ZKIZ Archives


中環在線:大快活老細人工唔及大家樂 李華華

2008-07-28  AppleDaily

百 物騰貴,飲食業越嚟越難做,做快餐業嘅大快活(052)08年度業績賺咗1億銀,喺高通脹經濟放緩嘅環境下,盈利仍然有19.3%增長都算唔錯。大快活最 新年報,截至08年3月底計,主席兼執董羅開揚舊年人工亦增加13.8%,跑贏通脹成倍,董事袍金連薪津花紅748.1萬銀,單係花紅已經多賺80萬 銀。羅開揚嘅薪酬增幅好唔好?搵個同行比一比就知道。

相比起競爭對手大家樂(341),羅開揚嘅薪酬增幅原來唔算多,截至08年3月底,大家樂主席兼執董 陳裕光嘅薪酬,就錄得近兩成升幅,同07年嘅729.8萬銀相比,多145.7萬至875.5萬銀。咁又難怪嘅,論盈利,大家樂比大快活多超過3 倍,08年度達4.2億銀,較舊年增長13.6%,陳裕光多人工亦正常不過。
PermaLink: https://articles.zkiz.com/?id=1522

華潤萬家稻香大快活巴黎咖啡店日本城 金融海嘯危中有機逆市擴充

2008-11-03  AppleDaily【本 報訊】金融海嘯殺到香港,摧毀零售業,金至尊、佑威、泰林及冬甩連鎖店Krispy Kreme短短半個月內先後清盤或倒閉,以千計打工仔加入失業大軍行列。雖然零售業飲食界叫苦連天,但有危亦有機,多家企業計劃逆市擴充,務求殺出一條血 路。它們均看準一項淡市有利條件:租金回落、店舖選擇多。

記者:龍婉嫻程俊華雷子樂

華潤創業旗下華潤萬家超市逆市在港擴張,今明兩年將拓展以年輕人及上班族為目標顧客的「Vango」便利店及「VOle」精品超市。

華 潤萬家(香港)董事助理總經理丁志偉表示,雖然金融海嘯影響香港消費市道,但可供選擇的店舖反而增加,業主在租金叫價及租約方面亦較有彈性,故華潤萬家在 港發展Vango及VOle的計劃不變,年底前Vango由七間增至十間,明年再開20間,每間店舖面積300至800平方呎。

大多打年輕人主意

年 底前在灣仔開設的首間VOle精品超市,面積逾萬呎,針對中高檔市場,該店將招聘逾50名員工。至於普通華潤萬家超市,將維持現時約117間分店。他表 示,Vango不走特許經營路線,店內五成產品與華潤萬家超市相同,可降低營運成本。為吸引年輕人及上班族,其餘一半貨品主要是日本特色的專賣食品、文具 及寵物用品,並設小食專櫃。一眾走平民路線的食肆亦計劃趁金融海嘯襲港,擴充吸客。稻香雖然在港已有12個品牌合共65間中式食肆,但昨日宣佈創立全新火 鍋品牌HIPOT,首家新店上周五已開張,總投資600萬元。HIPOT講明打年輕人主意,公司發言人稱,集團對飲食業前景仍樂觀,新品牌同樣走抵食路 線,採用一人一鍋模式,店內免茶芥免加一,同時甜品飲品任食任飲。HIPOT新店位於觀塘apm商場,昨日晚市坐無虛席,全場177個座位爆滿。昨晚8時 30分記者現場所見,該店門外仍有食客排隊等候入座。該店經理李風華表示,一人一鍋可吸引更多年輕人光顧,開創新菜式可令價錢便宜些。他又說,該店開業三 天,生意都不錯,昨日生意額比平時多兩成。一對年輕男女食客昨首次光顧該店,其中李先生說:「行街見到間舖(火鍋)宣傳一人一鍋,覺得價錢幾合理、又幾衞 生,咪入嚟試吓,食落都覺得幾好、幾滿意。」

開源節流不會裁員

經營快餐業務的大快活,集團高層上周開會討論最新發展形勢,初 步結論是趁樓價與租金回落,物色好地點開新舖,「管理層會理性吼平舖,唔會貪平,去租啲地點差舖位。」董事又認為,逆境求生之道,不外乎開源及節流,但強 調不會裁員。擁有12間分店的麗都酒樓集團主席顏進,亦決定逆市開舖。集團已租用青衣長發邨領匯一個1.3萬方呎舖位,計劃12月開業,屆時增聘140名 員工,新店主打大眾化價錢的潮州菜,希望逆市殺出血路,「有危就有機,屋邨客人均消費一向較穩定,更容易掌握盤數。」他又透露,近期傾談租約,業主叫價確 實「冇以前企得咁硬」,若租金續下滑,09年底前可能再開五間分店。巴黎咖啡店總裁林博聰昨向本報表示,預計農曆新年後,有多間零售店及食肆倒閉,舖租有 望下調三成。他最近已選定兩個心水地區,「租一回落,就即刻擴充。」他說,高地價、高租金主宰小企業興衰,以他為例,03年窺準租金回落,一度開設20家 分店。06年租約陸續到期,業主狂加租,分店收縮至十間。「冇辦法,喺香港做小生意,唔敢諗長遠,最多都係睇到未來幾年前景」。全港約有200家分店的日 本城,曾在03年沙士時逆市招攬人才,今次金融海嘯下依然磨拳擦掌,繼續物色舖位計劃擴充,新近在旺角廣東道及黃大仙中心開舖,在聖誕節前集團會再多開五 家分店。日本城的管理層認為,旺市租金搶貴,難找合適商舖,但現階段租金下調,並相信農曆年後有更多舖位選擇,是謀求發展的好機會。

租金尚有下調空間

中 文大學財務學理學碩士課程主任蘇偉文表示,經濟環境轉差,有利快餐店、茶餐廳等平民食肆逆市擴充業務,「呢個時候開業,一來可以同業主傾長啲免租期;二來 份租約可傾長啲;三來租金有得減。」他估計,店舖租金尚有20%下調空間,「吉舖」選擇亦越來越多,但他提醒企業擴充時,始終要諗過度過,「唔通呢個時候 仲開魚翅酒家咩!」
PermaLink: https://articles.zkiz.com/?id=3033

業績公佈附送同行比拼表 中環在線:陳裕光奇招踩大快活 李華華

2008-12-10  AppleDaily


 

大 家樂(341)中期業績盈利保持雙位數增長,兼且派特別息慶祝40周年誌慶,真係可喜可賀。不過唔知有心定無意,睇到同係由羅氏宗親建立嘅大快活 (052),早兩個禮拜前派嘅成績表,盈利倒退兼削減派息,樂記噚日喺記者會,就專登派咗張「同業對比」嘅powerpoint,將兩間公司嘅中期業績做 比較,仲抵死到用螢光筆highlight埋活記盈利及股息倒退畀記者睇。樂記主席陳裕光解釋,咁做只不過畀大家有個更好嘅「參考」,咁華華只好代人家講 句「多謝晒」。

基金經理都幫襯

講番香江經濟,魷魚香最重嘅金融界,家陣人心惶惶,樂記主席話時移世易,好多基金經理由以前去 酒店食飯,轉咗嚟幫襯快餐店;至於打工仔就捱住肚餓等到下午茶時段先食中午飯,或者唔加錢轉餐飲,攞杯熱滾水算數。不過,快餐業晚市確係差咗,所以樂記已 經將優惠時段提早啲,由夜晚8點半推前到8點,吸納多啲客仔。

敵我分明讚拍檔

經濟衰極,快餐業仲有生意做,不過啲高檔食肆就 冇咁好彩,陳裕光話,佢哋執笠嘅數目多到得人驚,仲衰過沙士時期。講到呢度,佢又趁機讚埋策略夥伴稻香(573)係「火鍋專家」、「單價合理」喎,樂記將 朋友同敵人真係分得好清楚。李華華[email protected]

同業對比

大快活中國分店:12  

其餘分店:92

營業額:$742 million

除稅後溢利:$46 million

營業額增長:+6%

溢利增長:《-11%》

股息:《-47%》

大家樂中國分店:15

其餘分店:536

營業額:$2,342 million《3X》

除稅後溢利:$200 million《4X》

營業額增長:+12%

溢利增長:+15%

股息:+100%
PermaLink: https://articles.zkiz.com/?id=4504

歐亞造數爆煲 上市搞手風流快活

2002-10-24  NextMagazine





已 停牌三星期的民企歐亞農業,簡直是美國安隆(Enron)醜聞的香港翻版。中國證監會踢爆歐亞造假賬,將一億營業額作大至二十一億,「吹水」廿倍。另外, 歐亞涉嫌非法挪用三千多畝農地,改作「荷蘭村」的地產項目,正被大陸當局調查。而原本想借助北韓新義州特首一職甩身的歐亞主席楊斌,最終亦在瀋陽被軟禁。 很明顯,歐亞是一個騙局!歐亞去年七月來港上市,在背後策劃的總司令是工商東亞前總裁李國榮,而該行前研究部主管趙永初則落力「唱好」歐亞。有份幫歐亞上 市,負責核數的安達信,在審查賬目時竟然無發覺有問題;法律顧問史密夫律師事務所亦核實所有歐亞文件,歐亞順利掛牌,「掠水」近六億。這些歐亞上市幕後的 搞手,或多或少需要負上責任,然而負責監管金融市場的證監會,以至財經事務局局長馬時亨,卻「闊佬懶理」,一干人等繼續風流快活!歐亞自月初以來一直停 牌,手持歐亞的小股民也不知如何自處,他們手上的股份由去年高峰期每股兩元八角,跌至停牌前三毫八,大跌八成六。歐亞爆煲,全因中國證監揭發歐亞造數,但 後知後覺的香港證監,卻遲遲未積極跟進。上星期,證監終於有所行動,派人前往歐亞的保薦人工商東亞調查。「證監本來上去做一年一度的年檢,但今次一行幾人 都係負責歐亞單嘢嘅,大家都知乜事啦!證監上到去周圍巡吓,攞番啲資料睇,其實最有關係嘅人,已經離開咗工商東亞!」一證券界人士說。工商東亞去年負責替 歐亞上市,是歐亞的保薦人,責無旁貸,而現已離職的前總裁李國榮,更是協助歐亞上市的靈魂人物。

民企之父幕後統籌「喺上市前我哋完全無見過 楊斌,都係跟Meocre Li(李國榮)開會,而且係佢周圍去搵我哋啲細行話:『幫幫手包銷啲,呢隻掂㗎!』」一位有份參與歐亞承銷的投資銀行家說。現年四十六歲的李國榮,被市場 譽為「民企之父」,皆因在他領導下,工商東亞過去幾年多番替民企集資,包括首批在創業板掛牌的浩倫,去年上市的超大現代農業及新奧燃氣等,令李國榮近兩年 在融資界聲名大噪。然而部分投資銀行家卻不以為然:「什麼『民企之父』,佢之所以做咁多民企客,都係因為工商東亞的母公司工商銀行嘅關係,有好多民企好似 歐亞咁,其實係工商銀行嘅債仔,所以要工商東亞替佢上市集資。」在金融界打滾廿多年的李國榮,在加拿大亞伯特省大學商學院一級榮譽畢業,其後他加入安達信 做會計師,九三年已升為香港及中國業務的主管合夥人,是安達信中港地區的最高揸弗人。九五年三月,李國榮離開任職了十五年的安達信,轉投英資的西敏證券, 出任企業融資總裁,由會計師轉為投資銀行家,但未見有突出成績。其後亞洲爆發金融風暴,西敏銀行在九八年三月撤出香港。

套現一億「散水」為 力挽狂瀾,李國榮於是穿針引線,找中國工商銀行入股六成,另又說服李國寶,獲東亞銀行入股兩成五,接手西敏證券成立工商東亞。李國榮亦向銀行借錢,與另外 兩名前西敏證券高層,合資二千多萬,持股量為餘下的一成五,李則出任工商東亞的總裁。除民企外,工商東亞專幫中小型企業融資。工商東亞於去年中計劃重組, 希望引入外資大行做策略性股東。李國榮知道後,意興闌珊,上年十月請辭,更將手上的一成五股份賣回給工商銀行,套現近一億。離職後,李國榮泊得另一大碼 頭,與賭王何鴻燊身邊紅人,即澳門誠興銀行行政總裁禤永明,合資一億二千萬,成立冠聯金融,另起爐灶。今天,李國榮租住摩星嶺道二千呎大宅,望無敵大海 景,揸去年才落地的保時捷出入,已懶理跌到一仆一碌的歐亞。對於有指他應就歐亞事件負責,李國榮早前接受內地報章《廿一世紀經濟報導》時,竟然推三推四: 「在整個做保薦的過程中,請了三家律師樓做過調查,還有安達信的會計審計,要錯的話除非大家都錯了!」本刊記者欲就此事詢問李國榮,其秘書以繁忙理由拒 絕。記者到李家登門造訪,表明來意,應門的女士惡言相向,將記者的卡片掟回。

研究主管狂捧歐亞李國榮做總司令,統籌歐亞上市事宜,而出面向 投資者推介的,是工商東亞前研究部主管趙永初。歐亞上市前,趙負責到歐洲做路演(road show),四出向基金紀理落嘴頭。歐亞以每股一元四角八仙招股,上市初期亦一直徘徊在招股價左右。不久,趙永初便開始發功。他在十一月發出三份的研究報 告力捧歐亞,建議強烈買入(strong buy)。研究報告中大肆吹噓歐亞栽植蘭花的細胞繁植技術,既先進又低成本,又講歐亞前景十分秀麗。當時歐亞股價約一元八角,趙永初的研究報告指,歐亞的 目標價可高至二元五角四,使股民憧憬有四成的上升空間。但研究報告卻沒提及,歐亞的技術在世界各地十分普遍,而且其他花農的邊際利潤只一成左右,不及歐亞 般出奇地高達五成。趙永初在今年二月更索性過檔歐亞,做企劃及發展部副總裁,不斷接見分析員、基金經理等,幫歐亞與投資者打好關係。他上任不久,不利楊斌 的傳聞不斷傳出,趙永初忙着四出向傳媒及證監等解畫。至楊斌月初被軟禁,高層紛紛請辭,趙永初又頂硬上出任代行政總裁。趙的友人表示:「唉!佢喺九七年五 月,以近七百萬買入深井浪翠園八百呎單位,現市值二百萬左右,已變成負資產,要積極搵錢供樓,唯有留在歐亞,都叫有糧出。」趙永初在工商東亞大力吹捧歐 亞,其後過檔歐亞做高層,有利益衝突之嫌。記者上週六就此事詢問趙永初,趙一見記者,便垂頭喪氣不願置評。

核數師律師齊瞌眼瞓當初歐亞能順 利上市,除了包銷的工商東亞功勞外,另外還有兩大「幫手」,安達信會計師行及法律顧問史密夫律師事務所。安達信負責審核歐亞招股書上的賬目紀錄,歐亞被踢 爆造數,安達信不可能當無事發生。然而香港安達信因美國總公司Enron事件,而跟另一會計師行羅兵咸合併。一旦安達信被指失職,需要作出重大賠償,可能 會連累羅兵咸,但羅兵咸拒絕就此回覆。歐亞今日被指非法挪用土地,當日負責核實所有文件的法律顧問史密夫律師事務所應「孭飛」,然而史密夫律師事務所其中 一位高級合夥人歐達禮,現為證監會企業融資部執行董事,有利益衝突之嫌。但證監會只回覆,歐達禮之前沒有涉及歐亞的工作,現在無參與調查歐亞。至於會否調 查歐達禮,證監會例牌以不就個別人士評論而拒絕回應。歐達禮於八三年在英國劍橋取得一級榮譽法律碩士學位後,翌年加入史密夫,其後於八九年來香港任職,九 四年升任合夥人,直至去年歐亞上市仍擔當此職位。歐達禮去年十月過檔證監,出任企業融資部董事。

非執董聞風先遁另外,歐亞的非執行董事,其 他有份寫報告唱好的證券行,間接造就了歐亞醜聞。當初歐亞上市,不少人認為泊得一個好碼頭,其中會計師出身的黃漢森,在歐亞上市時出任執行董事。黃漢森私 人開設公關公司溢星,溢星其後成為歐亞的公關。作為董事有責任監管公司的業務,黃漢森反而聞到勢色不對,今年四月轉為非執行董事,本月初更辭任,與歐亞劃 清關係。除此外,黃漢森亦是民企國中控股、創業板公司萬友消防的非執行董事。「唔知點解佢好鍾意做上市公司董事,或且方便傾生意啦!」一公關公司老闆說。 而當初有份唱好歐亞,還有著名的外資大行。縱使七月初傳出楊斌失踪的傳聞,大證券行摩根士丹利仍照向客戶建議增持歐亞,德意志銀行中國副總裁林戰亦同樣出 報告,叫人吸納歐亞。然而歐亞爆煲,他們又火速把歐亞剔出研究之列。

馬時亨唔理歐亞爆出造數醜聞,有關人士又鳥獸散,但證監會仍未向保薦人 採取任何懲罰行動,至於核數師及律師則不屬證監會所管,理應由掌管香港金融市場的財經事務局局長馬時亨處理,但他至今未曾講過半句。本刊在本週一致函馬局 長,問他會否把歐亞事件轉交商業罪案調查科,另外會否着令證監會成立獨立小組調查歐達禮,該局發言人只這樣回應;「就個別事件的前線監管或調查工作,政府 不會作出評論……至於有關歐達禮先生的查詢,我們知悉證監會已採取適當措施……」洋洋數百字,講了等於無講。「我估計今次證監極其量會譴責李國榮,至於做 保薦人的工商東亞,我諗證監為怕得罪工商銀行,所以唔會做啲乜,至於其他人都唔使講,香港金融界無獨立人士可言!」證券界人士感慨地說。



PermaLink: https://articles.zkiz.com/?id=6630

零息世界 大快活穩中有增長 黃國英 (Alex Wong)


大家樂(341)絕對是本地中小型股的經典,過去5年,連股息回報率達156%,而同期恒指及匯豐(5)的回報率為68%及負21%。被策封為「十年股」,並非浪得虛名。「唉,如果以前識得買嚟長揸就好啦」,揼心口,呻到落葉,實屬例牌動作。但原來同期有另一隻股票,回報率多大家樂30個百分點,現價仍有近6%股息率,究竟係邊隻?

無太大「念」: 大快活(52)

人的觀念,一旦形成,就很難改變。可口可樂和百事可樂, 永遠都係可口可樂較受歡迎。無線和亞視,就算做同一個節目,D人都會睇無線,唔睇亞視。揸恒生(11)就無大志,揸匯豐就會發達,但揸恒生5年,有得贏近3成。

http://hk.myblog.yahoo.com/alexwongkwokying/article?mid=13234


先入為主,很多人對大快活的印象,仍然停留在十幾年前, 仲用緊小丑logo嗰個年代。服務態度、店面裝潢和食物質素,對比現在,落後頗多。到03年新logo、換裝修、改菜單,逐步「升呢」,立桿見影,盈利拋物線上升:04年賺三百萬,進步到08年賺一億,升近三十倍。

但往績好,不等於將來一定得。大快活的營運,理論上有三 大隱憂:第一,食材成本上升;第二,租金上調;第三,最低工資立法。為了解實情,我們早前拜訪了公司管理層。

食品價格急升,公司在08年已見識過,對策有三:首先,透過全球採購,以節省支出,如內地豬肉價貴,則取巴西、美國;其次是靈活調動餐牌選項, 成本一增,即換出場,改以後備入替。據管理層表示,沒有任何一項食材佔成本一成以上,換句話說,就算部份食品飛漲,亦不致受創太深。此外,大快活去年年底 於大埔的中央廚房啟用,統一處理、輸送食材,減低浪費的情況,並節省店面人手,成本自然下降。中央廚房亦負責研發菜式,以便經常推陳出新,順道加價。

租金高企,是零售、飲食業的大敵,管理層亦直認不諱。大 快活每年約有三分之一的舖位會重新議租。為達至雙贏局面,公司將部份租約轉為「固定租金+營業額分成」的模式,減輕租金作為固定成本的壓力。當然生意好 時,租金會較高,但硬幣的另一面,是一旦出現沙士式絕世天劫,可減低傷害性。利害相衡,除笨有精。

最低工資立法會增加公司成本,但幅度未必如想像中高。大 快活在港聘請的三千多人中,因新法例而需加薪只有數百。據公司自行評估,影響未算嚴重。公司今年計劃在國內增快開新店的步伐,如能成功執行,會是業績的x-factor

零息世界,食息一族苦無出路,大快活可堪考慮。同事家 人,行落銀行,為了多賺少許利息,被人氹落叠,買高收益債劵基金,現在震過貓王,日日擔心老本安危。每日中環各大銀行,迷債和ELN苦主,打鑼打鼓奏哀樂,為的是討回血汗錢。花時間研究一隻自己不一定買的收息股(因為買唔到size)為求幫金 融業,積點陰德。
PermaLink: https://articles.zkiz.com/?id=15999

中環在線:大快活老闆自己加薪23% 李華華

2010-7-30  AD





 

早排牙痛咁聲話 最低工資定喺33蚊就要發盈警嘅大家樂(341)主席陳裕光,有人工加,佢對手大快活(052)噚日出年報,主席羅開揚(圖)上年人工750萬,比前年升 23%,主要係多咗134萬花紅。CEO陳志成仲犀利,加人工77%去到305萬,花紅由25萬去到114萬!又話最低工資超過30蚊可能炒人兼執笠,唔 係好難同股東交代?咁老陳同老羅又諗住點同股東交代佢兩位嘅加薪呢?



PermaLink: https://articles.zkiz.com/?id=17063

處理最低工資大家樂失人心大快活做足100分 李華華




2010-11-26  AD


 

最低工資28蚊雖然已經一錘定音,但係有大家樂(341)呢個咁經典嘅前車畀大家作鑑,做僱主嘅同人講到呢個咁敏感嘅課題時,都會講得小心好多!

好似噚日派成績表嘅大快活(052)咁,主席羅開揚同CEO陳志成就非常識時務,未等大家問就自動投案講最低工資,陳生話,飯鐘會繼續一直計錢,兼夾繼續提供免費飯畀員工食……講得咁漂亮,直頭做到大家樂嗰句口號:「做足100分」啦!呢仗抵佢贏!

除咗保證飯鐘錢一如既往,羅生同陳生都異口同聲話就算實行最低工資,都會繼續保持加薪,仲會每個月檢討,出年3月財政年度完結嗰陣,加薪幅度平均拉埋都有3至5個巴仙,個range貼番個market,都算大家快活喇!

主席微服巡舖測食物質素

講到裁員,佢兩個就隻字不提,只強調會提升效率。陳生舉例,好似早餐同午餐時段經常逼爆,就會諗計點樣運作暢順啲,如果o依家做100個客,就想盡辦法做夠120個客……好一貫嘅CEO答法。

至於羅生嘛,華華眼中佢應該係集團首席QC,負責監督食品質素,得閒就微服出巡突襲試食,最鍾意係試招牌菜厚切豬扒飯同粟米肉粒飯,味道如何?「梗係好味啦!」羅生,唔該下次試吓炸雞髀啦,華華幫你巡過舖,啲炸雞髀越來越細隻喎!

李華華

[email protected]


PermaLink: https://articles.zkiz.com/?id=19696

大快活 vs 大家樂 vs 味千 PARTIPRAL 派得好

http://partipral-hk.blogspot.com/2011/01/vs-vs.html

初買入大快活既原因係睇中佢中國業務既發展潛力同埋貪佢夠平, 但響牛市入面搵到平既股票唔易, 為左了解究竟佢係真係咁平抑或純粹係陷阱裝俾我踩, 今次將佢同其他兩間同業比較下. 快餐店要做得成功最重要在於標準化, 夠標準就能夠無限複製, 只要你有錢就得, 所以呢3間都符合呢個特點, 刻意唔加埋稻香係因為佢唔係快餐.




















味千6.7億固定資產可做20億生意而生5.4億現金流, 折舊率15%左右合理, 存貨控制能力亦強. 固定資產係07年既兩倍而營業額同現金流都有同步增長. 現金數目比起07年無大變化而且一直近0負債, 即係投資落固定資產既資金完全來自保留盈利而且投資非常有效, 公司處大力發展時期.

大家樂14億固定資產可做49億生意而生8億現金流, 折舊率13%左右合理, 存貨控制能力亦強. 固定資產比07年多23%而營業額同現金流亦有同步增長. 現金數目比起07年亦同步增加3成, 一直處於0負債, 即係投資落固定資產既資金完全來自保留盈利而且投資有效, 但發展步伐較慢, 可能同管理層作風保守或市場逐漸飽和有關.

大快活4億固定資產可做16億生意而生2億現金流, 折舊率15%左右合理, 存貨控制能力亦強但營運效率明顯較前兩者低, 固定資產比07年多3成同時營業額只增長9%, 現金流只增長2成. 現金數目比起07年增加3成而一直近0負債, 即係投資落固定資產既資金完全來自保留盈利但投資成效果未算明顯, 因此發展步伐緩慢.

流動比率來講味千最好而大快活最差, 已繳稅項顯示味千07同08年盈利接近而07年比06年增長一倍; 大家樂三年盈利穩步上揚; 大快活07同08年盈利接近而09年盈利倒退近6成, 反映大快活營運穩定性明顯不及前兩者.

本質上既比較就到此為止. 估值上味千市值162.5億對應6.7億固定資 + 17億現金, 比率6.8倍; 大家樂市值113億對應13.7億固定資產 + 9.7億現金, 比率4.8倍; 大快活市值13.8億對應4億固定資產 + 2.1億現金, 比率2.3倍. 味千最高估值正正反映緊佢既成長速度同質素; 大家樂雖然規模最大但因為增長力不及味千所以估值低3成; 而大快活無論營運效率以及增長力皆不及前兩者所以估值只及味千既3份1.

至於點為之平, 點為之貴, 選擇以高溢價去換高增長, 抑或以低溢價去換低增長, 就因人而異了.

PermaLink: https://articles.zkiz.com/?id=21685

大快活與最低工資 PARTIPRAL 派得好

http://partipral-hk.blogspot.com/2011/05/blog-post.html

我以為係舊聞黎, 做乜呢兩日又翻炒? 由於大家樂同大快活相似度極高, 雖然此文屬炒冷飯之作, 但都可以俾個機會大家探討下究竟最低工資對大家樂/大快活影響會有多大.

大家樂2009/2010全年員工人數/開支: 15,000 / 1,186,422,000
大快活2009/2010全年員工人數/開支: 4,400 / 424,155,000

用最粗略既計法, 大家樂員工平均每人每月賺 $6,600; 大快活員工平均每人每月賺 $8,000. 若以每月做28日, 每日做10個鍾, 時薪$28計, 實施最低工資制度下兩者每個員工每月薪金應該最起碼提升至$7,840.....

咦? 提升? 無錯, 大家樂要提升員工月薪至$7,840的話, 才能付合最低工資的要求, 總成本計會增加19%, 即由原本既11.8億提升至14億, 相差2.2億, 正正附合篇新聞入面大家樂主席陳裕光既說法!

而大快活又點呢? 原來根本大快活員工平均月薪早在最低工資要求之上! $8,000 vs $7,840! 新制度實施下, 對大快活既影響可能只係極微不足道!

呢個計算雖然係極粗略, 可能會有好多不足之處, 所以我唔敢講話100%準確, 但我估計實際上出現的誤差唔會太大. 大家樂要因為最低工資而出盈警, 係合情合理的, 因為佢地原本員工開支的確不付合最低工資要求; 但大快活呢? 其實所受既影響只會非常輕微, 原因係佢地一早因為員工成本已經犧牲左部份盈利, 以往大快活俾投資者既形象係營運能力較差 (事實上亦可能係), 但依家反而因為咁, 將來因為最低工資而出現既盈利反差會較細.

當然, 我都唔相信最低工資既立法會永遠整死大家樂, 理據來自最簡單既日常觀察 - 小弟住果附近本來有一間大家樂 + 4間茶記, 但今年2月已經有兩間茶記同時執左笠, 而大家樂就繼續日日逼到爆. 最低工資既實施只會加快汰弱留強, 大企業響最低工資制度下既優勢長遠來講理論上只會越大. 生意做多左, COVER到基本開支 (員工成本) 既機會又大番, 即係最後又會將最低工資既影響完全消化.

自己重倉大快活, 最低工資的問題早已考慮而沒有憂慮, 所持理據亦源此以上數據及理念.今日借此機會再講多少少, 純粹係周日閒聊之作, 亦藉此提醒下大快活股東, 唔好因為最低工資問題而沽貨.

其實最低工資對大快活/大家樂既影響無人會今日先知, 投資市場係具前曕性的, 最低工資通過之日 (舊年7月?) 市場早已將此消息消化哂, 要等今日先講最低工資對兩者的影響其實會太後知後覺. 所有人都知既資訊, 價值幾乎等於零的道理就在於此.

PermaLink: https://articles.zkiz.com/?id=24892

業績簡評 - 大快活集團 (0052.HK) PARTIPRAL - ROAD TO FINANCIAL FREEDOM

http://partipral-hk.blogspot.com/2011/06/0052hk.html






















營業額同比升6.6%, 下半年又比上半年多5%左右, 只係毛利率開始見頂回落, 始終食材價格, 租金及工資皆上升會開始見到有影響, 但毛利率仍比上年下半年及過往平均好.

行政開支及銷售開支上下半年比較差異不大, 導致純利下半年出現重大倒退純粹因為下半年沒有更多的特殊收益, 若撇除此項目, 上下半年的經營溢利皆處相若水平.

自己比較重視既內地業績, 營業額下半年比上半年增加12%左右, 但溢利反而倒退逾1成. 雖然內地表現整體比上年好, 但增長力度明顯比想像中弱. 管理層話下年會將內地分店擴充至21間, 即增加5間, 似乎係見到內地業務開始穩定下來, 所以開始想進攻, 要知道以往5年大快活從未試過於內地一年增加多過兩間分店, 下年如果真係增加5間的話, 算係頗進取了.

管理層亦都有提到最低工資的影響, 似乎看法比想像中樂觀:

"於二零一一年五月生效的最低工資條例 無疑為我們帶來人力成本壓力。然而,本集團相信,引進靈活上班時間將有效提高生產力,並有利逐步緩和人力成本上漲對邊際利潤的影響。儘管快餐業挑戰重重, 但我們的目標仍會是謹慎地擴展及爭取達至可持續的同店增長。雖然營運開支及食物成本上漲會影響本集團的邊際利潤,但在香港及國內的優秀團隊支持下,我們仍 很樂觀有能力將其影響減輕。"


今年為慶祝成立20周年, 特別股息大增, 派息率由往年平均的60%提升至73%, 可以預期的是肯定下年會回落. 估值方面以核心盈利 1.08億計, 現價 $11.06 P/E約13倍, 估值不貴但亦不算便宜. 現時要買, 純粹係押注在內地業務上.

由於時間異常緊迫, 詳細分析稍後追加.

PermaLink: https://articles.zkiz.com/?id=25986

Next Page

ZKIZ Archives @ 2019