ZKIZ Archives


的士佬輸500萬欠巨債炒燶股 跳樓亡

1 : GS(14)@2011-09-21 07:52:29

http://m.sharpdaily.hk/detail.ph ... 4104&category=daily
【本報訊】股市大瀉「搞出人命」。的士車主兼司機的明哥,今年初將的士連牌照賣掉,拿着500多萬元全職炒股,過去大半年斬獲甚豐,可是近月股市逆轉令他損手輸凸欠下巨債,昨終窮途末路在馬鞍山寓所跳樓身亡。



明哥炒股損手欠下巨債,昨由馬鞍山寓所跳下身亡。


死者徐明(56歲),家住馬鞍山富寶花園11座一單位,育一子一女。明哥早年購入的士牌照當上車主,自己亦兼做夜更司機,他平日不煙不酒,每日跑步健身,生活無憂。去年太太癌病去世,明哥大受打擊。

明哥兒子(左二)認屍時悲慟痛哭,呼喚「點解你要咁做」。

過去大半年斬獲豐
今年初,的士牌價炒至510萬元歷史高位,明哥「天價」售出手上的士連牌照獲利500多萬元,他隨即把所有積蓄及資金投入股市,不久,他便順風順水斬獲不少,但近月股市狂瀉,明哥不但輸掉500多萬元老本,更輸入肉倒欠巨債,近日顯得十分苦惱。
昨晨9時許,明哥趁家人外出,由21樓寓所越窗跳下直墮地面,當場頭爆肢折慘死。兒子接報趕至,年內先後痛失雙親,認屍時悲慟痛哭,呼喚:「點解你要咁做!」其後由警員攙扶離開。

散戶入市要三思
【本報訊】股市動盪,不少散戶由富變貧。獨立股評人胡孟青表示,恒指由今年初23,000幾點跌至現時的 19,000幾點,很多股份已輪流見頂,現時是大戶主導大市,散戶入市前一定要三思,「家陣個市係插水加散水,啲乜神物神旗下嘅基金面對龐大嘅贖回,大戶 沽貨唔係人咁品,處於被動嘅散戶又點夠大戶玩呢」!
除了昨日一名的士車主因炒燶股跳樓自殺身亡外,上周六輔警蕭玉榮亦因炒「孖展」爆倉,碌爆多張信用卡欠下周身債後,終走上吞槍自轟絕路。
2 : 草帽(1253)@2011-09-21 09:19:34

好似開始黎料喎, 如果個市彈都唔彈下死既人會越黎越多.
3 : a22s(16719)@2011-09-21 09:40:19

可惜, rest in peace



事事留一線, 日後好相見, 何必博甘盡呢
4 : 如詩之山(2344)@2011-09-21 10:36:41

佢既一對仔女唔知幾歲呢? 一年內父母走曬真係好大打擊, 未有經濟能力的話重徬徨..

所以冇正職真係唔好借錢炒股, 無得翻身.
5 : a22s(16719)@2011-09-21 11:00:12

我覺得timing is everything, 全職炒股既人有時會未加思考, 值博率唔高時都會無厘頭入市(可能因為悶), 大升市你咪ok羅, 個市落緊你又頻繁交易咪十賭九輸羅
6 : 游浪潮(3792)@2011-09-21 13:27:52

每逢漫長跌市總有人做小飛俠,絕望呀

上次有一位炒 276 輸光自殺...
7 : 龍生(798)@2011-09-21 13:45:07

本人將來的寫照

真是一個男子漢, 既己終身無望, 留生命何用?

RIP!!
8 : 游浪潮(3792)@2011-09-21 13:49:57

咪玩啦龍兄,你自己就係最重要既資產,幾多炒家都係無晒再黎過?

小弟都快無得剩,如果再咁落去,就谷鬼氣平倉,提錢買紅酒食雪茄嘆大餐先,等個人開心返先再唸計﹗
9 : 龍生(798)@2011-09-21 13:52:52

睇下有冇欠債啦....
10 : 游浪潮(3792)@2011-09-21 13:57:03

哈,我現在也欠不少﹗

初出道時試過炒 728 孖 200%,然後急回,成副身家蒸發,連借既都蒸發晒

結果咪走去五星級酒店食餐好既,然後再度下計仔囉

如果你有本事借得多先勁啦﹗3333 條友先夠梟雄,借到一街係數,跟手金融海嘯,佢又上唔到市,然後係 d 銀行家坐在佢公司等開會,佢自己就出去打完 golf 再返黎應酬你地﹗
11 : 草帽(1253)@2011-09-21 13:58:06

其實個的士佬可能一早巳了無生趣, 老婆死左, 仔女大晒, 50幾歲賣左個的士牌去炒衍生工具巳經夠怪. 講真將來我都唔敢講會唔會咁.
12 : GS(14)@2011-09-21 21:44:05

晴報同經濟又第二個講法,佢醫老婆個病花了不少錢...但可能佢老婆死了,刺激他作進一步的過份行為...唉
13 : GS(14)@2011-09-21 21:44:12

RIP...
14 : GS(14)@2011-09-21 21:44:31

我都驚未來同佢下場一樣,但真是唔好
15 : 游浪潮(3792)@2011-09-21 21:46:32

小弟覺得湯大你好難有咁既下場…似乎你在注碼上控制得十分好
16 : GS(14)@2011-09-21 21:47:44

都輸到死死下,迫住斬,但最少現在現金水平都OK,連我自己都覺得保守,今日賣埋隻東方,過兩日賣埋少少,剩番就賺番來的,套番D現金計數算
17 : 游浪潮(3792)@2011-09-21 21:53:18

小弟之前孖重,但因為買的股十分抗跌,才沒有重傷...

呢兩個月…繼續係且戰且走,但個倉都仲未到淨現金水平
18 : GS(14)@2011-09-21 21:54:19

我一定唔會孖,好難有好心理質素
19 : 游浪潮(3792)@2011-09-21 21:57:28

小弟相反,孖左先精神,不過真係要計好數囉,過盡的話,一個浪打埋黎就一無所有
20 : GS(14)@2011-09-21 21:58:08

我最驚就是欠人錢無錢還
21 : 龍生(798)@2011-09-21 22:26:07

是呀, 所以才是本人將來寫照嘛
PermaLink: https://articles.zkiz.com/?id=276009

高鐵百人罷工 追500萬欠薪

1 : GS(14)@2016-05-24 10:15:24

【本報訊】百多名廣深港高鐵香港段建築工人,不滿被拖欠近兩個月共500萬元薪金,昨早在工作地點油麻地地盤罷工抗議,追討欠薪。勞資雙方最終達成協議,大判承諾本周四向工人發支票,支付上月至本月上旬共3期欠薪,工人隨即復工。



大判允周四支薪


高鐵香港段油麻地海泓道地盤,昨日有過百名建築工人罷工,追討欠薪。據了解,地盤總承建商為「金門-禮頓」聯營,被拖糧工人則受僱於二判天美工程公司,涉及釘板、拆板、燒焊及金屬支架4項工種,以15天計算一期薪金,該批工人已被拖糧3期合共約500萬元工資。工人罷工期間高舉「血汗有價,速速找數」、「無良高鐵,又拖又欠」等標語,甚至有人瞓地抗議要求立即出糧。警方接報後到場調查,職工盟屬下建築地盤職工總會及立法會議員李卓人亦有到場協助工人。其後工人代表與二判天美、總承判商「金門-禮頓」聯營達成共識,總承判商承諾於本周四支付3期欠薪,工人隨即復工。惟本月中至月尾的發薪安排,則仍未確定會由大判或二判負責。職工盟屬會建築地盤職工總會理事長陳八根回覆本報查詢時指,總承判商有責任承擔判頭首60天內欠薪,又指現行分判制度存在漏洞,質疑政府監管不力。本報亦向天美及「金門-禮頓」聯營查詢惟截稿前不獲回覆。■記者劉永明、葉偉東





來源: http://hk.apple.nextmedia.com/news/art/20160524/19624894
PermaLink: https://articles.zkiz.com/?id=301186

Next Page

ZKIZ Archives @ 2019