全智賢勁得老公家人歡心奶奶向身邊人大讚新抱
1 :
GS(14)@2017-07-01 10:29:24韓國女神全智賢前日宣佈懷上第二胎，目前陀B十周，現時停工安胎，有網民更猜測全智賢生完第二胎後，有機會全職湊仔。雖然未知女神係唔係真係會淡出演藝界，不過就知佢深得老公家人歡心，全智賢奶奶李正宇更不時向身邊人大讚呢位新抱。全智賢2012年跟韓服設計師李英熙外孫、設計師李正宇囝囝崔俊赫結婚，而跟全智賢多次合作嘅女星洪真京，就曾於節目中表示自己跟李正宇好熟，透露李正宇對於自己嘅新抱係全智賢一事，依然感到好神奇。洪真京仲表示：「李正宇跟我傾電話時，會稱讚新抱幾十分鐘，全智賢對老公一家人非常好。」據知全智賢除咗將老公照顧得好好外，對老公家人亦照顧周到，會陪奶奶打波，又會精心準備老公家人嘅生日，而女神揀作品時，亦會尊重家人意見，難怪李英熙都曾於節目中大讚孫新抱全智賢：「全智賢好討人喜歡，全智賢嘅B仔一百日時，我仲親自準備咗米糕同韓服。」
來源:
http://hk.apple.nextmedia.com/entertainment/art/20170628/20071676