馮仁昭四圍超：乳名梁浸浸 Yumiko誕5.5磅女
1 :
GS(14)@2015-04-09 19:05:03■Yumiko噚日剛生完，即上載BB女嘅尿片照。互聯網圖片
鄭希怡（Yumiko）噚日朝喺港安醫院為化妝師老公梁學儲生BB女，據知佢今次係擇日開刀。Yumiko噚晚大約7點半左右，喺facebook上貼上BB下半身包住尿片嘅相，喺張相嘅角落頭清楚見到印有港安字樣嘅毛毯放喺床上。喺佢發相短短十幾分鐘後已經有60幾個「like」。不過佢為咗保持神秘感，暫時未公開B女個樣，相信多少都由於媽咪Yumiko貪靚，要等兩母女變番靚啲先可以現身。至於Yumiko噚日講番囡囡出世時話：「BB今朝出世，5.5磅，成個過程好順利，亦都好感動，學習點做媽咪。」而Yumiko就笑住話B女叫做「梁浸浸」，因為噚日涼涼哋。
■Yumiko早前公開大肚照。
物色臍帶血血庫
另外，前日Yumiko喺fb表示已經為BB女物色到一間可以儲存臍帶血嘅血庫，為BB嘅將來以防萬一，最特別嘅地方係嗰間血庫嘅資料係由未有亦不打算生小朋友嘅伍詠薇提供。撰文：馮仁昭
來源:
http://hk.apple.nextmedia.com/entertainment/art/20150409/19105411
陣痛12小時「似好急但唔畀屙」李蘊誕7磅女 想餵全人奶
1 :
GS(14)@2016-05-21 13:13:35【初為人母】■李蘊前日順產誕下7磅女，她形容生B過程「似好急但唔畀屙」。互聯網圖片
李蘊（Renee）今年1月披嫁衣在海南舉行婚宴，並透露去年6月已跟拍拖三年的內地生意人羅章冠註冊結婚，婚宴後Renee公佈陀B女，預產期為本月底或下月初，未料B女忽然趕出世。Renee陣痛12小時後，終在前日順產誕下7磅重B女，初為人母的Renee形容生B過程「似好急但唔畀屙」，她表示會以全人奶餵哺愛女。
現年24歲的李蘊，嫁人後即榮升準媽媽，連月來都在社交網貼相記錄懷孕歷程，本來預產期在本月底至下月初，但昨日凌晨3時，Renee好友何超蓮忽然在網上宣佈自己正式做乾媽，宣佈Renee已經生B女，接着Renee亦在各個社交網貼了她用手輕托囡囡腳仔的溫馨相，並留言：「我們的寶貝女兒在昨天提早了三星期來報到，痛了12小時，順產3.2kg，很感恩，從此16/5是我人生最難忘的一天，謝謝上天賜予我們可愛的女兒，謝謝老公昨天一直在身邊陪伴我幫我打氣，謝謝妳選擇了我們當妳的父母，我們會永遠愛妳保護妳支持妳！」
【輕托B腳】■昨日凌晨3時多，李蘊在Ig上載她與老公輕托囡囡腳仔的溫馨照。
【榮升契媽】■超蓮（右）及G.E.M.（中）昨晚到醫院探望李蘊母女。微博圖片
■G.E.M.及超蓮昨晚在醫院不斷拍照捕捉契女的萌表情。
食完西瓜見紅入院
Renee日前在網上貼了美孕照，還上載了一張西瓜相，表示原本不喜歡吃西瓜，但也要吃一點，有網民留言指她在臨盆清胎毒是好事，但原來她吃完西瓜即見紅入院。Renee昨日接受本報訪問時憶起分娩過程，形容感覺似去大便：「慢慢痛吓痛吓，真係越嚟越痛，姑娘畀笑氣我聞，唔知係咪聞得太多，一聞暈暈哋，朝早入產房，一痛就聞。度數不停開緊，都有打止痛針，但冇做無痛分娩，開到五、六度，個人開始有啲語無倫次，老公一直陪住我，我已經唔知講乜嘢。跟住一直痛一直痛，痛到唔知有幾痛，一直想知生仔陣痛有幾痛，原來真係形容唔到，媽媽好偉大，開到9度時，感覺好急，好似好想去大便，但姑娘不停叫唔准屙，我真係好辛苦，好似好急大便但唔畀屙出嚟。」Renee又透露，老公有陪她入產房，見到BB出世時老公即喊出來。
■李蘊今年1月在海南辦婚宴，但她表示去年6月已註冊。資料圖片
■李蘊連月來都在社交網貼相，記錄自己懷孕的歷程。互聯網圖片
超蓮G.E.M.探契女
產後兩日，Renee指目前仍未上奶，但坐月階段都會親力親為照顧B女，亦會支持餵母乳，她說：「今朝有一次餵奶時間，我都試咗一次，好似未上奶，護士都話要兩、三日先會有，畀BB試吓個感覺，我自己試吓個位，感覺好得意，同BB好親密，所以我盡量……如果一上咗奶，又夠奶嘅話，我都想餵全人奶。」而李蘊兩位好姊妹何超蓮及鄧紫棋（G.E.M.）昨晚約7時到醫院探望老友，超蓮不停為B女拍照，G.E.M.則在微博貼相後留言：「我的乾女兒好可愛好可愛好可愛！而我好開心好開心好開心！好激動，一看到她甚麼都說不出……你的三位媽媽愛死你了！」採訪：皓騫
來源:
http://hk.apple.nextmedia.com/entertainment/art/20160518/19615936
【馮仁昭四圍超】羅貫峰喜添7磅女
1 :
GS(14)@2016-10-10 16:14:34■羅貫峰已經幫囡囡改名心研。互聯網圖片
羅貫峰曾經喺無綫同港視做藝人，40歲嘅佢，同圈外太太Leona早已育有兩子，分別喺4歲同2歲。但羅貫峰一直恨追多個女，前日太太順產誕下重7磅多嘅孻女，母女平安。囡囡叫羅心研，羅貫峰話：「希望佢好似字面咁，用心去研究人生每一樣嘢。」有女萬事足嘅羅貫峰，前日喺Instagram貼相大騷囡囡得意樣，噚日喺電話中難掩興奮心情：「本來真係生兩個夠晒數，但人哋話囡囡係前世情人，好想試吓有囡囡滋味，睇吓佢係咪咁嗲。如果再生仔就真係收工。」太太剛陀B時，夫妻都有壓力，知道係囡囡當然開心，佢話：「好彩唔係男、女、男咁排，唔係『嬲』字。」
■羅貫峰同圈外太太Leona早已三年抱兩，育有兩子。互聯網圖片
臍帶似膠喉
原來今次係羅貫峰首次剪臍帶，佢解釋：「大哥哥出世時，臍帶纏頸；二仔時，我接通知趕到醫院，佢都出咗世，到妹妹呢次我唔走，入去產房一陣就剪到，感覺好得意，嗰條臍帶好似冷氣去水膠喉，我剪咗八、九吓先剪到。」羅貫峰自從約滿港視後，專注打理食肆及照顧家庭，佢位於深水埗嘅食店過時過節都會免費派飯同送福袋，佢話：「我哋食客主要係街坊同香港人。」撰文：馮仁昭
來源:
http://hk.apple.nextmedia.com/entertainment/art/20161010/19795961
【馮仁昭四圍超】趙哲妤早產 誕4.3磅女
1 :
GS(14)@2016-12-28 08:12:17■趙哲妤喺馬來西亞突然早產，但佢仍為BB準備唔少用品。
趙哲妤未婚懷孕，早前臨盆在即，仍飛去馬來西亞工作，點知返港前一晚胎動被送去醫院，令本來預產期喺下月9日，提早喺今個月19日搶閘過聖誕。啱啱生咗B女，初為人母嘅趙哲妤噚日以短訊回覆：「BB出咗世啦！多謝聖誕老人送了份29年來最好的禮物給我，英文名改做Natalie，取其意聖誕出生的女孩。」唔知係咪早產關係，Natalie體重只有約4.3磅，趙哲妤話：「B女是個迷你B，醫生說除了新生B常見的黃疸外，一切很健康，3天就出咗院。我都成功順產，因為我懷孕時做了很多產前運動及瑜伽，雖是第一胎，生產過程亦歷經了10級陣痛，但很感恩，開度數很快，6小時就成功順產了，母女平安。」
■趙哲妤產前有運動，只用咗6小時就順產生咗囡囡。
■Karl（左）噚日出席活動，話同好友趙哲妤傾過電話，BB好乖。
會餵母乳
生完B第二日，趙哲妤已經可以落床，佢話：「現在基本上都係有女萬事足，不過比想像中忙好多、難好多，沒想像中易學。暫定全母乳媽媽為目標而進發，?家努力學餵奶掃風換片洗澡，希望能生手變熟手。」許嘉浩（Karl）噚日做網上直播節目提到好友趙哲妤，佢話：「佢作動嗰陣話想返香港生，不過趕唔切，?家租咗屋，至少要3、4個月先可以返嚟。」問到趙哲妤男友有冇去當地？Karl話暫時未。撰文：馮仁昭
來源:
http://hk.apple.nextmedia.com/entertainment/art/20161228/19878631
【着衫要開心】開舖賣大碼女生衫 180磅女店主：顯瘦自欺欺人
1 :
GS(14)@2017-10-09 03:12:57品牌衣服，由設計、生產至包裝亦由Makayla一手包辦。
「不能控制自己體重，就難以掌握自己人生。」這句話或許是意圖激勵胖子減肥，但當中卻隱藏着以貌取人的觀念，胖子總被認為辦事能力差、不靈敏和愚蠢，相反瘦子就是能幹、身手敏捷和機靈，兩者往往因外表而得到天淵之別的待遇。時裝品牌不斷吹捧瘦是美，模特兒身形瘦削得不真實，可想而知尺碼是沒有照顧到大碼人士的需要，潛台詞就是大碼人沒漂亮機會。
「我想跟每位女生帶出的訊息是，不同身形的人擁有不同優點，我覺得不一定局限自己一定要瘦或肥，而是你怎樣做好自己，你尋找自己價值才是最重要，而不是在外表上尋找自己。」吳詩雅（Makayla）今年25歲，約180磅，但身形卻沒想像中龐大，身手頗靈活，五官標緻，擁有一雙精靈眼眸，笑容甜美，算是一名漂亮的胖子。她不是天生肥胖，青春期時體重才開始上升，家人、親戚和身邊朋友認為瘦一點外表會好看點，紛紛勸她減肥。肥胖難免會被口多多的同學叫作肥婆，天性樂觀的她不但完全沒有放上心，更會反擊跟他們鬥嘴一番，現時仍有人這樣稱呼她，她都無所謂。她人生第一次減肥是在高中時期，當時社會鼓吹纖瘦體形，減肥產品和藥物唾手可得，身形標準的朋友也減肥，她為免成為最突出一個，亦跟隨減肥。她沒有用上極端減肥方法，靠的是三餐均衡和做運動，便減了二十多磅，但身體踏入平台期，動力不再，心情開始低落，她便回想起當初減肥的原因，只是迎合別人對自己的要求，並非出於自己的意願，自己其實從來沒有介意過自己身形。想通了，減肥計劃維持約三個月便告終了。
Makayla收到不少客人的鼓勵和支持，這些都能推動她更努力工作。
現在Makayla已能充滿自信地面對鏡頭。
掙脫了因肥胖而被取笑的枷鎖後，Makayla遇到大碼人一般面對的問題，就是難以買到合適的衣服。她穿的尺碼是三個加大碼（UK18），在大型連鎖店根本不會提供如此大的尺碼，所以只能買一些具彈性的下身衣物，但總是腰圍緊、褲管鬆，有種衣不稱身的感覺。迫於無奈下屈服到傳統的大碼衣服店購買，但款式老套又成熟，印上圖案和釘上珠片，她通通都不敢恭維，惟有以一身全黑示人。身形肥胖從不是Makayla的絆腳石，醜陋的衣服才令她沮喪，更變得不喜歡拍照。「因為我自己買不了合適的衣服，其他大碼女生應該與我有同一樣問題，所以我開設這品牌，讓她們有多一個選擇。」大碼女生衣服品牌「Fashion Corner Plus」現已經營第三年了，衣服設有大至到6個加大碼。對於完全沒有唸過時裝設計的她確實不容易，遂向從事製衣業的父母請教，邊學邊做。她了解大碼女生在衣服上所面對的問題，務求一改大碼衣服老套的感覺，故會加入每季流行的元素。衣服的細節亦下了點工夫，質料以雪紡與棉質為主，避免太貼身突顯身形，而剪裁上多做A字裙，方便肚子和臀部較大的女生們。「我們沒有特別訂造的服務，但如果可能有些款式試了尺碼，還是不合適的話，如果我們能力範圍內做到，都會幫她訂大一點或小一點。幫得就幫，因為我不想她上來買衣服，不合適又很失望地離開。」所以不少客人十分開心找到Makayla的店，之前有客人長年居於美國，但仍是買不到衣服，不是太鬆身就是衣袖太長，所以她來到便買了四千多元的衣服，一個款式買齊所有顏色，Makayla受寵若驚，自己一間小店能讓客人找到滿意的衣服，成為她經營店子的一大動力，希望讓更多大碼女生受惠。
Makayla教大碼女生一些穿搭小技，目的是鼓勵客人勇於嘗試不同風格的衣服，卻謝絕任何顯瘦技巧，條子衣服亦毫無顧忌地穿，「我盡量都不追求顯瘦這一點，那一刻是自欺欺人，所以我覺得不如調轉，你配搭自己喜歡穿的衣服，自己穿得好看和開心，好過你經常遮遮掩掩。」
facebook：Fashion Corner Plus記者：陳煥欣攝影：張志孟2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20171003/20170782
Next Page