📖 ZKIZ Archives

中環在線細佬做掛名老闆代繳16億四叔榮升廣東交稅王 李華華


2009-04-08  AppleDaily




 

廣 東省地稅局近日公佈08年「納稅百強企業排行榜」，四叔李兆基細佬李兆楠成為廣東交稅最多大戶，旗下廣州恒德貿易舊年納稅高達15.86億人仔，成為全省 進貢稅局最多嘅私人企業。不過，人稱五叔嘅李兆楠只係「掛名」老闆，真正幕後揸fit人，其實係自謙「冒牌股神」嘅四叔。恒德舊年交稅近16億人仔，全拜 期內兩次大手沽售手持嘅平保（2318）A股帶挈，除咗幫四叔套現逾70億人仔，亦為廣東庫房帶嚟大筆進賬。原來眼光獨到嘅四叔，鍾情內地保險股，幾年前 除咗入股國壽（2628），亦吼中平保，03年透過細佬五叔成立恒德貿易，入股仲未上市嘅平保，以幾蚊價錢，買入兩億股平保限售股。舊年3月，呢批平保A 股限售股解禁，四叔半年間先後兩次沽貨套現，算係幫補吓金融海嘯嘅損失。

沽平保A股套現逾70億

據平保第三季度報告資料，現 時恒德仲揸住約7400萬股平保A股，佔流通股1.89%，以噚日收市價40.61蚊人仔計，市值超過30億人仔。五叔李兆楠一直長住廣東順德，過去3年 都打入內地《胡潤金融富豪榜》頭三甲，以06年成績最好，排名榜首；07年表現差啲，變做梗頸三；舊年就以89億人仔身家升高一級，位列阿二，僅以一億銀 之差，落後首富新希望集團老總劉永好。李華華[email protected]
 



PermaLink: https://articles.zkiz.com/?id=7228

租客榮升業主方法(答) Home Blogger

http://www.homebloggerhk.com/?p=5875

以我睇你個case，應該賣出新樓(即一房單位)而買入現元朗居最為合適。有以下原因:

1.      首先你倆夫婦收入尚可，但手上cash唔多，人工亦唔可以幫你好快手咁儲到另一舊cash，所以不宜在旺市持貨過多。至於如何界定你持過多定少，多得你留意諗樣網，用筆者分享過了的方法計了出來。

2.      我自己會咁計，75000家庭入息除2即37500。$37500就係假設你出面冇其他借貸後得出你可用盡黎供樓之金額。如你同一時間供兩層樓即負債5.60mil，每月還約20000，僅僅超出盡借(=盡還)金額之一半(20000/37500=53%)。

3.      換言之以你地人工供哂兩層樓都唔過份。但基於幾個原因諗樣諗為你上年年中買左樓花應該趁SSD就完好快手放。第一係你買左個一房，近排細價樓升得癲但此情恐不再，居屋大把細價樓。第二係新樓最正送裝修，裝修自用梗係好，但比租客住你只係得到頂多收多一千月租，可以的話都唔想比個靚裝修予租客催殘。第三，你係上年買樓花，如果跟發展商正常個套，你既SSD已過了一年有多，再過半年賣可以唔使比SSD，或只5%。

4.      即筆者建議你趁高賣出一房，而賣樓時間最好係SSD剛完。另外都支持你買現居，難得你鐘意加上免傭。方法係如業主講自己好想買，但後生仔要等錢番，可唔可以比個半年成交期你，過哂農曆年(現時2013年1月)簽約。

5.      此時間上之佈置，係為左盡量避免你連HOLD兩間樓之時間。希望你三月買現居而九月成交，可以趕及係年中約六月即出售一房樓宇

6.      留意，你個樓花盤肯定有不少人想賣樓，好勤力搵多幾個AGENT未收樓先做定野，平些少都走左佢。除非你個新盤係九龍城或地段獨特之幾個，否則大家一齊收樓肯定令樓價升唔起。名城都要放左一排先至有得升。

7.      HKMC 如發現違規者租出樓宇，除非違規者答佢自己係蓄意隱瞞事實，否則筆者未見到除左CALL LOAN補水外更高之罰則。

8.      元朗有一半機會係未來第二個沙田，至少筆者荒謬地認為係。至於點解係一半，我要到homebloggerhk每日一萬個瀏覽量先答你啦!

9.      因人工始終未可以高到飛出外太空個隻，你唔可以心急。要比耐性等低位先再買另一間。畢竟你GOOD左新盤件貨應該有「半百個」落袋了。是的，我真係覺得係香港買賣樓房如睇對時機，家庭可以和諧，身體毛病會少、婚都可以唔使離。小心處理。

PermaLink: https://articles.zkiz.com/?id=43592

米蘭站姚君達榮升上市公司主席

1 : GS(14)@2011-05-04 21:30:20

http://hk.apple.nextmedia.com/template/apple/art_main.php?iss_id=20110504&sec_id=4104&art_id=15223408
【本報訊】香港回歸十多年，市民怨聲不絕，不過也有港人為理想默默耕耘，創出一番事業。現年 42歲的米蘭站老闆姚君達掌握港人生活變化， 01年創立公司後，僅花 10年時間便成為二手名牌王國揸 fit人，兼且榮升上市公司主席，連同本身物業投資，控制逾 25億元資產，活脫脫是另一個獅子山下的勵志故事。記者：陳健文、吳綺慧

姚君達向本報表示，公司上市只是里程碑，上市後會繼續擴展米蘭站的業務。 22年前，姚君達只是「鋪塊紙皮」在尖沙嘴加連威老道街上擺賣的小販，面對的是中下層市民，要做成生意，必須學曉討價還價。加連威老道龍城大藥房一名老員工向本報記者稱，廿多年前該處確有小販擺地攤，售賣的物品包羅萬有，但他對姚君達並無印象。

去年營業額逾 7億
姚君達曾表示，當年擺地攤的經驗很重要，做生意的技巧便是在那時磨練出來的。之後他認識了一位在名店做售貨員的拍檔，先後跟章小蕙及余安安合作賣明星二手衫，他領會到只要是名牌，二手都有得做，催生了米蘭站。姚君達說：「米蘭站其實是個符合香港文化的交易平台，同時可提供到正貨的信心保證。」
米蘭站僅花 10年時間，由只有尖沙嘴一家店，擴展至目前共有 14家分店，由最初投資 100萬元創業，到去年成為營業額逾 7億元的二手名牌手袋龍頭，全因集團掌握到港人的生活變化。
米蘭站抓着港人愛名牌的心態，不但買賣名牌二手袋，就連價值逾 200萬元的愛馬仕喜瑪拉雅鱷魚皮鑽石限量版 Birkin亦有售。同款手袋的用家，包括球星碧咸太太維多利亞及富豪劉鑾雄好友甘比。
米蘭站的發展亦非順風順水，創業初期遇到全球經濟收縮，業務陷入低潮， 03年內地開放自由行來港後，業務就一帆風順。
昨日米蘭站更向投資者推介公司的上市計劃，以上市招股價介乎 1.17至 1.67元計，米蘭站市值逾 10億元（姚持股 75%），加上坐擁約 15億元物業，姚君達控制的資產高達 25億元。與姚君達相識約 4年、經營板長及板前壽司的鄭威濤指姚非常聰明：「佢個人好勤力，轉數好快，對市場需求睇得好準。」由於看好米蘭站前景，鄭將斥資逾 3,000萬元認購米蘭站股份。

....
2 : 亞力士(1473)@2011-05-06 03:46:35

照咁睇 佢都係呢兩三年先有大錢 食到個勢 真係冇得好講
3 : idsdown(1658)@2011-05-06 06:56:37

2010同2011年入左咁多貨, 係缺水D ge
4 : GS(14)@2011-05-07 10:21:03

其實他都做了好多物業買賣，可能就是咁先要上
5 : idsdown(1658)@2011-05-07 16:16:58

可以趁住依家個物業估值高, ipo定價高D都係有根據的
6 : 龍生(798)@2011-05-07 16:32:54

一手一腳帶大間公司, 真令人佩服!
7 : 龍生(798)@2011-05-07 16:32:54

一手一腳帶大間公司, 真令人佩服!
8 : idsdown(1658)@2011-05-07 16:37:16

搞乜下樓上, 下下都重複post
PermaLink: https://articles.zkiz.com/?id=274203

結婚8年終造人成功謝天華榮升爸爸

1 : GS(14)@2014-09-18 13:50:40

■謝天華昨在電話承認太太Tina已懷孕十幾周，但似乎怕BB「小器」，不欲多談。資料圖片



現年47歲的謝天華（Michael）和老婆Tina結婚8年，據知兩夫婦終於成功造人，BB將於明年春天出世，昨日記者致電Michael求證，他初時支吾說：「唔……」其後禁不住喜悅親口承認：「係，有咗十幾周，都唔講住啦，你見我都好低調，因為屋企老人家話唔好咁高調住。」


避談太太人工受孕

之前有報道指Tina因輸卵管閉塞，令懷孕機會較微，有指Tina曾兩次接受人工受孕，可惜都失敗！問今次是否人工受孕成功？Michael沒好氣說：「唔好聽雜誌講，總之邊度都唔講住，屋企人意思等BB再大多少少先，因為而家十幾周唔係太穩定，遲啲再穩定啲同大家講，你見我連微博都未post，最緊要等小朋友陀穩啲先。」問到太太情況？Michael說：「作嘔作悶實有，但唔係好犀利。」是否停工照顧老婆？他笑說：「梗唔係，要賺多啲奶粉錢，自己一直有做家務，而家更加要，佢粗身大勢唔好爬高爬低，我哋仔女都鍾意，冇所謂。」



■呂慧儀前日在微博大晒小蟹籽坐BB車的相，笑言BB跟老公黃文迪上街一定型爆。



■GiGi現正安心養胎，老公Sergio經常陪伴在側。資料圖片

GiGi明日親身報喜

另外，同樣初次懷孕的梁詠琪（GiGi）被影到大肚look，估計有孕4個月，日前她和西班牙籍老公Sergio拍拖到數碼港放狗，老公全程小心翼翼拖着她，現年38歲的GiGi推掉三部片約安胎，明日將出席活動親身報喜。至於初為人母的長腳蟹呂慧儀，連日在微博晒小蟹籽坐BB車相，留言：「男人鍾意車，小蟹籽都好喜歡呢隻醒神的顏色，同爸爸去街街都型仔！佢影嗰陣唔肯瞓平，係要坐起身先鬼咁精靈，驚我影唔到佢個樣咁，試完車就瞓番。」採訪：皓騫




來源: http://hk.apple.nextmedia.com/entertainment/art/20140918/18869575
PermaLink: https://articles.zkiz.com/?id=285629

謝天華榮升尿片部部長

1 : GS(14)@2015-03-15 21:30:43





鄭伊健、謝天華、錢嘉樂及林曉峰昨日與草蜢三子，在屯門出席「歲月友情 x BE THREE」簽唱會，他們分別獻唱又和粉絲玩遊戲。「歲月友情」五子獨缺陳小春，一班兄弟笑指小春忙於搵奶粉錢，而謝天華依然沉醉於當爸爸的喜樂中，他自封尿片部部長：「我
PermaLink: https://articles.zkiz.com/?id=288502

青霞張天愛榮升外婆邢嘉倩未婚懷孕：期待BB出世

1 : GS(14)@2016-01-18 19:00:35

■嘉倩與外籍銀行家Lloyd拍拖一年幾，已有默契先生B，暫未有結婚計劃。


邢李㷧與前妻張天愛所生的26歲女兒邢嘉倩一向愛小朋友，開設了幼兒教育中心，更曾揚言想生四、五個BB，母愛氾濫。昨日她忽然在ig貼文，宣佈已陀B，快將為人母親了。她貼了一幅與外籍男友Lloyd的黑白合照，相中Lloyd輕吻嘉倩額頭，更雙手踏着對方搭頭，十分溫馨。嘉倩以英文留言公佈將做媽媽的喜訊：「我常夢想有天成為母親，今天與Lloyd開心地宣佈我們正期待BB出世，非常震驚及感恩成為父母，以及開始組織新家庭。」與嘉倩情同母女的繼母林青霞亦將榮升外婆，相信她必定心情高興。



母爆陀穩先講

本報昨日致電了嘉倩的母親張天愛（Flora），她身在英國表示好開心，記者問到是否已有3個月才宣佈這個喜訊，她直認：「係囉，陀穩BB先講。」問到女兒是否生完BB才結婚，Flora笑言：「結唔結婚唔係好緊要，等佢自己方便。」提到她將榮升年輕外婆時，她表示：「好開心做grandma，不過我有朋友喺我嘅年紀已做great grandma，會叫佢（嘉倩）小心食嘢，唔好做咁多運動，做嘢都得，返工冇問題，但唔好勞碌。」



■身在英國的張天愛直認囡囡已陀有3個月BB，大讚囡囡思想成熟有計劃。資料圖片

■邢嘉倩昨日在Ig貼上與外籍男友Lloyd溫馨圖片（右圖），公告已懷有身孕，將會榮升做母親的喜訊。





未有結婚計劃

Flora大讚囡囡思想成熟，懂得照顧自己，而Lloyd性格好好及均真，問到她會否反對囡囡未婚懷孕，她表示：「佢好清楚自己做緊乜嘢，呢個問題咁落後，成人兩個有愛，有共鳴，結婚都有太多人唔開心，佢哋會自己選擇。」據悉，嘉倩與Lloyd拍拖1年多，對方是銀行家，二人暫時未有結婚計劃。採訪：唐如



■嘉倩與父親邢李㷧、繼母林青霞及兩個妹妹感情深厚。資料圖片

■嘉倩與繼母林青霞感情至深，相信青霞將榮升外婆必感興奮。資料圖片



來源: http://hk.apple.nextmedia.com/entertainment/art/20160118/19456143
PermaLink: https://articles.zkiz.com/?id=294490

母女相隔3小時生女34歲媽媽榮升外婆

1 : GS(14)@2016-02-09 12:14:24

「我在3小時內成為媽媽和祖母。」英國威爾斯一對母女不但一起經歷9個月的懷孕期，更在同日先後誕下女兒，令34歲女子凱伊（Kay Henry）在同一天，再成為母親和榮升祖母，十分難能可貴。19歲女兒詹金斯（Sophie Jenkins）在上周四晚上約9時誕下女兒阿里（Arya），凱伊就在約三小時後於上周五凌晨約12時誕下女兒蒂安娜（Tiana）；兩人並在同一間醫院產女，十分湊巧。詹金斯大呼：「這是奇怪和特別的時刻。」她們的家人亦為此大感興奮，更難得是她們一家人已是五代同堂，凱伊的84歲祖父有28名孫兒、42名曾孫和1名曾曾孫，可謂兒孫滿堂。凱伊現育有四名子女，她的11歲和8歲子女因為詹金斯誕下女兒「升呢」做舅父和姨姨，有趣的是蒂安娜雖比阿里「小」3小時，但亦成為姨姨。詹金斯希望女兒和妹妹可以一起長大，「這是不錯的經歷，我知我可以為她做任何事，由育兒貼士至分享嬰兒衣服」。英國《每日鏡報》





來源: http://hk.apple.nextmedia.com/international/art/20160209/19485064
PermaLink: https://articles.zkiz.com/?id=295632

妻安排驚喜廣播機長：有乘客榮升爸爸

1 : GS(14)@2016-03-05 01:11:44

美國一名人妻得悉自己懷有身孕，決定以特別的方式向丈夫宣佈喜訊。沙地萬（Eric Sadiwnyk）偕太太麗莎（Lisa）坐美國航空客機由拉斯維加斯返回費城，細心的麗莎早已設置好鏡頭，又找來空中服務員協助，要求機長為她進行一段特別廣播。正當不知就裡的沙地萬乖乖坐飛機時，機長就在35,000呎高空「開咪」，「有人將字條交給我，要我一字不差地讀出來，我們希望為我們在拉斯維加斯贏大獎的幸運兒做些特別的事」。機長當時要求大家留意坐在29E的乘客，亦即沙地萬，沙地萬望向太太一臉狐疑，機長續道：「沙地萬，雖然你沒有在這裡變富翁，但你真的贏了大獎，恭喜你，你要為人父了。」此時全機乘客馬上拍手歡呼送上祝福，沙地萬馬上向已在哭的太太送上情深一吻，麗莎獲機組人員幫忙，興奮道謝。英國《每日鏡報》





來源: http://hk.apple.nextmedia.com/international/art/20160303/19514376
PermaLink: https://articles.zkiz.com/?id=296703

賀王玉環榮升保險女王羅霖受阻冇入行等第二春

1 : GS(14)@2016-05-08 01:44:19

在電影圈以扮演殭屍聞名、已故藝人午馬前女友王玉環，成功由藝人轉型從事保險。王玉環所屬的保險公司，為慶祝她成為119年來公司首位女性高級區域總監，昨日特別在中環麗思卡爾登酒店，舉行名為「女王的加冕」晚宴，老公秦毅到場支持外，還有一班王玉環的圈中好友，包括羅霖、劉培基、周家蔚、寇鴻萍及囡囡等撐場支持。



■唐貝詩（左）和妹妹貝欣結伴到場。

■周家蔚（左）陪奶奶（右）到場支持王玉環。



戥好友開心

羅霖接受訪問時表示很替好朋友高興，她說：「知佢咁成功好開心，兩年前佢搵過我加入團隊，不過屋企老人家阻止，話驚俾人講閒話，要陪人出街食飯至簽到單，所以冇合作到。」她透露目前共有3份人壽保險，受益人是兒子。早前羅霖曾表示不排除閃婚，她說：「係講過有機會，可以有第二春都幾好，可以有膊頭挨吓，有人倚靠吓。」



周家蔚進修

主人家王玉環談到成功心得就是不斷突破自己，她自言本身是韓國華僑在台灣求學，入行時沒有太多人脈，很大部份是靠自己拼搏出來。之前她曾出過一本有關如何工作的書，稍後希望可以再出一本書教人如何管理。另外，周家蔚是陪奶奶到場，她指奶奶跟王玉環當年合作拍過不少電影，她說：「佢哋好好姊妹，奶奶返香港都係住王玉環屋企。佢都有叫過我入行做保險，不過嗰時忙生仔同做生意所以推咗。」稍後家蔚會修讀保險課程，了解家庭要買那類保險，她說：「洪天明一份保險都冇買，佢嘅工作咁危險。」採訪：張俊銘攝影：陳志嵐





來源: http://hk.apple.nextmedia.com/entertainment/art/20160506/19599410
PermaLink: https://articles.zkiz.com/?id=299775

熊黛林嫁郭可頌榮升百億人妻

1 : GS(14)@2016-10-28 06:24:13

■熊黛林與郭可頌昨日在港簽紙註冊結婚，一對新人流露幸福笑容。微博圖片



熊黛林（Lynn）與郭可盈胞弟、家族坐擁百億資產的郭可頌拍拖一年多，二人上月初入紙申請註冊。Lynn昨日突然驚喜在微博公告與郭可頌已完成註冊儀式，並寫道：「我們結婚了」。見Lynn一切從簡，穿上簡單的白色連身裙，蹺實老公微笑，正式成為「百億人妻」。



現年36歲的熊黛林於13年與郭富城結束7年情，走出陰霾後，翌年與郭可盈胞弟郭可頌撻着，男方今年3月求婚成功，二人上月初在港入紙申請註冊，當時Lynn未肯透露婚期，揚言有好消息會公佈。
Lynn選在舊愛城城生日後一天、昨日與郭可頌註冊結為夫婦，她在微博貼相宣佈：「我們結婚了」。見她穿上簡約白色連身裙，蹺實着黑色Fendi西裝的郭可頌，二人頭貼頭微笑，Lynn更着平底鞋微微彎身遷就老公，另一張相是二人簽婚書，Lynn經理人Kim作為見證人。



■熊黛林邀得經理人Kim（左）擔任證婚人。

■熊黛林突在微博宣佈：「我們結婚了」。

■Lynn與郭可頌昨晚與郭可盈等家人低調食飯慶祝。

可盈囡囡催生B

據知，Lynn與郭可頌完成儀式後，晚上與郭家等親友低調食飯慶祝，新姑奶郭可盈昨在電話中說：「佢哋有情人終成眷屬，祝佢哋可以相愛白頭到老，快啲生BB，津津（可盈囡囡暱稱）都希望快啲有表弟或表妹。」問到給Lynn的分數，她笑言：「我畀佢好高分，Lynn好賢良淑德、性格好，又溫柔體恤人。」提到相處之道，她表示：「希望佢哋互相尊重，要相敬如賓，互相遷就，單方面就晒唔長久。」而Lynn哥哥熊林亦在微博留言：「我把妹妹託付給你了好好對她，祝你們永遠幸福。」採訪、攝影：陳杰、徐錦池




來源: http://hk.apple.nextmedia.com/entertainment/art/20161028/19814153
PermaLink: https://articles.zkiz.com/?id=313823
Next Page
ZKIZ Archives @ 2019