Sue識韓風：韓妹選友重義氣 張厚耀
1 :
GS(14)@2013-06-08 15:08:45http://hk.apple.nextmedia.com/su ... t/20130607/18287021
很多人都會問我：「韓妹，你香港朋友多還是韓國朋友多？」我會很老實答你，是香港朋友多。我比較喜歡跟香港朋友來往，因為與他們一起很舒服自在，不用區分甚麼前輩後輩的規矩，也沒有尊敬語這種複雜的說話方式。在韓國，你一定要超級注重長輩跟晚輩的關係，如果你亂叫長輩名字、沒有使用尊敬語的話，那怕即使彼此只相差一歲，也會被人認為沒家教！沒禮貌！所以我從小就有種「只有同年紀的人才可以稱為朋友」的觀念，然而我很少在香港遇到1990年附近出生的韓國人，他們不是大姐姐就是小弟弟，令我在韓國人圈子裏，能選擇的朋友真是少之又少！相反，香港流行的西方自由文化卻令我自由自在，一點拘謹也沒有，就是在這樣的情況下，令我越來越多香港朋友。
小妹想藉着這篇文章介紹我的最好朋友兼最佳拍檔Myra Tang！如果各位讀者有看我上一集的蘋果動新聞（介紹PSY那一篇），應該記得跟我學韓文的Myra！她在短片裏只出現短短幾十秒，不認識她的人可能會覺得她古古怪怪的，怎麼無端端會多了一個女孩呢？是不是要搶阿Sue鏡頭？想太多了吧……這位看上去冷若冰霜的女孩，與我同是1990年但冬天出生，可是她與我這和藹可親的形象差別可大了！究竟是甚麼原因讓我們走在一起？我們倆不是讀同一間中學，她是港島人，我是九龍人，遇見的機會率少於5%……哈，亂算出來的，不要太認真！我們其實是在網絡世界的Xanga認識的，那時所有同學們都有玩Xanga，每天放學回家也很勤力地更新，每晚也努力追看朋友的日誌。那時我的Xanga看上去都美美的，擺滿很多趣怪生活照，自然引來一些網友的注意。鄧小姐也常來看我的日記，然後我們在中六開始互相交流，互相欣賞對方，不知不覺就成為了網友，但我們未至於熟絡到要約出來見面，始終我和她也是慢熱的女孩，我們才不會做這種狂妄的事！哈哈！
直到三年前，我們在一個雜誌Event遇見了，當時她是一位全職模特兒，看她高高瘦瘦就知道是模特兒材料！我們一見如故，在談到日後自己想做甚麼的時候，沒想到我和她是這麼的志趣相投！當時我想創業開辦網上購物專賣Vintage女裝，但一個人的力量畢竟有限，如能與志同道合並肩同行，實在難得！我們就是這樣走在一起了。可惜，剛開始的時候，反應未如理想，收入不夠維持生活，我們又不想再依靠父母照顧，就決定要實際點出去找工作，也就在這時候，剛好遇上Alazizi這間畫廊，我得到了店長這個職位！而鄧小姐則重拾畫筆，開始了她的畫畫生涯。真沒想到她還有繪畫天份，她的繪畫風格超獨特的，她有自創的特定臉孔，畫裏的那個不男不女Character，名為Pee Pee Pan。我問她為甚麼用「Pee Pee」，這個英文是小便的意思呀。在我一再追問下，她開始了她的一連串偉論，解釋她的名字與背後意念是有關連的，由於小便是排解的動作，她透過畫Pee Pee Pan去表達和抒發自己的所見所聞，而Pee Pee Pan的樣子總是很呆呆滯滯的，原因是因為他在思想中。咳咳！藝術家果然是藝術家，她說的東西正常人是不會明白的，當然我與她一起的這些年，早已習慣了。嘿嘿！我從來也沒遇過這麼奇怪的女生，她還會自己跟自己說話，確實是有點神經不正常，可是她是我遇過最有義氣的朋友，忍不住想說句經典又老土的對白，就是想與她──有福同享，有難同當。
剛剛提到我很喜歡香港的自由風氣，不像韓國那麼多禮儀規矩。可是比起韓國，香港人與人之間又好像少了點人情味，每個人看上去都是酷酷的，走在街上，絕不會有叔叔嬸嬸與我開心談話，我也沒看過年輕人主動幫老人家過馬路或拿東西。韓國人是非常充滿愛和同情心的民族，也非常重義氣。我在韓國乘車或吃飯時，都會有些長輩跟我講人生道理，有時路過的韓國嬸嬸更會問我：「你穿這麼少！不夠暖的啊！」當我在充滿「情」的文化下長大，我選擇朋友時也更看重「情」這個字，所以當我遇到這位又搞笑又有義氣的Myra時，就知道她是再也找不到的義氣朋友。
【飲食籽】跟韓妹學整港式泡菜
1 :
GS(14)@2015-09-25 01:26:08Mina特製的新潮泡菜，加入了本地材料，做法簡單，方便都市人在家醃製。
【飲食籽：賞物尋源】泡菜是韓國料理的核心，早午晚餐都最好有得食，味道更不能馬虎，辣勁足鮮味齊，甜酸鹹辣樣樣平衡有致，才算得上是好泡菜。美籍韓妹Mina Park親自示範醃泡菜新方法，由逛街市買食材，到醃好裝瓶發酵，每個過程逐一解構，一洗一切一撈即成，自家醃泡菜就是這麼簡單。
記憶中，韓劇裏的阿朱媽聚首一堂整泡菜，是極盡繁瑣的大工程。幾個人幾對手，處理上百棵大白菜，逐棵菜塗抹上醃料，由於數量太多，醃料更要用大膠盆裝着，看到已覺得累。身旁的Mina聽畢，隨即笑着解釋：「因為韓國人每天都吃泡菜，雪櫃裏的泡菜轉眼間便吃光，惟有每次多醃一點，就不用頻繁地開壇作法。」五年前移居香港的Mina Park，獨自居住，泡菜消耗量相對低，所以研究出一套泡菜簡易製作法，味道差不多，但麻煩減半。正職是律師，副業是大廚，Mina的食譜當然信得過。
Mina Park 韓國fusion料理私房菜Sook主理人，於美國南部長大。母親堅持每天烹煮正宗韓國料理，讓她自小鍾情韓菜。
用本地食材仿製韓式口味
Mina示範醃製簡易版泡菜前，先帶我逛街市買食材，「蔬菜要買新鮮的才好。」雖然街市應有盡有，卻找不到韓國品種的大白菜，Mina說她選擇用旺菜代替，兩菜同屬一個家族，只是旺菜水份較多，味道稍淡，平常韓國白菜只需用鹽水浸泡數小時逼出水份，本地旺菜卻要浸泡過夜才行，「昨天我已經將旺菜處理好，今天只要買其他材料就夠。」她認為本地蔬菜的共同特性是水份偏多，「可能受炎熱氣候影響吧。」白蘿蔔也有同樣情況，不夠爽口鮮甜，解決辦法是使用前灑鹽出水，將鮮味逼出來。除了大白菜，泡菜內還有其他食材，如白蘿蔔和甘筍絲能為泡菜增加甜味。Mina亦選購大量葱和韭菜，這兩種蔬菜味道清淡，但混在泡菜中，色澤比味道來得緊要，「媽媽以前常常強調，人不只用嘴巴品嚐食物的真味，同時以視覺享用食物，所以賣相跟味道一樣重要。在泡菜中加點綠和橙，能豐富色澤，輕輕點綴，為菜式加分不少。」最後，Mina彎下身挑了數顆獨子蒜，問到為甚麼不用普通大蒜，她說本地的大蒜偏乾，獨子蒜的味道清香鮮甜，蒜子亦只有一瓣，處理起來更方便。碰巧街市設有韓國食品專賣店，店面擺賣着各式各樣的韓國泡菜，大部份被辣椒粉染紅了，只有一款色澤清淡，白中帶淡黃，「那是白泡菜，只用糖、鹽和醋醃製，炎夏時吃最開胃。」Mina指，韓國不是所有人都能吃辣，尤其小孩子，有些父母會讓不能吃辣的小孩吃白泡菜，有些則用水沖洗泡菜，再給小孩吃，畢竟泡菜是韓國的重要文化，父母都希望小孩子能學懂享受。買齊食材後就開始整泡菜。Mina邊洗切食材，邊憶述道：「小時候看媽媽醃泡菜，她說食譜是由婆婆傳下來的，韓國家族的泡菜食譜大都是一代傳一代的流傳下去。」以前Mina都是有樣學樣的塗醃料捲泡菜，直到媽媽過身後，她才真正由零開始醃泡菜，遇到難題便請教姨媽，最後調整出這個簡易版本的家傳泡菜食譜，只需將醃料、糯米漿及蔬菜拌勻便可，發酵一星期已能食用。
在香港很難找到韓國大白菜，Mina建議用旺菜代替，體積較小，但味道差不多。
手製泡菜能見廚師用心
Mina雖然自小在美國長大，但父母對韓國飲食文化很堅持，即使住在偏遠小鎮，媽媽亦不厭其煩地開車兩小時，到鄰鎮的韓國超級市場買菜，回家烹煮滿桌的家鄉食物，讓家人嚐到熟悉的味道。「我從媽媽身上學到，烹調是分享愛的方法，用心烹煮一頓飯，讓吃的人能感受到自己的心意，當然還少不了喚起家的感覺，讓人在異地不孤單。」去年開設韓國私房菜Sook，烹調韓式風味fusion菜，當中亦少不了包含泡菜的菜式。「韓國人太愛泡菜了，甚麼食物都可以加泡菜，泡菜意粉、泡菜薄餅、泡菜漢堡等都不是新鮮事。」Sook的泡菜菜式大概是延續這個精神吧。雖然韓國人無泡菜不歡，但每餐泡菜的份量不多，主要搭配飯菜食用。「有時在韓國餐廳看到港人把泡菜及其他伴菜當前菜狂吃，主菜未到已把泡菜吃光，很古怪。」不論香港或韓國，並非每間餐廳都會自家醃製泡菜，有些會買現成的，Mina說能嚐出分別，大量生產的泡菜隱隱有金屬味道，不夠鮮味純淨，「每次光顧韓國餐廳，我一定檢查泡菜是否親自醃製，單從這一點，已能看出餐廳對料理的用心。」不用多說，Sook的泡菜都由Mina親手炮製的。
Mina簡易版泡菜食譜
材料鹽水浸白菜：大白菜4棵粗鹽13/4杯凍水20杯糯米漿：糯米粉3湯匙熱水3湯匙凍水2杯醃料韓國辣椒粉11/4杯白蘿蔔2條甘筍1條葱8棵韭菜10棵蒜頭1個薑蓉4湯匙魚露1/4杯韓國鹹蝦醬2湯匙芝麻1/4杯鹽適量
做法
1.先將白菜洗淨切塊，將3/4杯粗鹽放在14杯凍水中，在白菜擦上剩餘的鹽，再放進鹽水中浸泡過夜，使用前用剩餘的凍水將菜葉洗淨。
2.用熱水將糯米粉拌勻溶解，倒進平底鍋，再倒入兩杯凍水，大火煮滾，其間必須不斷攪拌避免黏底，煮至米漿變稠，熄火待涼備用。
3.將白蘿蔔及甘筍切成幼條，葱和韭菜切粒，並把蒜頭切成蓉。將所有醃料材料混勻，倒入室溫的糯米漿拌勻，加入適量鹽調味。
4.把處理好的白菜置於大碗中，倒入混有醃料的糯米漿拌勻，再將白菜裝入玻璃瓶中，輕輕按壓白菜逼出多餘氣體，避免泡菜填得過滿。
5.密封後，在室溫存放一至兩天，再放進雪櫃發酵最少一星期後即可食用。
泡菜菜式
Mina主理的韓國私房菜Sook，常獲邀到城中大小餐廳做pop-up活動，去年開業後曾與The Pawn、Serge et le Phoque、Stack及Ping Pong129等合作，烹調韓式風味的fusion菜，以下是幾個以泡菜為主題的菜式。
老泡菜煮豆腐清湯 醃製久了的泡菜稱為老泡菜，適合用來煮湯，相對於香濃的湯頭，Mina更愛清淡的湯底，加入老泡菜、豆腐及時令海鮮，煮成一鍋清湯。
泡菜煙肉粟米班戟 Mina自小在美國南部成長，當地以粟米麵包（cornbread）聞名，她在傳統食譜中加入泡菜、煙肉及芝士，為經典美式味道加入韓風特色。
香菇泡菜奄列 Mina說韓國人太愛泡菜，甚麼菜式都能加入泡菜食用，這款奄列亦不例外，除了基本的雞蛋和香菇外，還加入了泡菜碎，味道意外地搭調。
泡菜Bloody Mary 一般做法都是在雞尾酒中加入tabasco辣椒油，Mina卻將泡菜加入茄汁打成蓉後隔渣，取代tabasco，再加入伏特加酒，辣勁中帶有蔬菜的清甜。
各處鄉土各處味
韓國各地區醃製泡菜的方法都有差異。世界泡菜研究所的研究人員發現不同地區的土壤和白菜品種有所不同，能夠培植出不同的益生菌和乳酸菌，導致發酵速度和效果不一，味道有分別。另外，各地區居民醃製泡菜時所用的材料亦有差別。北方的泡菜較為清淡新鮮，少鹽少調味料，盡量帶出蔬菜的原味。相對地，南方的泡菜濃味多鹽，多用魚露蝦醬，亦會多放蒜頭、生薑和辣椒粉，有助去腥提味。
Sook
http://www.facebook.com/sookkitchen記者：盧懿靜攝影：林栢鈞編輯：李寶筠美術：孔文彬
來源:
http://hk.apple.nextmedia.com/su ... t/20150924/19306617
【男女之間】約會後收短訊「我已經開始想你」韓妹最冧
1 :
GS(14)@2016-03-05 01:28:09韓劇精彩的地方，莫過於男女主角之間的超現實愛情故事。韓國網站《Pikicast》，最近針對最讓女生心跳加速的語言和舉動做了項調查，作為女生的我，看時都頓覺好sweet！各位港男不妨參考參考，排名不分先後，適時向心儀女神使出一兩招，即使她對你毫無感覺，至少不會討厭你。
方法一：才剛說再見，回家的路上就收到「我已經開始想你」的短訊。方法二：約會後，收到「今天跟你一起，感覺很好，以後都能這樣就好了」的短訊。方法三：半夜，收到「知道你睡了，外面很冷，蓋好被喔」的短訊。方法四：走時，待我背向他後握着我的手腕：「我很喜歡你」。方法五：跟我面對面時，微笑着輕輕拍我的頭或流海。方法六：在我累時，將冰凍的飲料放在我額前，着我「加油」。記者：許政資料來源：《 Pikicast》
來源:
http://hk.apple.nextmedia.com/su ... t/20160304/19515332
【港韓姊弟戀】為聽韓妹嗌「Oppa」港男涉虛報年齡或被判「終身」
1 :
GS(14)@2016-10-20 08:05:36韓國老婆關心問「忙唔忙？」日本老公就覺得佢問「多唔多客？搵幾錢？」(《我們結婚了》截圖)
【三個粉絲追韓劇】嫁娶外國人或者係出走香港嘅好方法，不過要維繫異國情緣都唔容易，好似《我們結婚了》嘅曹曹夫婦（現已下車）早前探一對日韓夫妻，日本老公娶咗韓國老婆，只係因為一句說話就上火！情況係老公收工返屋企，老婆咪關心咁話：「辛苦喇，今日忙唔忙呀？」原本係純粹出於關心，點知老公就聽到弦外之音，好嬲咁話：「你係咪想問我今日賺到幾多錢？」原來日本人係唔會問人「忙唔忙」！兩國嘅文化差異容易令夫婦之間產生誤會，有兩位港男都經歷過相同嘅事，一位Gary娶咗韓國老婆十年，另一位Kay就同韓女Chloe拍拖四年。
港男Gary(左)和Kay嘅另一半都係韓國人，都試過因為文化差異嗌交。
Chloe話Kay最初講大話，比真實年齡報大3歲！
Kay解釋話都只不過係想聽Chloe嗌佢「Oppa」，又話當Chloe知道自己大啲，就變得惡起上嚟。
韓女Chloe一講到文化差異，就大鬧Kay為咗「Oppa」（韓文：哥哥）呢個字講大話！佢好勞氣咁話：「曖昧嗰陣我問過佢幾多歲，我係89年出世嘅，佢就話自己係88年，咁我咪認為佢係Oppa囉！」點知拍拖幾個月之後，Chloe睇到Kay本護照先揭發，原來Kay係91年出世，Chloe話簡直無言：「點解要講大話？年紀都可以講大話嘅咩？萬一我發現唔到咁點算呀？」
Chloe邊鬧邊「睥住」Kay，Kay就邊聽邊笑，佢解釋話：「嗰時好奇吖嘛，想聽佢嗌我Oppa！」雖然出發點係甜蜜嘅，但畀Chloe篤爆咗之後，o依家就嗌佢「喂」或者「傻瓜」。韓國人好重視年齡，後輩一定要聽前輩嘅說話，所以Kay話當Chloe知道自己年紀大啲，就惡到o依家！不過有時惡，先係真正愛一個人，連講大話都可以原諒，Kay畀Chloe判終身...照顧佢都抵啦！至於Gary就好享受老婆對佢惡，佢話：「講得上真正愛一個人，就係由太太開始，唯獨佢會對我好嚴苛。」Gary開始話當年，講返十年前識老婆嗰陣，當時得二十幾歲，Gary就有部兩門跑車，仲覺得自己好型添！點知，佢老婆（當時女朋友）竟然話佢：「唉！你都廿幾歲人啦，點解仲揸埋啲死飛仔車呢？」Gary話嗰吓嬲得嚟又有啲甜，覺得佢個人夠真，就認定佢係老婆喇！
Gary就話鍾意老婆惡，好似佢啱啱識老婆嗰陣有部兩門跑車，個個都話型，得佢老婆話：「唉！你都廿幾歲人啦，點解仲揸埋啲死飛仔車呢？」Gary話又嬲又有啲甜喎！
仲有個文化差異係「黐線」兩個字，香港人當口頭嬋，韓國人真係用嚟鬧人，所以Gary老婆和Chloe初初聽都好唔慣，以為人哋鬧佢哋。
至於文化差異，Gary話試過衰喺「黐線」兩個字。佢話教過老婆講「黐線」，有一次同屋企人食飯，Gary妹妹就對住佢老婆笑住講「黐線」，老婆就成晚唔出聲喇。佢問老婆發生咩事，老婆就話：「你阿妹做咩話我黐線？」「黐線」對於香港人嚟講只係口頭嬋，但係對於韓國人嚟講就真係鬧人嘅說話，Kay女朋友Chloe都話有同感。佢話成日聽到Kay啲朋友講「黐線」，都會諗「係咪講緊我？」，後嚟先明白「黐線」係香港人嘅日用語。兩位港男Gary同Kay都已經講得一口流利韓文，希望盡量減少語言上嘅誤會，不過始終唔係母語，未必事事能夠解釋清楚。Gary話韓國人太有禮貌，有好多語言偽術，例如如果女仔問：「我今日靚唔靚呀？」男仔答：「幾可愛吖！」咁即係話個女仔唔靚。又例如男仔約女仔去街，女仔唔會直接拒絕，會話：「睇吓點先啦！」咁其實即係唔去。場地提供：平昌 By BBQ7080地址：佐敦莊士倫敦廣場5樓電話：59017080主持：動主播阿仙、viu韓劇導賞員Ruby記者及繙譯：卓惠媛(Joyce)攝影：陳家文、李錦鏵《我們結婚了》片段由Viu提供：
https://goo.gl/Yx13PE【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161020/19805995
頭骨凹陷五官似溶蠟燭韓妹：我想打扮化妝
1 :
GS(14)@2016-10-26 08:02:58「媽媽我沒事……」南韓33歲女子玄熙這樣安慰憂心忡忡的媽媽，她18歲患上神經纖維瘤病，令她的皮膚不斷下垂，遮擋原有五官，導致她臉容嚴重扭曲，外觀異於常人，加上她說話有困難，令她飽受歧視，她慨歎：「想做一個平凡人。」玄熙媽媽指，懷孕時背部出現小瘤，而玄熙出世時輪廓分明，有一雙大眼睛，可惜2歲患青光眼，18歲確診神經纖維瘤病，她臉上的腫瘤越來越大，令皮膚下垂，五官嚴重扭曲變形，加上她頭部骨頭發育不全，後腦有明顯凹陷。玄熙體重只有30公斤，她說話有困難，令她多用電腦打字與人溝通。玄熙接受訪問時表明「不想活了，因為擔心要花很多錢」，被問想不想外出時，她則回應：「討厭別人的目光，人們會笑我，為什麼會這樣。雖然我看不見，但聽得見。」平凡，對玄熙來說也是奢求，她指自己的臉部太大，「如果可以的話，希望臉部變小，想打扮化妝，做一個平凡的人」。玄熙的病情經節目播出後備受關注，現已籌到5億（340萬港元）手術費，首爾醫院亦研究如何進行手術，希望讓玄熙過如常人的新生活。資料顯示，神經纖維瘤是一種遺傳病，約一半患者由父母遺傳，另一半人則由基因突變引起。此病難以治癒，纖維瘤會不斷生長，但切除後不會在同一位置長出。由於纖維瘤會壓在腦幹及脊椎神經上，此症會導致患者出現殘障，甚至呼吸困難或腦積水，引致死亡。南韓「Nadofunding」網站/台灣《蘋果日報》
來源:
http://hk.apple.nextmedia.com/international/art/20161026/19812790
【首爾搵食】弘大韓妹Oppa票選街頭小食 No.1係……
1 :
GS(14)@2016-11-10 07:40:20弘大韓妹Oppa一人一票選出最愛的街頭小食，當中烤雞串上榜。
今年首爾米芝蓮的結果終花落誰家，不過，韓國人最愛的街頭小食卻沒有上榜。其實與其跟米芝蓮推介去掃街搵食，還不如問問當地人的意見，看看哪款小食才是他們心目中的No.1。
記者在首爾最多年輕人鍾情的蒲點－弘大做了個街頭調查，發現最多人選的就是年糕，因為甜甜辣辣很美味。其次是紫菜包飯、烤雞串、魚糕及糖餅，也非常受歡迎。記者︰黃映嫚、黃依情、湯珮然攝影︰周芝瑩
辣炒年糕是最多人選的街頭小食，不少人覺得它甜甜辣辣很美味。
綠豆煎餅
魚餅
紫菜包飯
糖餅
來源:
http://hk.apple.nextmedia.com/su ... t/20161109/19827235
韓妹教減肥金申英靠飲糙米水減66磅
1 :
GS(14)@2016-11-17 11:30:39韓國搞笑女星金申英近年揮別「肥嘟嘟」形象，積極減肥，更大方上節目分享減肥秘訣。金申英早前演出節目《1對100》時，當被問到成功減重66磅嘅秘訣時就說「少吃、多運動係最好嘅方法。雖然呢個大家都知道，但因為實踐起來好難，所以先唔容易減重。我建議唔好於每月嘅第一日或星期一，呢種自己事先定好嘅日子開始進行節食，最好係隨便一日就突然開始減重，咁樣先會實踐得更有效果。」金申英又說「飲食方面，我每日都一定會吃早餐，晚餐就食得簡單啲，每日都一定飲2L糙米水。」
來源:
http://hk.apple.nextmedia.com/entertainment/art/20161117/19836081
【當街摷手袋】女仔拎手袋日日舉鐵韓妹呢支嘢都攞出街？
1 :
GS(14)@2016-12-30 02:58:14「重」字同好多女仔有關，唔係講體重，係講絲打們日日拎住嘅「重揼揼」手袋！
【三個粉絲追韓劇】韓國藝人李聖經今年都算豐收年，先喺《奶酪陷阱》做貪錢女，夠出位吸引觀眾目光，再喺《Doctors》同朴信惠鬥氣，令人印象深刻。踏入年尾，佢更加榮升女主角，喺《舉重妖精金福珠》飾演舉重選手。女仔鍾意玩舉重真係好少見，不過個「重」字，其實同港女韓女都有關！唔係講體重，係講各位絲打日日拎住嘅「重揼揼」手袋，究竟裏面裝啲乜？
受訪者中手袋最重嘅有2.19kg，等如拎住3支770ml嘅礦泉水出街。
不過都唔夠阿仙個手袋重，2.33kg，真正舉鐵！
究竟各位絲打嘅手袋裝啲乜？
三個粉絲喺韓國同香港街頭做調查，磅一磅各位女士嘅手袋究竟有幾重，結果由1.34kg至2.19kg不等。受訪者之中以港女Zoie嘅背囊最重（已經無計部手提電腦），有2.19kg，等如拎住3支770ml嘅礦泉水出街，Zoie自己都笑住話：「個袋有好多垃圾。」調查發現，女仔手袋除咗有日常用品好似銀包、散紙包、充電器等，最重嘅都係扮靚用品！咪以為講緊化妝袋，帶化妝袋只係基本，好似韓女Kim Song Ei就隨身帶住一對全新絲襪，連男朋友都忍唔住問：「絲襪唔係喺屋企着咗先咩？做乜要帶出嚟？」女友就尷尬咁笑住話，「絲襪容易勾爛，女生要時刻做好準備！」
韓女Kim Song Ei尷尬咁笑住拎對全新絲襪出嚟。
男朋友見到都忍唔住問點解要帶出嚟呢，女友就話女生要時刻做好準備！
韓女Lee Si On就係「做好準備」之冠，佢竟然喺手袋拎個電髮夾出嚟！
講到「做好準備」，韓女Lee Si On應該係呢方面嘅冠軍，佢竟然喺手袋拎個電髮夾出嚟！唔係迷你型，係正常size！佢帶住又大又重嘅電髮夾，只係為咗keep住啲瀏海夠「空氣」。為咗靚，重，真係唔算得係啲咩，咁最好梗係有個男朋友仔幫手啦！好似《舉重妖精金福珠》劇中，減肥專科醫生鄭載一好心幫福珠搬梳妝枱，就令福珠陷入愛情，努力搵錢參加減肥療程，都係為咗見多醫生一面。韓女Kim Go Yun嘅手袋重1.66kg，最重就係用嚟selfie嘅專業相機，佢大讚男友Park Jun Yeong成日幫佢拎手袋。不過韓男Kim Chong Sok就認為，雖然理解女仔手袋點解咁重，不過如果唔係十分之重，就未必會幫手拎，因為有啲尷尬。當然，有啲絲打都好識做，港男Icey就話自己唔介意幫女友拎手袋，只係女友唔想佢拎咋。
拎重嘢唔緊要，最緊要有壯男幫手，好似減肥專科醫生鄭載一好心幫福珠搬梳妝枱，冧死福珠。（《舉重妖精金福珠》截圖）
港男Icey就話自己唔介意幫女友拎手袋，只係女友唔想佢拎咋。
主持：動主播阿仙、viu韓劇導賞員Ruby和阿愁記者及繙譯：卓惠媛(Joyce)攝影：李錦鏵、馮峰、Neo《舉重妖精金福珠》片段由Viu提供：
https://goo.gl/7etgRS【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161229/19879947
【食完先減】喪食韓燒唔怕「月巴」韓妹一晚爆食五餐
1 :
GS(14)@2017-01-06 02:07:52李聖經飾演舉重選手金福珠，身形有份量，仲有返咁上下食量。（《舉重妖精金福珠》截圖）
【三個粉絲追韓劇】李聖經喺韓劇《舉重妖精金福珠》飾演舉重選手，除咗身形有份量，仲有返咁上下食量！為咗食到盡，金福珠喺烤肉店教後輩一招「生、料、炒、冷」，話係最高效率食法！金福珠話：「喺烤肉店亂咁食，好快就會飽，生、料、炒、冷就減少呢種錯誤，產生最高效率食法！」生，即係首先食原味肉；料，第二食醃肉；炒，第三食炒飯；冷，最後以冷麵收尾。原來呢種食法唔止係舉重選手嘅策略，普遍韓國人都係咁食！
佢提出「生、料、炒、冷」，話係最高效率食法！（《舉重妖精金福珠》截圖）
大部份韓國人話，佢哋都係咁食法！
韓男Kim Sang Hyeon話以冷麵收尾，就好似食「Dessert」。
三個粉絲喺街頭做訪問，發現所有韓國人都贊同呢種食法，話按呢個順序會好味啲、食多啲、唔會膩。韓女Son Hyeoun Ji話先食原味肉，再食醃肉，仲可以避免鐵板會因為醃料而燶。韓男Kim Sang Hyeon就話以冷麵收尾，就好似食「Dessert」。唔好誤會韓國人所講嘅Dessert係甜品或者糖水，佢哋嘅Dessert係韓文嘅「후식」，即「後食」嘅意思，就係一餐埋尾嘅食物。後食除咗有冷麵，仲可以係糕點、生果等。而韓國人覺得食烤肉，後食應該係冷麵，咁先最滿足。其實「生、料、炒、冷」呢種食法，份量真係唔少嘢，究竟係咪真係可以食多啲，食得晒？動主播阿仙同Viu韓劇導賞員阿愁就親身試過，測試結果係點？即刻睇片！
動主播阿仙同Viu韓劇導賞員阿愁親身測試咁食法係咪真係食多啲，食得晒，結果係點？即刻睇片！
韓仔韓妹話有時一餐食好多，或者一晚轉幾場，最勁食五餐！
除咗一餐喪食，韓國人仲好興轉場，一晚食幾餐，尤其係Happy Friday，就算韓女都話自己可以食3至4餐，Lee Sa Yun更加話自己一晚可以食5餐！咁多餐係食啲咩？包括食烤肉、飲咖啡、飲酒、唱K等，韓男Kim Sang Hyeon話自己去5場，5場都係專門飲酒嘅地方！咁食法，韓男O Min Woo笑住話：「係好飽，但係都繼續食！」韓女Cho Hyeoun Jung都話係「飽到爆」！不過咁多餐其實係慢慢食，以Happy Friday為例，放工開始食，食到凌晨都差唔多4至5個鐘，加上中間可能去唱K，消耗咗啲體力，又可以再食過！不停食嘅後果，當然係會肥，劇中金福珠就試過畀錢去減肥中心瘦身。韓女Lee Ji Young就話減肥係成日都做緊，唔會畀錢去減，只係自己節食，例如選擇唔食早餐，或者早午餐食得簡單啲，同埋多啲行路。而Viu韓劇導賞員Ruby就對食極唔肥有套特別理論，「我嘅朋友食烤肉，會用生菜包肉又包飯，我就只會食肉，聽韓國朋友講，可能我食肉同食飯係分開，所以食好多都唔肥。」係唔係真係得？咁就要你自己測試下喇！
咁食法，梗係肥死啦，劇中金福珠畀錢去減肥中心瘦身。（《舉重妖精金福珠》截圖）
韓女Lee Ji Young(左)就話幾時都減緊肥，唔會畀錢去減，只係自己節食。
場地提供：Pork University(돼지대학교)地址:首爾市麻浦區合井洞413-26(서울시마포구합정동413-26)電話:02-338-8293主持：動主播阿仙、Viu韓劇導賞員Ruby和阿愁記者及繙譯：卓惠媛(Joyce)攝影：陳家文、李錦鏵《舉重妖精金福珠》片段由Viu提供：
https://goo.gl/7etgRS【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20170105/19886604
【動畫●港男福音】娶韓妹的理由 貼大床仲包家電
1 :
GS(14)@2017-04-22 10:49:44Gary2000年去韓國打工，識到韓國太太。
【尋找首爾的香港】港女嫁Oppa做人妻聽得多，事關韓國傳統男主外女主內，人妻嫁去嘆世界，之但係，如果倒轉係港男做人夫捱世界呢？港男Gary早喺2000年離鄉別井到韓國打工，順理成章識到韓國女生，喺當地結婚生子組織小家庭。佢話當年孭住香港人嘅身份「好吃香」，「17年前，當我同韓國人講係自香港，佢哋就會話『哦~張國榮、周潤發...』，當年香港係幾出名㗎，所以識女仔都容易啲！」
Gary話17年前，韓國人好鍾意香港，作為香港人就易啲識到異性。
又話全羅道嘅韓女溫柔啲，而太太出身於慶尚道釜山，就強勢啲。
韓國傳統由女方畀禮金，男方負責層樓同日後一切生活開支，所以Gary結婚嗰陣，傢俬同電器都係岳母送贈。
好少人會用「溫柔」形容韓國女生，但Gary話其實韓國好大，唔同地區嘅女生性格都唔同。韓國主要分六大區域，包括京畿道、江原道、全羅道、慶尚道、忠清道，以及濟州島。Gary話全羅道嘅女生最溫柔，反而大佢兩年嘅太太，係典型慶尚道女生，出身自釜山廣域市，相比下強勢得多，「全羅道嘅女仔比較識講嘢，婉轉啲，但係慶尚道嘅女仔就相反，硬崩崩又直接！」
Gary舉咗個例，話當年太太仲係女朋友嘅時候，已經對佢好嚴苛，「嗰時買咗部兩門嘅韓國現代跑車，佢同我講，『唉...你都廿幾歲人啦，點解仲揸埋啲死飛仔車呢？』雖然畀佢話，但係我又覺得幾甜。」所以婚後，Gary換咗部四驅車，太太就讚佢，「o依部咪好囉！擺嘢又擺多啲！」
異地戀始終有文化差異，好似港奶奶煲燕窩畀韓新抱，新抱就畀咗Gary飲。
Gary話如果講擔起頭家，做香港人夫好啲，因為兩公婆一齊搵錢無咁大壓力。
不過凡事都有兩面，教好小朋友就係太太嘅壓力，Gary大讚太太教得好，大女兩年都考第一。
正所謂「聽老婆講會發達」，Gary結婚嗰陣都慳咗唔少，「結婚嘅時候，泡菜雪櫃、雪櫃、微波爐、電視機，甚至張床褥，都係我岳母買嘅，即係貼埋大床！」咪以為咁講好似好衰，其實只係跟返韓國傳統，由女方畀禮金，負責新居嘅傢俬電器。至於買樓，以及日後一切開支，都由男方獨力承擔！雖則韓國傳統係男主外女主內，但係對於家中嘅婆媳關係，Gary都唔能夠置身事外！Gary話媽媽只係一年嚟韓國探望一次，所以婆媳相處時間唔多，尚算和平。Gary話最好笑係太太會嘗試同奶奶講廣東話，講到好似4、5歲小朋友咁，「奶奶，慢慢死(食)，死(食)多啲呀奶奶」。
家陣Gary已經榮升餐廳老闆，事事親力親為。
Gary喺韓國渡過半生，但毋忘自己嘅根，叫老婆喺佢百年歸老嘅時候，要擺佢返香港！
不過，婆媳關係能夠和平，都因為Gary喺背後好識做。佢舉例，有次佢媽咪買咗萬幾蚊燕窩，拎去韓國煲畀新抱飲，「當時韓國人唔知燕窩呢樣嘢，我媽遞碗燕窩畀太太，太太就笑笑口接住，講『唔該，唔該』，但係我媽一行開，太太就遞畀我，話『快啲飲咗佢！快啲飲咗佢！』當時我嘅反應係全部飲晒，唔使令兩邊都難做吖嘛！」一轉眼，結婚已經十幾年，究竟做韓國人夫好，定係香港人夫呢？Gary話如果講到承擔一頭家，就梗係做香港男人好啲，「始終兩公婆一齊出去搵錢，唔會有種無形嘅壓力。」不過佢話凡事都有兩面睇，認為太太都有壓力，「佢要承擔照顧小朋友嘅壓力，教得好唔好，都係因為佢。託賴啦！大女連續兩年都考第一，要多謝太太！」
Gary由20歲o靚仔，到為人夫，為人父；由打工仔，到同朋友夾份開餐廳做老細，喺韓國渡過半生，但毋忘自己嘅根，「香港係我屋企，始終做人都係要有根，有時同老婆吹水都會話，等我百年歸老都要返香港，叫佢要擺我返香港！」記者：鄒倩婷（阿仙）攝影：李錦鏵、陳家文剪接：Roy
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170422/19997666
Next Page