反駁譚惠珠 指准二次宣誓合理曾鈺成「主席無權褫奪議席」
1 :
GS(14)@2016-11-13 11:27:32■曾鈺成反駁譚惠珠，指立會主席無權判議員喪失資格。夏家朗攝
【本報訊】基本法委員會委員譚惠珠日前向立法會前主席曾鈺成開火，指他當年容許黃毓民再次宣誓沒法律依據，曾昨日開腔反駁，強調即使人大釋法後，立會主席或作為監誓人的立會秘書長，均無權宣佈某議員因宣誓無效而喪失議席，又指若任何情況下均不容議員作第二次宣誓，「咁黃定光議員都唔可以第二次宣誓」。記者：陳雪玲
譚惠珠
譚惠珠日前指曾鈺成當年容許黃毓民再宣誓，雖然當時沒有告上法庭，但不代表曾的做法是對。曾鈺成昨出席港台活動時反駁譚說法，「如果話一定唔可以做第二次，咁黃定光議員都唔可以第二次宣誓。」
依然要交法庭裁決
曾認為問題重點在於議員是否故意忽略或拒絕宣誓，他個人認為立會主席或監誓的立會秘書長無權判斷議員是否故意拒絕或忽略宣誓，有關做法也不合理，「如果你話立法會主席無一個法律依據容許議員再作宣誓，我想指出，立法會主席更加無法律依據去宣佈一個議員因為無依法宣誓就喪失資格，呢個係一個非常嚴重嘅決定。」曾鈺成進一步指出，釋法沒有授予監誓人權力去宣佈議員喪失議席，依然要交由法庭裁決，「今次梁君彥裁決5位議員宣誓無效，政府司法覆核只針對兩位議員，點解又可以畀另外3位重新宣誓，有無違反釋法？有個界線要劃，由監誓人去劃呢條線啱唔啱？」他又引用宣誓案中代表立會主席梁君彥的律師法律觀點，指即使議員殺了人、判了刑，立會主席也不可直接宣佈他已喪失資格，必須由三分二議員通過議案才可剝奪其資格，所以他在2012年容許黃毓民再宣誓，可說是別無選擇。
來源:
http://hk.apple.nextmedia.com/news/art/20161113/19832162
操盤手札記：國指準新貴衝刺
1 :
GS(14)@2018-02-04 23:19:49美國總統特朗普上任一年，即將發表首份國情咨文。呢一年嚟，佢對內對外都好惹火，「通俄門」越燒越烈，朝野對佢越嚟越distrust，睇見印喺美鈔嗰句「In God we trust」，情何以堪！香港亦瀰漫distrust，電影《十年》話齋：「呢十年嚟……我哋失去最多嘅係信任。」特朗普接受路透社訪問時爆響口，話會喺國情咨文講對華貿易逆差。市場估計，佢會提出針對中國嘅貿易反制措施。事實上，佢上周二已打響貿易戰第一槍，對太陽能電池板同洗衣機徵重稅。下一槍應瞄準知識產權，對侵權罰巨款。淘寶隨時瀨嘢，揸阿里巴巴要留神！美匯指數（DXY）上周接連跌穿90、89兩關，見3年低位，市場擔心美國以弱美元打貿易戰，但特朗普忽然開腔撐強美元，令市場意外，過往佢多番反對強美元，指有損競爭力，今番似乎言不由衷。不過，美匯隨即反彈，但其實主因係歐洲央行話今年加息機會極低，歐元回落所致。
DXY係由美元對六種貨幣嘅匯率加權計算而成，當中歐元比重最大，達57.6%，因此主要反映美元兌歐元嘅變化。過去一年，DXY累跌11%。睇走勢圖，舊年5月跌穿200天線（美國視為牛熊線）見熊，上月跌穿93密集阻力位更熊。若今趟反彈未能重上93，中期弱勢未改。美元弱勢，反映資金流出美國，利好新興市場。期指結算前夕，港股衝上33484破頂後掉頭，收32966，跌187點，正常調整。後市要睇美元，中線嚟講，港股仍未轉弱。策略宜由buy and hold改為hit and run；揀股方面，可留意國企指數準新貴。國指改革終於上場，下周二恒指季檢，將同時公佈10隻納入國指嘅紅籌同民企，3月生效。騰訊（700）同中移動（941）係大熱，舊年至今嘅升浪，前者升近1.5倍，後者只升8.4%，相對恒指升近五成，跑輸幾條街。中移動有追落後價值，皆因估值平，PE僅12倍，息率8厘。割柑人本欄逢周二刊出
來源:
https://hk.finance.appledaily.co ... e/20180130/20290061