《愛．回家》煞科 劉丹不捨 2016年02月26日
1 :
GS(14)@2016-02-29 02:44:44http://www.am730.com.hk/article-303370
無綫處境劇《愛．回家》昨日拍攝煞科戲，在劇中德高望重的劉丹表示，該劇已播出4年，現在完結，十分不捨。
劉丹、張繼聰、黃翠如和黎諾懿等，昨日均有為《愛．回家》演出，其中劉丹表示：「呢套劇已經播咗4年，好唔捨得，喺劇入面我兒孫滿堂，今日仲見證孫女結婚，我都好感觸，會諗現實中嘅孫女小糯米幾時長大出嫁，自己能唔能夠睇住佢嫁呢？所以依家要保持身體健康，希望等到呢一日啦！」
張繼聰毋須再為操肌戒口
張繼聰早前為拍攝新劇苦練六塊腹肌，他表示：「太太(謝安琪)喺嗰段時間好照顧我嘅飲食，依家嗰場戲已經拍完，我唔使再戒口減肥。」翠如則笑謂男友蕭正楠沒有腹肌，只得脂肪，「佢話唔靠外表，其實係為食，所以肥到死，不過，我覺得只要健康就ok。」
【馮仁昭四圍超】吳宇森花宴煞科
1 :
GS(14)@2016-11-24 07:39:42導演吳宇森為紀念好友、已故殿堂級男星高倉健而翻拍嘅電影《追捕》，呢個星期正式煞科，呢幾日喺日本岡山縣嘅片場開工，冇受到近日地震影響。
■扮演綁匪嘅齋藤工（右）同埋吉澤悠（左）獲吳宇森獻花。
齋藤工做綁匪
戲中日本男神福山雅治就做番當年高倉健嘅辣手神探角色，因為要趕喺大前日完成福山嘅戲份，導演同一班工作人員都日以繼夜咁趕戲，完成拍攝後導演仲送咗束花畀福山、河智苑等演員。除福山之外，《追》片仲有唔少亞洲紅星演出，好似做國際律師嘅內地藝人張涵予，女主角係演劇集《奇皇后》爆紅嘅韓星河智苑，佢今次挑戰自己飾演女殺手。另外仲有竹中直人、倉田保昭、櫻庭奈奈美、國村隼、池內博之、岡本多緒同埋內地女演員戚薇等。據知，除首次公開有日本男星齋藤工同吉澤悠扮演嘅綁匪之外，聽聞劇組仲搵咗日本當紅女星綾瀨遙客串其中一角。撰文：馮仁昭
來源:
http://hk.apple.nextmedia.com/entertainment/art/20161124/19843451
宣萱重頭劇煞科袁偉豪着孖煙囪晒肌吸睛
1 :
GS(14)@2017-03-22 00:47:19被大台力捧嘅袁偉豪，早前接拍重頭劇《使徒行者2》，同苗僑偉、陳豪、宣萱、周柏豪及黃翠如等合作。回巢嘅宣萱前晚終於煞科喇，喺微博放咗三張相，其中一張同台前幕後嘅大合照，見到身材fit爆嘅袁偉豪剩係着住條紅黑色「孖煙囪」晒肌，都幾搶眼。其實前晚天氣仲係乍暖還寒，相信袁偉豪都係為拍劇先着到咁，但拍完都唔着番件衫，擺明就係要騷吓Quali啦，話晒佢都係07年香港先生，加上o依家係單身人士嘛。昨日輪到袁偉豪同宣萱拍完收工，袁偉豪喺ig再派福利，喺翠如BB面前剝衫，留言﹕「開心到一個點！」而宣萱就好不捨，留言﹕「終於殺青了！但不捨，因為一班很好的台前幕後同事，真心希望再有機會合作。從未試過有花收，感謝超專業的TR梳化團隊！愛你們！」網民讚宣萱Keep得好好，同翠如BB一樣咁青春，仲話好期待佢嘅演出。
來源:
http://hk.apple.nextmedia.com/entertainment/art/20170321/19965298
回到英殖時：九七賽馬煞科日 投注創新高
1 :
GS(14)@2017-06-16 01:52:48【97年6月15日】已故中共領導人鄧小平在80年代以「馬照跑、舞照跳」，保證香港主權移交後資本主義制度不變。殖民地時代最後一次賽馬於1997年的今日在沙田馬場舉行，逾11萬名馬迷見證歷史，煞科日總投注額達逾25億元，創單日新高；同日巨額7億元三T也錄得破紀錄逾6.75億元投注額，成當時全球最大彩金的單一賽馬彩池。回歸後賽馬曾經歷低潮，2005／06年度馬季總投注額低見600億元。直至近年賽馬事業回勇，2014／15年度總投注額達1,079億元，創下史上新高。
馬報辦App迎合年輕化
賽馬事業起死回生，但馬報就望見夕陽。《職業馬報》總編輯關家俊說，以前報紙是提供賽馬資訊的主要平台，但隨馬會把資訊數碼化後，「紙媒受到一定衝擊」，尤其80後、90後年輕馬迷，已習慣上網找資訊，仍看馬經的多是老讀者。他5年前推出馬報手機App版，迎合市場轉變，因看好賽馬事業「?家係蓬勃嘅」。關家俊說，近年賽馬氣氛比起回歸前熾熱，除投注種類增多外，近年賽馬日加插各類表演和活動如啤酒節等，恍如嘉年華，「畀人一種感覺賽馬係好高尚又平民化嘅娛樂」。他又指，馬會耗資30億元在廣州從化建立馬匹訓練基地，從中可見，馬照跑是停不了，「如果睇唔到前景，都唔會放錢去投資」。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170615/20056010
Next Page