ZKIZ Archives


16歲做《童黨》家陣光頭叔小妖再拍戲:冇負擔先得

1 : GS(14)@2016-12-07 08:01:02

■小妖一名來自《童黨》的角色名,他原名則叫謝偉傑。



【《蘋果》專訪】在電影《逃學威龍》中,除周星馳跟鉸剪腳黃局長之外,最出位的是以「昇龍拳」打星爺的小妖,原名謝偉傑的他,16歲出道拍劉國昌執導的電影《童黨》,戲中「小妖」的名字就成為他日後行走娛樂圈的諢號。



■以半戲劇形式接受訪問,小妖笑言可以大過戲癮。

小妖謝偉傑2001年獨自回流香港後,曾做運輸、廚房等工作,現在他是位私人司機。

有位圈外女友的小妖,坦言暫時未有計劃結婚。


曾移居加國

在八、九十年代,小妖於多套電影惡形惡相、蝦蝦霸霸,戲中角色被放到現實中,他說:「遇到壞人就話打我一身,有個friend話『我阿媽叫我唔好同你玩』,最初接受唔到,有時打工都有難聽說話,乜做呢行呀?」先後跟周星馳、張家輝、郭富城等影帝合作的小妖,97年隨家人移民到加拿大後退出娛樂圈。最後頂不住當地苦悶生活,於01年回流返港,曾做過運輸、物流、廚師等行業,現時40多歲的小妖,替一對醫生夫婦擔任私人司機,住公屋有女朋友,暫未打算結婚。曾有人斟洽小妖拍攝電影,他笑言自己現有佛相,不輕言再投身影圈,他說:「而家有份工作唔想放棄,娛樂圈一定要後生,冇負擔先做到。如果畀嚿錢我拍,但之後咁點呀?又要再搵工。」小妖形容以前影圈是花碌碌世界,他說:「嗰陣真係有星探,成班僆仔casting,導演都好鍾意我,由冇人識(喺片場)杯都冇隻,做到有人識你。」



小妖坦言拍電影收入並不穩定,故有生活負擔的人不太適合。

當年小妖是被星探發掘而入行。


張曼玉最索

到今時今日小妖仍然要多謝星爺,他說:「真係多得星爺,個個都認到,佢講乜啲人都識笑啦!啲人見到我就實會哈哈兩聲啦!食粉擦啦!同星爺合作冇走雞。」而他跟劉德華等合作時,在片場會聊自己最愛的電單車。圈中最索女演員他選張曼玉:「佢拍《富貴吉祥》着皮褸駕電單車,真係一絕。本身已靚女,再着住皮褸冇得輸。」與圈中人差不多已沒聯絡,早前跟《童黨》的導演劉國昌、副導演和演員梁十一等打邊爐,他說:「30年冇見,我冇晒頭髮佢哋仲認到我。」採訪:王連連攝影:仇志中


■《逃學威龍》中,小妖跟星爺有不少對手戲。劇照

■《記得……香蕉成熟時》跟鄧一君合作。劇照

■小妖第一部演出電影,就是拍劉國昌執導的《童黨》。劇照


於電影《記得...香蕉成熟時》內扮演鄧一君的同學teddy。

小妖於電影《壯志雄心》中,與張家輝、陳國邦等扮演警察少年。

在電影《童黨之街頭霸王》內,小妖跟郭富城有不少對手戲。



來源: http://hk.apple.nextmedia.com/entertainment/art/20161207/19857195
PermaLink: https://articles.zkiz.com/?id=318627

Next Page

ZKIZ Archives @ 2019