中環在線：思捷獨董被翻舊賬 李華華
|
|
思 捷環球（330）日前出咗個通告，話舊年12月委任嘅獨立非執行董事Francesco Trapani，原來05年牽涉兩單官司。不過，各位股東唔使擔心，因為思捷講明兩單嘢都唔係針對個人，只係針對兩家意大利企業嘅董事局，更加唔係刑事訴 訟喎。今次披露，主要係新上市規則生效，要披露個別董事有冇違規紀錄。Trapani牽涉嘅官司，主要係意大利銀行Banca Nazionale未有遵守意大利央行嘅規則指引，而Trapani作為該行非執董，因而被判罰款。另一單係意大利監管機構就食品商Cirio公開發行證 券，而對Banca Nazionale展開訟訴，連累Trapani被罰款。通告表明，Trapani已為兩單官司畀咗行政罰款，但僅屬行政性質，絕對唔涉及對佢個人品行不 誠實或欺詐嘅指控。思捷董事會亦出聲撐佢，認為Trapani具備適宜擔任上市公司董事嘅個性、經驗同品格，直情係董事會嘅寶貴成員咁話！
|
Next Page