📖 ZKIZ Archives

免費報紙硬碰硬 左丁山

http://hk.apple.nextmedia.com/template/apple_sub/art_main.php?&iss_id=20110826&sec_id=12187389&art_id=15556523&cat_id=255&coln_id=22

壹傳媒即將會出版免費報紙，叫做爽報，肥佬黎聲稱要派一百萬份，頗為嚇人，開始嘅時候，會唔會派咁多呀？現時每月已有聲稱二百萬份免費報紙流通，下月再加 多一百萬份，真係滿坑滿谷。左丁山第一個想起嘅就係強哥，事關強哥乃現時派報紙大哥大，數吓手指，佢負責發行「蘋果」、「星島」、「信報」、「經濟」，負 責派「頭條新聞」、「 am730」、「晴報」，下個月又派多一份「爽報」，去邊度搵人派報紙呀？香港最新（五至七月）失業率係 3.4%，屬充分就業水平，搵工人都唔知幾艱難，今趟難為強哥咯。
呢日見到施老闆，問佢如何是好？施老闆話：「水來土掩啦。『 am730』已經有錢賺，算係企穩陣腳，依家先至再有人加入戰團，我已經多咗起碼三四年時間準備迎戰，一於冇有怕！」派報紙又如何呢？施老闆話：「我地好 俾心機㗎，為派報員搞 party，有抽獎，母親節就每人送一朵玫瑰花，今時今日，要善待所有夥計吖嘛。」
免費報紙已進入戰國時代，大戰難免，必 有損傷，至於最後仍然站立嘅會係邊個，好難講。生還者要有兩個條件，一有銀紙，二有人才，兩者皆缺嘅就會首先陣亡。據施老闆透露，「 am730」不搶突發新聞（因成本太大），倚賴編輯慎選能吸引讀者嘅新聞，以及有質素嘅專欄及評論喎。咁奇？專欄可以咁吸引？
聽完施老闆之言，即 刻收到消息，肥佬黎要親自睇過「爽報」試刊版嘅專欄，唔，可能英雄所見略同喎。左丁山日日睇免費報紙（因有人送上門），發覺免費報嘅專欄以短見稱，極少超 過五百字（施老闆專欄例外），特色係差唔多每一版有一個專欄，各種類型題材，應有盡有，唔係叫讀者睇晒嘅，自行選擇可也。總之好似自助餐咁，總有一兩款讀 者會鍾意，可以適合迎合一兩百萬位讀者嘅不同興趣，老老嫩嫩，四十後與九十後都要啱睇！既然如此，免費報紙專欄既要搵新鮮人，又要搵一啲已成名人物，幾有 挑戰性，肯在咁嘅環境下冒險打硬仗嘅，全城只有一位肥佬黎有如此魄力！

PermaLink: https://articles.zkiz.com/?id=27390

「與泛民硬碰硬兩敗俱傷」政改僵局　陳婉嫻促京釋善意

1 : GS(14)@2015-03-31 09:06:37





【本報訊】特區政改陷入僵局，身兼全國政協委員的工聯會榮譽會長陳婉嫻認為是北京與泛民主派太過「硬橋硬馬」所致，舉例指一如在球場上踢波，「你撞我、我推你」只會兩敗俱傷。她指政改一役現時「球在中央手」，希望中央願表明會優化2017年後特首選舉制度，為與泛民有商有量鋪設台階。記者：呂浩然



當北京和泛民僵持不下，陳婉嫻接受訪問時卻指政改通過機會比去年還高。她指去年兩會期間，她接觸到的京官與政協委員都抱着「冇所謂啦嫻姐，過唔到就算啦，好輕描淡寫」態度；一年過去，情況起變化：「唔知係咪大家都覺得，有啲嘢過唔過都係要有商有量。」



「波喺中央手上」

她指從全國人大委員會長張德江稱通過政改是硬任務、全國政協副主席董建華再三強調一定要通過，可見北京通過政改的決心；觀乎現時政改僵局，或因北京與泛民均太過硬橋硬馬，直指「硬橋碼馬喺運動上最容易出問題就係傷，雙方都傷，你試吓鬥推撞、鬥踢我上五寸下五寸隻腳，實傷㗎嘛」，認為現時最重要「唔好你話我唔啱、我話你唔啱。大家坐喺到傾吓先，樣樣都傾吓傾吓」。她相信北京也明白若政改被否決，《基本法》列明的行政主導、立法監察也難以實行，希望中央釋出善意：「
2 : Louis(1212)@2015-03-31 12:02:23

要求京釋善意, 多9魚!
PermaLink: https://articles.zkiz.com/?id=289161
Next Page
ZKIZ Archives @ 2019