2010-7-12 AD
| ||||||
| 華華一日睇唔少 研究報告，寫到好hea嘅大有人在，但有啲你睇完係會感受到個分析員嗰份「誠意」！好似德意志銀行9號出嘅一份講聯通（762）嘅報告咁，個分析員前一晚 去完聯通10周年慶祝晚宴，佢除咗話感受到以常小兵為首嘅聯通管理層自信心返晒埋嚟。 個分析員仲引述同佢同枱嘅聯通marketing總經 理爆料，話o依家多咗好多客仔肯簽兩年約，嚟換取更多嘅手機或者資訊補貼之類，咁個分析員就分析，隨住越嚟越多客轉做月費用戶，佢估計個流失率會下降，咁 幾個月之後，現金流就可以改善……佢嘅分析絕對講唔上係驚天地泣鬼神，衰啲講句只可以話係「common sense」，但佢可以喺一晚之內趕起個報告，都算係認真同快捷。 | ||||||