杜德偉讚偶像低調有才華
1 :
GS(14)@2016-04-23 18:37:42一代國際巨星Prince殞落,不少香港歌手和DJ都紛紛緬懷和悼念這位百變偶像。曾翻唱Prince名作《Kiss》的杜德偉昨回覆本報說:「Prince係一個好低調嘅歌手,我只係翻唱佢首歌,已經感受到佢嘅音樂才華。」資深電台DJ梁兆輝亦表示:「佢唔止係一個歌手,由pop到R&B到hip hop到jazz佢都識,有人講佢識27至30種樂器,大碟入面好多樂器佢都自己玩番。」已故歌手羅文曾將Prince名曲《When Doves Cry》改編成廣東歌《午夜怨曲》,陳百強在85年舉行的演唱會中,曾以Prince的前衞造型和舞蹈在台上演出,可惜當時歌迷對他的突變並不受落,令其歌唱事業受挫。
■資深電台DJ梁兆輝亦是Prince的粉絲。
Prince早在03年曾來港為「維港巨星匯」表演,做打頭陣嘉賓,當年香港受沙士疫情重挫,政府耗費1億元舉辦「維港巨星匯」以振興經濟,可惜在大會選址失當和安排混亂之下,令不少市民在Prince綵排時,已可免費看到他的表演。採訪:王梓嫚、皓騫
來源:
http://hk.apple.nextmedia.com/entertainment/art/20160423/19582932
太太懷孕五個月54歲杜德偉一索得男「呢個年紀啱啱好」
1 :
GS(14)@2016-05-22 12:16:12■杜德偉形容獲悉有B喜訊,如小時候父親送他一件期待已久的玩具般興奮。
年屆54歲的杜德偉(Alex)與細他24年的老婆李曉冰(Ice)結婚3年,昨日宣佈造人成功,太太已有喜5個月,更一索得男陀B仔預產期在10月出世。他接受雜誌訪問時透露想4年抱3,而太太更想生夠6個。本報昨致電Alex問到首次做爸爸的心情,他說:「我自己無論心態、體能、身體都係比較遲熟嘅,所以喺而家呢個年紀,有小朋友啱啱好。無論各方面都覺得自己好健康,好多精力,心態又成熟啦,可以對自己所做嘅一切負責任,變咗可以做一個好榜樣。」
■Alex與太太Ice結婚三年來勤力造人,近月終嘗試計算排卵期方法「中獎」有B。
■杜德偉笑言自己遲熟,依然好有精力健康,心態上已準備好做好爸爸。資料圖片
冇妊娠不適
Alex透露BB好乖,老婆亦沒有妊娠不適:「佢冇話嘔呀,冇唔舒服,諗諗可能囝囝真係好乖,可能有迹可尋,我以前都係一個好乖、好靜嘅小朋友,我太太都係,好少畀到屋企好多嘅麻煩,又唔會湊我哋嘅時間踢晒腳咁。我細個嗰陣,媽咪都話陀我好舒服,基於呢啲DNA,令太太陀我哋嘅呢隻馬騮仔唔係話有好多唔舒服。」成為準人父的Alex自言雖然沒有經驗,但會以父母為榜樣:「細個時爹哋媽咪都教得我哋兩兄弟好好,咁有好多細個時候嘅經驗,諗番童年過去好多回憶,最希望小朋友健康,有個快樂嘅童年,呢樣係我最想畀到小朋友嘅!」採訪:皓騫
來源:
http://hk.apple.nextmedia.com/entertainment/art/20160522/19622430
杜德偉自創囝囝英文名
1 :
GS(14)@2016-05-24 10:45:19現年54歲的杜德偉結婚3年,前日宣佈造人成功,太太李曉冰(Ice)已有喜5個月,昨日杜德偉在旺角麥花臣場館,以頒獎嘉賓身份出席舞者選拔決賽,他一出現就收到不少祝賀,又自言最近已收到很多朋友祝福,目前忙着為囝囝改名:「中文名會簡單啲,因為驚佢百厭要罰抄,英文名會諗傳統啲或者自己作,不過又驚佢俾同學仔笑個名。」被問到會否太擔心而導致抑鬱症時,他笑言不會當怪獸家長。杜德偉透露會入產房視產,但不敢剪臍帶,他自嘲外表英明,內裏很驚青,杜德偉又透露看超聲波時見到兒子很好動,長大後一定會愛跳舞,稍後他會親自操刀為老婆影大肚相。採訪:黃曉妍攝影:仇志德
來源:
http://hk.apple.nextmedia.com/entertainment/art/20160523/19623194
杜德偉捉精靈激嬲大肚妻
1 :
GS(14)@2016-09-02 05:49:43■杜德偉玩電話玩足10多分鐘,冷落了老婆李曉冰。
現年54歲的杜德偉(Alex)跟細自己24年的老婆李曉冰(Ice)結婚3年,今年5月Alex宣佈老婆已陀B仔5個月,預產期在下月。日前本報發現Alex與老婆在天后一間咖啡店嘆茶,快將臨盆的Ice肚皮已經好大,然而快將榮升人父的Alex,依然充滿童真。
■杜德偉很快便氹回老婆,離開時還恩愛蹺手。
Alex在咖啡店內全程低頭不斷撥個電話mon,似乎捉緊精靈,投入程度簡直當老婆透明,打了足足10多分鐘,他才發現冷落了老婆,即時放下電話,再表情多多氹老婆。Ice見老公落力冧自己,怒氣全消,離開時還蹺到老公實一實,甜到漏一齊離開。採訪、攝影:徐錦池
來源:
http://hk.apple.nextmedia.com/entertainment/art/20160902/19757037
杜德偉B仔遺傳小酒窩
1 :
GS(14)@2016-10-11 08:11:53■杜德偉滿足的表示心甘情願為囝囝換尿片。微博圖片
54歲杜德偉(Alex)與太太李曉冰(Ice)的兒子AJ於上周日出世了,初為人父的他前晚在社交網貼父子合照,冧爆留言:「你也太會poop了吧!每次喝完奶奶就馬上poop poop,緊接着就是那個招牌笑容,把我和媽咪Ice都溶化了,然後心甘情願為你換尿布,屁屁還沒擦乾淨就已經又滿足地睡着了,真沒你好氣!」
■鍾鎮濤一家去探望杜德偉太太及BB。
Alex讚老婆是best mum in the world,堅持每兩、三小時餵哺母乳,囝囝出世至今都沒好好休息,Ice說:「因為想囝囝同爸爸一樣靚仔,所以懷孕期間經常望住老公,發現囝囝吮奶時同爸爸一樣有小酒窩。」而鍾鎮濤與范姜及兩個女亦前往探Ice。撰文:皓騫
來源:
http://hk.apple.nextmedia.com/entertainment/art/20161011/19796978
佐治米高金曲永恒杜德偉三度翻唱:佢影響我好多
1 :
GS(14)@2016-12-27 12:32:02【1963-2016】■佐治米高的名曲《Last Christmas》紅遍全球,估不到他在聖誕節離世,終年53歲。
英國一代歌手佐治米高(George Michael)於聖誕節在寓所因心臟衰竭離世,終年53歲,消息震驚全球,80年代以樂隊Wham!出道的他,個人作品《Careless Whisper》先後被梅艷芳、蔡國權和甄妮改編成廣東歌,杜德偉不但改唱《Where Did Your Heart Go》為廣東歌,更翻唱對方兩首英文歌,群星對佐治米高的噩耗深感惋惜!
■杜德偉的《只想留下》是改編自佐治的《Where Did Your Heart Go》。電視圖片
樂壇萬人迷佐治米高靚仔又有才華,其中一首名曲是《Last Christmas》,想不到2016年的聖誕節,卻是他的Last Christmas,其經理人於香港時間昨日證實佐治於聖誕節在家中死於心臟衰竭,終年53歲。80年代以Wham!出道紅遍全球的佐治,曾影響不少香港歌手,經典歌《Careless Whisper》被三度改編成廣東歌,包括梅艷芳《夢幻的擁抱》、蔡國權《無心快語》及甄妮《忍痛說謊》,杜德偉亦將《Where Did Your Heart Go》改編廣東歌《只想留下》,更曾推出英文碟翻唱《Careless Whisper》和《Last Christmas》。
「佢仲可以有貢獻」
杜德偉昨在電話說:「今個聖誕收到最難過消息,就係George Michael逝世,覺得好愕然,因為佢仲好年輕。?家音樂世界有無限變化同發揮,總係感覺佢可以仲有好多貢獻。自己由Wham!樂隊已經聽佢嘅歌,佢嘅音樂都影響我成長,命運安排佢喺聖誕節離開我哋,以後聽到佢嘅《Last Christmas》都會想念佢!」
■佐治米高的逝世震驚全球,這個世界又少了一把好聲音。
■杜德偉直言偶像佐治米高,對他的音樂路影響很大。資料圖片
視佐治為超級偶像的孫耀威感到好難過,他在電話說:「以前夾band、參加學校歌唱比賽,全部都唱George Michael啲歌,一直覺得佢係全世界最勁歌手,無論聲底、感情都係最正。我仲一廂情願佢開live tour一定會去睇,點知已經冇機會。」戴蘊慧亦在社交網留言致哀:「80年代,第一盒cassette帶放入我的Walkman的Wham!,幾乎天天loop的《Careless Whisper》,George Michael,他一直陪我長大的,昨日就這樣離開了,好千萬千般千千的不捨得,首次為了一位我從不認得的人,流下了兩行眼淚!」
《Careless Whisper》■佐治米高的金曲《Careless Whisper》曾被梅艷芳、蔡國權和甄妮改編廣東歌。
梅艷芳《夢幻的擁抱》
蔡國權《無心快語》
甄妮《忍痛說謊》
■吳國敬(右)昨大讚佐治是不可多得的天才歌手。攝影:陳俊強
吳國敬模仿唱腔
吳國敬和太極昨在荃灣宣傳專輯,對於佐治米高離世,吳國敬自言對方是其偶像,唱腔也是模仿他:「佢嘅逝世反映咗一個咁有才華嘅人,多數都係only the good die young。原先佢只係戲院帶位員,唔係音樂出身,但可以去到過億張唱片,係一個不可多得嘅天才歌手。」太極成員HiFi德稱最初不信佐治的死訊,Patrick說:「佢係哥哥(雷有曜)偶像,相信佢?家喊緊。」此外,鍾舒漫和妹妹鍾舒祺昨在銅鑼灣出席自己投資咖啡店開音樂會,兩人演繹《Last Christmas》向佐治致敬,鍾舒漫嘆人生無常:「聽到消息好驚訝,好sad,人好化學。」採訪:皓騫、王連連、黃曉妍
來源:
http://hk.apple.nextmedia.com/entertainment/art/20161227/19877644
人父杜德偉四圍撩BB
1 :
GS(14)@2016-12-31 10:18:0954歲初為人父的杜德偉,日前為新歌《抱緊處理》拍MV,升呢做潮爸的他跟10位混血BB一齊拍攝,現場變得好像託兒所,杜德偉忙着四圍抱B互動,他笑說:「BB好似model行貓步,自己第一次以人父身份出碟,希望喺年尾寒冬時候出新歌,帶畀大家快樂同溫暖。」擅長勁歌熱舞的杜德偉,新歌的舞步雖然比以往較簡單,但每個動作力度都好大,因為排舞師都是一位人父,所以將湊小孩的動作加入舞蹈,杜德偉說:「睇起嚟好容易,但要不停練習先做到,自己連去廁所、沖涼都會練習,有幾次因為未到位而嬲自己㖭。」撰文:皓騫
來源:
http://hk.apple.nextmedia.com/entertainment/art/20161231/19881984
杜德偉搞囝囝百日宴
1 :
GS(14)@2017-01-05 08:07:15■杜德偉的兒子剛滿百日,與友人飯敍。微博圖片
現年54歲的杜德偉(Alex)去年10月初為人父,老婆李曉冰為他誕下兒子Alex Junior,昨日劉培基在社交網站貼出AJ的百日宴照片,徐小鳳都有畀面出席,認真喜氣洋洋。劉培基寫道:「杜德偉兒子百日宴,好幸福的一家,baby好可愛,恭喜恭賀。」公開的照片中還有一塊玉,似乎是劉培基送給AJ的禮物。
■劉培基和徐小鳳都有份和AJ見面。微博圖片
剛滿百日的AJ肥嘟嘟十分可愛,眼仔細細比較似媽咪,戴了帽仔的他面圓圓,似足一個波波,現場還有一個蛋糕寫着「AJ HAPPY100 DAYS」。記者致電杜德偉恭喜:「噚日唔係乜嘢百日宴,只係同朋友食吓飯啫,真係朋友私人聚會。」採訪:皓騫
來源:
http://hk.apple.nextmedia.com/entertainment/art/20170104/19885379
Next Page