三對三接放學 劉曉彤怕仔女撞親
1 :
GS(14)@2017-04-04 08:59:24■劉曉彤（右）做了全職媽媽後，身形發胖，打扮也較樸素。讀者提供圖片
【爆相爆片】現年48歲無綫前藝人劉曉彤，出道時曾喺節目《歡樂今宵》扮嘢出位，以及03年演出劇集《西關大少》嘅周明鳳，較令觀眾有印象。不過劉曉彤演藝成績未見突出，喺04年就叠埋心水嫁嚴姓鞋業商人，婚後五年誕下一子兩女。
■劉曉彤日前帶着兩名工人出動，接三名子女放學。讀者提供圖片
工人姐姐殿後
《蘋果》讀者彭小姐日前透過「爆相爆片」，分享喺大坑摩頓台附近撞見劉曉彤湊仔女放學。當日傍晚6點半左右，劉曉彤帶住兩名工人，大陣仗接三名着校服嘅小朋友放學，未見老公現身。做全職媽媽嘅劉曉彤，素顏兼身形發福，打扮比出鏡時樸素，唯一最易認係佢個髮型。彭小姐話：「佢都好照顧啲小朋友，見到有架手推垃圾車行緊埋嚟，佢即叫住啲小朋友停一停，擔心佢哋撞親，行嘅時候都係媽咪行先，兩位工人姐姐殿後，可能怕小朋友走失。」劉曉彤大仔已經10歲，生得幾高大，可能書包比較重，工人姐姐就幫手孭，反而兩個女就自己孭書包，彭小姐話：「佢哋都好乖，沿途都聽唔到佢哋有扭計。」劉曉彤早年現身活動時，曾自認少少怪獸家長，會教小朋友自理能力。
來源:
http://hk.apple.nextmedia.com/entertainment/art/20170403/19978057