| ||||||
| 超人李嘉誠前年 賣咗以色列檔流動電話Partner股權，勁「骨水」過百億。正當全世界都以為佢從此同以色列講bye bye，點知噚日就被踢爆，原來佢老人家未玩厭以色列，今勻仲想叉隻手落去嘅係油砂同埋水。 傳聞同以國財長開過會 至於單料有 幾堅？華華覺得都幾堅o架，事關係彭博資訊引述以色列財政部一個唔願開名嘅官講嘅，爆料者仲話超人同佢哋財長Yuval Steinitz噚日響香港開咗一次會云云﹗ 雖然超人嘅發言人同埋公關大臣話無回應，但由於單料「流」嘅程度低，所以華華個人（個人咋）估 計，好快應該有消息公佈，深層次解讀超人搞砂搞水，都仲係要搞番以色列，有理由相信，以色列應該係一個極容易俾人抽水（sorry，係提供搵錢機會，俾人 搵水）嘅風水旺地！ By the way，華華真係欣賞超人，唔係咩？睇睇班香港大孖沙，最叻咪又係返晒大陸搞吓地產，搞吓酒店，搞吓公路咁，惟獨佢一條友可以將生意做勻全個地球，仲掂埋 人哋啲油、碼頭等戰略資產，就算華華有嘢唔認同佢老人家，都要寫個服字！ 李華華 [email protected] | ||||||