【你幫我同佢講...】林日曦元秋傳話人OO由繙譯榮升Producer
1 :
GS(14)@2016-11-11 08:10:34OO全名Viola，o依家唔做繙譯，轉行做公務員，喺首爾公營電台做英文節目監製。
【尋找首爾的香港】「OO...OO...OO...」一個林日曦曾經不停嗌嘅名字，一個站於林日曦同「政壇元秋」蔣麗芸之間嘅中間人，一個用廣東話譯廣東話嘅繙譯員，全名Viola！Viola係韓國人妻，三年前跟老公搬去韓國定居，花年半時間精通韓語。最近，Viola唔譯廣東話，改行做公務員，喺首爾TBS公營電台做英文節目監製（Producer）。
Viola做公務員唔係為咗高薪厚職求穩定，原來只係同林日曦一樣鍾意做試驗，佢笑住咁話，「申請原因真係好低能，我見韓國人細個讀書要補習，大個想入大公司，原來都要補習筆試同面試。有冇咁大件事呀？大學畢業唔係代表準備好出嚟社會做嘢咩？好慘呀！」所以Viola就身痕，去搵份工嚟申請吓，睇吓係咪真係咁難！
Viola話見工嗰陣有9個面試官，勁誇張！
結果得佢一個in到，榮升Producer，直播室嘅人都嗌佢：「PD님！」
Viola話Producer係乜都做，由揀歌、定主題，到主持講乜都要諗。
試過就知大陣仗，淨係份申請表就有23頁，Viola話好多要填嘅資料根本係私隱，「真係唔知點解要填，唔止填阿爸阿媽嘅資料，仲要填埋阿爺阿嫲嗰代，又要填銀行有幾錢，租樓定買樓，連血型都要填！」申請合格者先考筆試，然後再要面試。
Viola話面試就誇張，「有九個面試官！嘩！好chr！九個人不停問、不停問，問你如果製作節目，點可以肯定個節目喺韓國會受歡迎？喺韓國嘅外國人想聽啲咩節目，你了唔了解？」Viola形容好似打咗場仗！結果，呢場仗畀貪得意、無補習、冇大冇細嘅Viola取得勝利！換嚟電台直播室嘅工作人員嗌佢：「PD님！（韓國人對Producer嘅尊敬稱呼）」Viola話Producer係乜都做，「揀歌、定主題、主持講乜都要諗。」拍攝當日，喺直播室嘅幾位節目主持就特別同Viola開玩笑，喺大氣電波講佢好似大明星，有香港傳媒嚟採訪佢，仲對攝影機揮手交足戲！
鬼馬主持特登向攝影機揮手，交足戲！
班主持又細數Viola，話佢食嘢好快，令佢哋有壓力。
Steve(右)仲話Viola講嘢直接，叫嘉賓試咪，就嗌佢「Say Something」。
呢班鬼馬主持又細數Viola，先講啲門面嘢大讚佢為人好好、合作性高、畀自由度大...但係慢慢就數埋啲奇怪嘢！外籍主持Liam Lusk話同Viola食飯好有壓力，因為佢食得超快，另一位主持Steve Hatherly就爆Viola講嘢直接，「有次佢想一位嘉賓試咪，正常都會同嘉賓講『唔該你試咪』，但係Viola就嗌佢『Say Something！』」Steve自己講完都笑，不過就話明白Viola只係直率，唔係無禮貌。至於大老細點睇呢？TBS電台部局長Kim Yeong Sik就話，因為Viola係外國人，第一次見佢就「打咗個突」，「韓國人打招呼係鞠躬，但係Viola係舉起手『Hi』咁樣！」不過局長話o依家已經習慣咗喇！雖然同事好，不過打工制度點都比唔上香港，Viola話：「一定要朝九晚六，遲一秒鐘都畀人睥住你！」莫講話一秒，唔少韓國公司都不明文規定要早半個鐘返工，老細未走都無得放工，相信有睇韓劇《未生》嘅朋友都明白，不過Viola就懶理，「早起身真係好難！」
上司金先生都加把嘴，話韓國人打招呼會鞠躬，但係Viola就咁舉手say hi，不過o依家就慣咗喇！
Viola話喺韓國做嘢好忟憎，韓國人階級觀念重，唔識變通又唔敢表達意見。
所以佢都係用返香港人最叻嗰招，用自己方法，咁個人就會開心啲喇！
Viola又話韓國人好目標為本，唔理成效係咪理想，總之定咗目標就一定要達到，「好急o架喎，老細會話『聽日，你聽日要做畀我！』我心諗：『吓，我諗都未諗！』」最令Viola忟憎嘅，係韓國人唔夠膽向上司表達意見，甚至乎根本唔知有另一個方法做嘢，只係盲目跟前輩話點做就點做！Viola話一於少理，貫徹香港人用自己方法行事，「做到咪得囉！」至少，自己開心啲！記者：鄒倩婷（阿仙）攝影：陳家文、李錦鏵剪接：Roy編審：陳家文導演：陳家文
來源:
http://hk.apple.nextmedia.com/entertainment/art/20161111/19829490
畢列谷巴榮升準爸爸艾琳娜內衣騷爆陀B
1 :
GS(14)@2016-12-03 05:12:42每年一度的惹火盛會Victoria's Secret（VS）內衣騷今屆移師到巴黎舉行，來自各地索模均以性感姿態輪流登場，當中首次出席的俄國名模艾琳娜（Irina Shayk），卻被爆大肚行騷，為拍拖年半的荷李活影星畢列谷巴（Bradley Cooper）陀B數月。艾琳娜處女登VS內衣騷即搶盡風頭，被爆懷孕至少四個月的她用了衣飾遮住肚皮，令懷孕消息更加似層層。其實艾琳娜與基斯坦奴朗拿度（C朗）分手後，去年4月撻着畢列谷巴，知情者指二人感情已轉入直路，並視對方為結婚對象，早前開始計劃結婚及生B，拉埋天窗乃遲早問題。
畢列
■內地名模劉雯以一身中國風行天橋。
■Lady GaGa以多款形象登台，更晒後台內衣照。
增添中國風
lessandra Ambrosio、Kendall Jenner、Gigi Hadid、Bella Hadid等索模撐場，由於該品牌要照顧內地市場，年前開始已起用內地名模，今次亦不例外有劉雯、奚夢瑤、睢曉雯、何穗行貓步，加上又得內地機構贊助，令台前台下也籠罩一陣中國味，而台灣歌手蔡依林則是VS騷首位獲邀睇騷的亞洲女星。美國歌手Bruno Mars、樂壇天后Lady GaGa都為盛會擔任表演嘉賓，而黑人歌手The Weeknd與剛分手的Bella Hadid同台表演，觀眾戥二人感到尷尬。GaGa秉承百變風格，先後以五款造型示人，她雖然未如VS天使穿內衣登場，但GaGa就在Instagram貼上自己在後台僅穿內衣的照片隔空鬥性感。至於25歲模特兒Jasmine Tookes，穿上300萬美元（約2,340萬港元）的鑽石bra成全場焦點，該胸圍由珠寶商花逾700小時以人手鑲嵌，並佈滿9,000粒白鑽及綠寶石。盛會舉行前，巴黎警方亦有加強保安，又在香舍麗榭大道及大王宮附近數百米架起路障封鎖，一眾賓客要經過保安檢查才可進場。撰文：哥羅
來源:
http://hk.apple.nextmedia.com/entertainment/art/20161202/19851858
聖誕前榮升做老竇 福山雅治見BB 開心爆喊
1 :
GS(14)@2016-12-24 10:55:40現年47歲的日本型佬福山雅治，去年9月跟34歲女星吹石一惠閃婚，直至今年8月宣佈太太懷孕消息，前晚福山透過歌迷會網站報喜，透露BB已經出世，母子平安，但未有公佈BB的性別與出生日期等資料。現正在橫濱開騷的福山雅治，趁前晚休息不用演出，率先在聖誕前向歌迷公佈已榮升做爸爸的喜訊。福山指一直祈求BB可以健康誕生，又謂自己一直陪產。曾揚言BB出世當日一定會爆喊的他，果然興奮得一提到BB已經忍不住流淚，他謂：「第一次聽到哭聲、看到BB的時候原來真的會哭，在寫這篇文章時又忍不住再度流淚。」福山昨日繼續在橫濱開騷，舉行只招待男粉絲的演出，現場接受眾人的祝福。至於吹石一惠昨日亦在官方網站透露已誕B的消息，但同樣未有透露關於BB的資料，貫徹夫婦低調作風。其實吹石一惠上月曾被目睹在東京代官山的高級嬰兒車專賣店，購買了價值6萬日圓（約4,000港元）的BB車，早已做好準備迎接小生命來臨。
■福山雅治與吹石一惠去年9月結婚。
■水野美紀與唐橋充（小圖）婚後半年被爆有喜。
水野美紀被爆有喜
日本近日喜事連連，曾與福山合作劇集《Love Song》的42歲女星水野美紀亦被爆有喜，預產期為明年夏天。水野美紀今年6月與39歲男星唐橋充拍拖3個月後閃婚，據日本報章《報知Sports》報道，水野美紀現正屬懷孕初期，因接拍了下月首播的朝日電視台新劇《奪愛、冬》，已告知電視台懷孕的消息。《奪愛、冬》劇情講述不倫戀涉及四角關係，可能會有激動或大動作場面，相信劇情會因為水野美紀有喜而有所調整。撰文：程芬
來源:
http://hk.apple.nextmedia.com/entertainment/art/20161224/19875179
42歲楊采妮榮升媽媽 未婚懷孕若希網上互動keep人氣
1 :
GS(14)@2017-01-24 03:00:17黎諾懿同老婆李潔瑩嘅愛情結晶品，預產期約於五月，會係「雞仔」，而今年嘅雞年BB亦將會陸續有嚟！
楊采妮(Charlie)
42歲楊采妮月初公開承認懷孕5個月，而喺2016年嘅除夕楊采妮就老公邱韶智、梁詠琪、李心潔2位姊妹喺新加坡跨年，合照嘅時候佢就用個枕頭遮住個肚。
楊愛瑾
現年31歲嘅Cookies餅女楊愛瑾（Miki）同經歷8年風雨嘅永安太子爺郭永淳於上年4月修成正果，婚後不久就宣佈有喜，雖然佢冇正式公佈預產期，但推算會喺5、6月左右生B。
周汶錡
名模周汶錡嫁法籍老公Julien4年，已育有一子Jacques，早前宣佈再懷第二胎，至今已懷孕約6個月，佢仲話「生女係Perfect」。
葉翠翠
葉翠翠早前因為遭無綫減薪三分一，佢乘勢要求解約劈炮，全職做家庭主婦、照顧BB。懷孕近五個月嘅翠翠，安胎期間不時喺社交網晒幸福孕照。
吳若希
未婚懷孕嘅吳若希有指佢嘅預產期喺今年5月，佢o依家就喺澳門安胎，但久唔久就返香港出席活動之餘，仲好鍾意喺社交網同fans互動，保持人氣嘛！
車婉婉
42歲嘅車婉婉，之前接受訪問時承認同老公成功造人，預產期係明年4月。車婉婉話自從有咗BB之後，老公經常迫自己食嘢，又覺得有BB係「上天嘅恩賜」。到咗元旦日，車婉婉就喺facebook公佈話將會生個肥肥白白嘅男嬰。
來源:
http://hk.apple.nextmedia.com/entertainment/art/20170123/19906234
秦舒培美國待產 傳籌備婚禮Edison榮升老竇 契爺秋生：恭喜佢
1 :
GS(14)@2017-01-26 18:08:24■陳冠希的超模女友秦舒培昨被爆懷孕七個月在美國待產，預產期是今年3月，更傳二人着手籌備婚禮。資料圖片
陳冠希（Edison）去年5月被本報發現與超模秦舒培在港甜蜜拍拖，其後Edison直認戀情。本報昨日收到消息指Edison快做老竇，秦舒培的預產期是今年3月，目前她身在美國待產。其實Edison去年8月斥資285萬美元（約2,250萬港元）於洛杉磯築愛巢，已傳他積極籌備結婚，至日前有人發現秦舒培肚凸凸現身北京，才知原來雙喜臨門，Edison契爺黃秋生昨日亦恭喜他。
現年36歲的陳冠希近年主力發展其創立的時裝品牌生意，早前又簽約摩登天空，準備推出國語專輯。Edison於2014年與台灣女友洪文安分手，去年被本報發現戀上來自內地的超模秦舒培後，自此變得修心養性。
去年8月【睇B衫】■Edison與秦舒培去年8月被網民撞破在日本拍拖逛嬰兒用品店。微博圖片
去年10月【剪短髮】■秦舒培去年10月在Ig上載剪短髮的相，似為懷孕作好準備。
■貴為超模的秦舒培目前已全面停工在美國養胎。資料圖片
肚凸凸現身北京
本報昨日率先爆出Edison快將做老竇，與他拍拖一年多的秦舒培目前已懷孕七個月，預產期在今年3月。知情人向本報爆料，指月前秦舒培曾現身北京，心情大好的她當時已肚凸凸，報料人稱：「秦舒培陀嘅係男B，Edison本來已經有結婚打算，?家秦舒培有咗，都算係雙喜臨門，不過佢唔想畀傳媒知道女友有BB，所以都好低調。」不過Edison有意跟女友拉埋天窗，早於去年8月已有迹可尋，除了他斥資285萬美元（約2,250萬港元）於洛杉磯築愛巢，之後再被網民撞破在日本拍拖逛嬰兒用品店，而陀着「小希子」的秦舒培，據知已停工數月，目前正身在美國待產，有傳Edison近日正積極籌備婚禮。本報昨曾嘗試聯絡他，但未獲回覆。
Edison自與秦舒培拍拖後，與女友感情發展一日千里，即使女友被爆2012年曾嫁當時華誼兄弟時尚文化董事總經理趙磊，他亦照單全收，去年更因女友忽然被飛出內地節目《我的新衣》，公開鬧爆疑涉事件的台灣名模林志玲，秦舒培事後受訪，還大讚Edison是真男人。過往習慣不停更新Ig的秦舒培，對上一次在Ig上載拍到腹部的相，已是去年11月底，當日她穿上鬆身連身裙出席友人聚會，孕味極濃，去年10月她又上載到髮型屋剪短頭髮的相。
■契爺黃秋生指Edison榮升父親後會重新成長。資料圖片
■甄子丹（中）日前與Edison在美國碰面，他昨把合照放上Ig留言恭喜Edison。
甄子丹留言祝福
身為Edison契爺的黃秋生對於Edison疑快將榮升人父，他昨表示：「好吖，恭喜佢，正吖。契孫咁大劑，好事，大個仔啦。」但他表示很久沒有跟Edison聯絡，他又說：「睇住佢好似自己重新成長一次，小朋友會令你再成長，呢個係人生另一階段。」另外，「宇宙最強」甄子丹昨日在Ig上載一張搭着Edison膊頭、攝於洛杉磯的合照，以英文留言恭喜Edison，並祝福他成功，似乎暗藏玄機。採訪：馮茵茵
來源:
http://hk.apple.nextmedia.com/entertainment/art/20170125/19907625
喜事連連 復出拍新劇車保羅榮升爺爺 笑孫仔似蝦米
1 :
GS(14)@2017-03-04 10:18:19■首度做爺爺的車保羅，昨日抱着剛出世的乖孫時一臉滿足。
恭喜恭喜！現年57歲的車保羅（原名吳溟蒼）昨日首度榮升爺爺，其24歲混血兒子吳卓偉與新抱Gerlie的B仔昨日上午順利出生，重6.23磅，健康可愛。車保羅昨日在電話中喜孜孜地說：「我孫仔今朝7點17分出世，佢老竇係雞仔，我呢個孫又係雞仔，頂癮呀！我新抱喺屯門醫院生，個孫好輕，得2.85kg（約6.23磅），我啱啱抱佢嚟，真係好似攣弓蝦米咁。」問他首次做爺爺的感覺如何時，車保羅說：「梗係驚喜若狂啦！」又指孫仔尚未正式改名，但他們都叫BB做Prince Timothy，並指孫仔暫時樣子似兒子。
■車保羅指孫仔樣似兒子，估計他將來也生得高大。
■車保羅和菲籍太太Inday結婚後恩愛爆燈，不時在網上放閃。資料圖片
■車保羅兒子吳卓偉（左一）去年底與女友Gerlie奉子成婚。資料圖片
心律不正入完院
原來車保羅日前因病入院，沒想到孫仔乖巧，等他康復出院才出世，令他大感幸運和欣慰。車保羅說：「早兩日我入咗醫院，心律不正，呢樣好耐嘅事啦，忍咗好耐，但最後發現唔對路，過咗年咪入醫院check囉，3日搞掂，唔使通波仔，醫生話食阿士匹靈得啦，之後血管全部過到，但唔可以做粗重嘢、唔好受刺激，即係你鬧我阿媽我都要忍。人老就機器壞㗎啦，自己講說話陰聲細氣啲囉。」
■邵仲衡將為ViuTV拍攝靈異新劇《詭探》，跟車保羅合作。資料圖片
出山拍港版《CSI》
除了康復出院和孫仔出世外，車保羅還有一單喜訊，就是獲ViuTV邀請出山拍劇，跟邵仲衡、尹揚明、楊思琦和劉錫賢等拍攝港版《CSI》的新劇《詭探》。記者指車保羅孫仔腳頭好時，他笑謂：「Very good。」車保羅在2003年被無綫炒魷後，只偶爾拍攝電影，整整14年沒拍劇集，問他今次為何肯出山時，車保羅說：「對方誠意邀請，戲軌又啱。部劇全部鬼，用晒香港以前發生過嘅靈異事件代入劇情，幾過癮㗎。」可擔心拍劇辛苦？他說：「唔會，我哋得幾組㗎咋。」採訪：魯吉
來源:
http://hk.apple.nextmedia.com/entertainment/art/20170304/19946660
張衞健老婆睇住出世蘇永康榮升爹哋 鄭紹康：恭喜佢
1 :
GS(14)@2017-03-23 06:27:21■蘇永康早前才與臨盆在即的太太在銅鑼灣行街。資料圖片
現年49歲的蘇永康（阿公）老來得子，前日老婆馮翠珊為他誕下兒子，不過，阿公尚未公佈喜訊，好友雷頌德昨在尖沙嘴出席攝影集分享會卻率先爆響口：「嚟緊都會幫蘇永康影，佢噚日做咗爸爸啦，你哋唔知咩？」
■鄭紹康昨晚避談會否致電蘇永康破冰。
■張衞健透露太太張茜全程陪着蘇永康太太生B。資料圖片
開心BIG FOUR有後
據知，阿公原本想待母子出院後才宣佈喜訊，怎知卻忽然被公佈榮升爸爸，惟有昨提早報喜：「好多謝大家關心，小弟的確係榮升咗老竇級啦！母子平安，BB好可愛。第一次做爹哋，心情當然係非常非常感動同開心！新手上任，有啲手忙腳亂，所以請容許大家畀少少時間我，過兩日等我安定下來，先同大家分享我嘅喜悅！」好友張衞健昨在電話說：「我老婆（張茜）特登喺北京返嚟陪佢老婆生仔，阿康仲自己剪臍帶㖭，見到佢戴住手術帽、着手術衫、揸住把鉸剪，真係《妙手仁心》上身。」問阿公有否感動到喊？健仔笑說：「咁又冇喊，我感動到喊，BIG FOUR終於有後。BB手長腳長樣似老母，我即刻放心晒嘞，似阿媽咁咪靚仔。老婆話入產房前，阿公舉手投足依然係架勢，但生完揸住BB手指即刻溫柔晒，我好戥康媽抱孫開心。」另外，曾因三千元侮辱價被阿公數臭的「天下第一關」鄭紹康，昨晚在中環出席Gucci活動表示：「已經託朋友問候佢太太，做完活動等我send個message恭喜佢啦，生BB係開心事，都值得開心嘅。」會否送禮物？他說：「知有朋友夾緊，夾到點解唔夾呢？」是否還嬲？他說：「冇諗呢啲啦，都新一年向前望。」會否致電阿公恭喜以破冰？他支吾說：「呢啲緣份嚟嘅。」
■徐濠縈昨晚出席Gucci活動時，笑談蘇永康榮升爸爸，BIG FOUR終添丁。
■Wyman戥蘇永康開心，自言感動到想喊。
Wyman改名被拒
同場的黃偉文（Wyman）戥阿公開心，他透露看過BB相，覺得頭大似爸爸，體重約6磅多，晚上9時許出世，更自爆幫BB改英文名Kelab，但被蘇媽媽拒絕了，他眼濕濕說：「冇得改名都會錫BB，知道佢母子平安真係想喊。」徐濠縈則說：「恭喜蘇家BIG FOUR添丁，第一個男『袋』，祝BB健健康康快樂成長。」採訪：盧妹、羅慧敏攝影：仇志德
來源:
http://hk.apple.nextmedia.com/entertainment/art/20170322/19965705
鍾嘉欣擔遮變大妗姐王君馨榮升章太「我好幸福」
1 :
GS(14)@2017-06-16 01:47:46【依足傳統】■王君馨於香港時間前日與Daniel在紐約舉行婚禮，除穿上裙褂出嫁外，更有鍾嘉欣（左）擔遮兼任大妗姐。
現年31歲的「處女黨」成員王君馨（Grace），去年11月與圈外男友Daniel申請註冊結婚，至香港時間前日，二人終在紐約舉行婚禮，正式升呢做章太。身為王君馨好姊妹的鍾嘉欣、李亞男、衛蘭和裕美等均有親到紐約分享好友喜悅。
【透視晒腿】■換上婚紗禮服的王君馨與老公在婚宴上切蛋糕。互聯網圖片
■王君馨與Daniel在教堂宣誓，正式成為夫婦。互聯網圖片
【星級姊妹】■獲一班圈中好姊妹陪伴出嫁的王君馨，笑到見牙不見眼。
姊妹團Rap歌
新娘子Grace於昨日凌晨時分，向傳媒分享出嫁心情及婚禮場面的靚相，她除穿上傳統裙褂出嫁外，更由好姊妹鍾嘉欣做大妗姐擔遮陪出嫁，甚至向父母斟茶，一切跟足傳統。另外，王君馨又穿婚紗跟老公錫錫，認真甜蜜。忙到一頭煙的Grace昨日興奮地說：「我喺噚日6月11日喺紐約同Daniel結咗婚啦，好嘢，哈哈哈。噚日係非常開心啦，一朝早起身，啲姊妹幫我着褂啦，我哋又有斟茶畀我哋嘅父母，總之成件事都非常之開心嘅，嘉欣變咗我嘅大妗姐，因為我哋冇一個大妗姐。」
Grace透露她與老公現身婚禮場地時，衛蘭帶領裕美和李亞男等唱詩歌和rap歌，眾人並準備了十分甜蜜的歌詞送給她和老公，她說：「我哋都好感動，我係章太啦，我好幸福呀！」開心爆燈的Grace其後更於微博和Ig分享婚照，正式宣佈「Hi！I'm章太。」Grace在紐約舉行婚禮後，將於下月11日在香港的美國會補擺喜酒大宴親朋。
香香送祝福
原來Grace所揀的婚紗為本地設計師Marco M Chan設計，食正今年的短袖嫁衣熱潮，而她之前已穿過他多套婚紗影pre-wedding相，可見她對Marco情有獨鍾。此外，岑麗香雖然未有出席好友Grace在美國的婚禮，但透露將會出席好友在香港的喜酒，屆時她還會擔任姊妹，香香於Ig留言向一對新人送上祝福說：「你們結婚啦！」撰文：魯吉
來源:
http://hk.apple.nextmedia.com/entertainment/art/20170614/20054799
Next Page