅褲子出身做咗34年，升到按揭及汽車貸款環球主管，跟住被調派去台灣做咗18個月。佢話初到台灣，最嬲係當地政策唔畀喺嗰度打工嘅外國人 投資，所以佢只能揸現金；不過金融海嘯殺到後，佢就慶幸台灣有呢個政策，如果唔係，佢會唔會好似大多數香港人咁去做投資（將啲錢投入金魚缸？），而唔會好 似家陣咁揸住八成半cash啦。 | ||||||