中環在線：朱新禮當滙源豬咁賣 李華華
2008-09-08 AppleDaily
可 口可樂豪擲近200億收購滙源果汁（1886），主席朱新禮俾大陸20萬網民勁鬧，話佢出賣民族品牌。佢首次開腔接受新浪財經訪問，話收購係正常商業行 為，唔係被迫。佢仲借超人李嘉誠過橋，話超人曾經講過，投資某個企業，前提就係要考慮以後點賣出，所以佢認為「企業應該當兒子來養，當豬一樣賣。」唔可以 將企業當仔咁養一世，咁滙源肯定係一隻槽肥待宰嘅豬。朱新禮仲話，十年前喺廣州上過一個培訓班，聽一位專家講課，呢位專家話，中國好多企業家總係將企業當 自己個仔咁養，養咗成世，養到自己死咗，個仔亦都跟住死埋。曾經有報道話，93年滙源第一批濃縮果汁生產出嚟嘅時候，朱新禮帶住煎餅同果汁，一個人走去德 國參加食品展，攞定單。一手養大滙源，朱新禮喺訪問中亦話，對滙源果汁呢個品牌感情深厚，但喺市場，絕對唔可以感情用事，要用企業家思維去處理。
把可口可樂買過來
咁 點先係企業家思維呢？佢話，04年，滙源果汁最困難嘅時候，達能秦鵬親自搵上門要買滙源，佢都唔肯賣。至於家陣要賣，只係因為三個字──價錢好。朱新禮 話：「搞企業，價錢好的時候你都不知道賣，你還叫企業嗎？雖然說搞企業都有困難，只有困難才能讓你奮進到現在。現在再困難也沒有創業初期困難，沒有上市前 那麼困難。所以收購只是正常的商業行為。」朱新禮越講越火，唔好誤會，華華只係感受到朱總內心嗰團火，佢話：「現在我們都成功舉辦奧運會，中國人已經揚眉 吐氣了，怎麼還害怕收購一個品牌。我們壯大了不但可以再把滙源買回來，把可口可樂買過來，也何樂而不可呢，不要杞人憂天。」