名人有喜趙世曾反對婚事趙式芝做人難
|
|
趙世曾女兒趙式芝，上週四與從事
鐘錶貿易和豪華產品零售的冠亞商業（104）、波爾錶太子女楊如芯，在北京高調宣佈已在巴黎結婚，成為社交界首對公開的同性couple，但趙世曾竟在本
週一發聲明指「女兒趙式芝從未與任何人結婚」，面對父親的激動反應，趙式芝平靜地說：「喺適當時候會回應（即係幾時？）會祈禱問嚇個天。」父發聲明
雖然趙式芝（Gigi）飛巴黎結婚前已知會父母，但趙世曾顯然未能接受，當知道女兒與楊如芯（Sean）在北京公開關係，竟然話：「黐線，冇咁嘅事。」本
週一更發聲明到各傳媒澄清女兒未婚，「我問咗個女係謠傳，所以要澄清嚇。」那他有沒有見過Sean？「我唔知佢係邊個朋友。」他還說要為女兒招親，「當然
要搵個好女婿俾佢，Gigi有才華有智慧，大家幫嚇佢啦！」趙式芝得悉父親此舉體諒地說：「唔講啦，喺適當時候先回應。」至於與父親的關係會否因此決裂？
她肯定話：「我同爹哋感情好好噃。」Sean亦平和地說：「我尊重佢（趙世曾）個人意見，但唔代表我哋嘅立場，亦唔會影響我哋心情。」
其實Sean決定結婚，是想給伴侶肯定和名分，「我哋一齊七年，係要做啲嘢，我覺得係一種commitment，係一段長遠嘅關係。」於是Sean在去年
尾密謀驚喜結婚大計，「我請咗個wedding
planner喺英國、法國同美國搵church正式行禮，巴黎嗰間church喺鐵塔附近十分鐘車程，我覺得喺嗰度行婚禮好浪漫。」Sean最愛趙式芝
為人善良，「佢呢個人諗嘢其實好簡單，心地又好。」Sean邀請神父主婚，趙式芝沒有穿婚紗，簡單地著了條米色裙，現場只有十多名親友見證這重要時刻，
「我細佬妹同幾個好朋友都有飛過去，爹哋媽咪都想嚟，但媽咪身體唔係咁方便。」問Sean會否正式去拜會趙世曾？「暫時唔會，順其自然，俾啲時間大家，最
緊要阿Gi開心。」趙式芝亦無奈說：「爹哋媽咪唔鍾意我特別講出嚟，不過我真係好開心，俾啲時間其他人，香港係保守啲。」
幸而Sean的父母完全支持她的決定，「屋企人覺得多咗個女，但佢哋最開心，係有個人會終生陪伴住我。」問Sean婚後生活、感受可有不同？她好肯定地
說：「真係唔同咗，結婚之後兩個人close咗，大家都覺得個心好定，100% settle
down，願意為呢個家完全付出，阿Gi同我屋企真正變成一家人。」 已為人母
小朋友可令一個家庭更加圓滿，同性夫婦始終有所欠，會遺憾嗎？「唔會，最緊要我哋覺得充實，好多family結婚都唔要小朋友啦。」雖然二人已經舉行婚
禮，但同性通婚在法國仍未合法化，所以她們的婚禮未具法律效力，只有精神和形式上的意義，Sean說將來可能會在容許同性夫婦領養兒童的國家領養小朋友，
「但依家唔會諗住，呢啲係好長遠嘅事。」
查實Sean和趙式芝兩年前已為人母，她們共同養了兩隻約瑟犬狗仔、狗女——Bubbles和Beluga，待牠們有如子女般愛錫；但小狗女Beluga
兩個多月前意外逝世，Sean至今仍未能釋懷，「嗰陣我哋有一仔一女，一家四口覺得好圓滿，Beluga走咗我哋真係好傷心。」為了紀念細女，她們成立了
Beluga Spirit
Society（魚子開心之家）慈善基金，以愛女的名義籌款助人，「今個禮拜六我同阿Gi就會以呢個基金名義，同美國會、基督教關懷無家者協會，喺深水埗
做義工派飯。」為免囝囝Bubbles寂寞，她們最近加入了新的家庭成員——約瑟狗女Bordeaux，再次湊成一個「好」字，「但Beluga永遠都會
留喺我哋心裡面。」 愛難認 近年愈來愈多名人藝人被發現同性戀事，但極少公開肯定對方。 何超瓊俞琤這對「難得的知己」於一○年始單獨約會吃飯過夜，今年初更首次被斷正拖手遊巴黎。 關菊英周偉利跟黎小田離婚多年的關菊英於○七年轉投已故「公仔麵大王」周文軒姪女周偉利（Willy）懷抱，今年五月傳二人在英國結婚，菊姐立即否認，但卻公開說：「視她（Willy）為終身伴侶。」 袁潔瑩阮嘉欣袁潔瑩○五年與榮文蔚姑仔阮嘉欣相識後，經常糖黐豆出席公開場合，但問到二人關係卻很避忌，表示：「唔介意，但最好唔好講。」 |
宋熙年約姊妹食飯公佈婚事陳智燊驚喜求婚 得咗
1 :
GS(14)@2015-08-10 08:31:48■Jason即日來回飛悉尼，送上驚喜求婚予宋熙年，令她畢生難忘。互聯網圖片
近日娛樂圈喜事一單接一單，被喻為新一代筍盤的陳智燊（Jason）前晚在Instagram宣佈7.21在澳洲悉尼向女友宋熙年（Sarah）求婚成功；前港男黃長發前日亦與捷克籍模特兒女友Zuzana在捷克布拉格舉行婚禮，大哥黃長興即送現金作賀禮。昨日30歲生日的宋熙年，前晚約會一班好姊妹食飯兼宣佈喜訊，胡蓓蔚、張曦雯等輪流在網上貼相及送祝福。Jason前晚在電話中透露，自己即日來回悉尼送驚喜，在宋熙年父母見證下跪地送花及戒指求婚，當天生日的宋爸爸笑到見牙唔見眼，一對戀人相擁而哭。宋熙年昨亦透過WhatsApp回覆：「好意外，非常難忘同感動，hard to describe in words！」
■宋熙年早前返澳洲跟爸爸慶生，Jason突然現身求婚。互聯網圖片
■眾好姊妹出席宋熙年生日飯局，Jason之後現身埋單。互聯網圖片
■Jason昨晚捧住一箱紅酒去上環出席新劇煞科宴。DV圖片
■Jason春風滿面，獲高海寧恭喜求婚成功。
Jason：我好鍾意小朋友
Jason、高海寧昨晚捧住一箱紅酒去上環出席新劇煞科宴，他笑說：「孝敬吓啲同事。」Jason被問送幾多卡求婚戒指？他大賣關子：「唔講嘞，不過係自己設計。」Jason自言為給女友驚喜花盡心思，問到Sarah爸爸是否好滿意？他笑說：「咁佢生日，我又咁錫佢個女，成件事大家開心，我哋都覺得好perfect。」計劃幾時生BB？他說：「原本諗住二人世界先，之後努力造人，但唔知實質幾時，我有四兄弟姊妹好熱鬧，我都好鍾意小朋友，三、四個都OK。」
■黃長發與捷克籍女友Zuzana前日在布拉格拉埋天窗。互聯網圖片
前晚有份出席Ladies Night派對的陳爽，大讚Jason好識做：「Sarah係約埋幾班friend一齊慶祝，全班都係女仔，但Jason好gentleman，最尾出現幫大家埋咗張單。」可有催二人快生BB？她笑說：「Jason對小朋友好得，抱上手BB好快就瞓着，係典型好爸爸。」採訪：嵐山、黃曉妍攝影：陳慧安
來源:
http://hk.apple.nextmedia.com/entertainment/art/20150810/19249481
《蘋果》溫哥華直擊 天台餐廳擺酒賞靚景鍾嘉欣愛巢曝光 家姐張羅婚事
1 :
GS(14)@2016-02-28 16:32:56【4,000呎大宅】■Jeremy現居於溫哥華一幢4,000呎的豪宅，市值1,600萬港元。記者梁繼光溫哥華傳真
【嘉欣結婚了】31歲的鍾嘉欣去年底秘嫁脊醫Jeremy，二人將於今日在溫哥華私人俱樂部The Arbutus Club補擺喜酒，有指鍾嘉欣會在婚宴宣佈陀B喜訊。本報記者昨日在溫哥華目擊鍾嘉欣家姐到Jeremy大宅，為妹妹的婚禮作最後準備，而有指Jeremy大宅將是二人婚後的住所。前晚鍾嘉欣於自爆婚訊後現真身，與「處女黨」姊妹飯敍，素顏嘟嘴，盡顯升格人妻的輕鬆心情。
去年鍾嘉欣於聖誕節秘嫁比她年長13載、無綫前主席梁乃鵬的脊醫姪仔Jeremy，有指她奉子成婚，已懷孕5個月，可謂雙喜臨門。一對新人於香港時間今日凌晨（即溫哥華27日）在溫哥華補擺婚宴。本報記者昨日走訪溫哥華私人高級俱樂部The Arbutus Club，發現該處的保安森嚴，見記者即上前查問身份，當得知不是會員後，更阻止記者入內，又否認今日會有婚禮在該處舉行，不過據可靠消息透露，The Arbutus Club正是鍾嘉欣舉行婚禮的地點。鍾嘉欣將筵開6至8席招呼約100位親友，包括雙方父母及至親好友，「處女黨」好姊妹李亞男、岑麗香、王君馨、苟芸慧及經理人等，而她更會在婚宴上宣佈陀猴B的喜訊。
【最新圖片】【胞姊奔波】■昨早鍾嘉欣家姐捧着三盒馬卡龍到Jeremy大屋，為妹妹的婚宴奔波。記者梁繼光溫哥華傳真
【最新圖片】【入屋謹慎】■鍾嘉欣家姐進入大屋時非常謹慎，免婚宴細節曝光。記者黃曉程溫哥華傳真
【今日行禮】■鍾嘉欣上年聖誕節已秘嫁成為梁太，今日凌晨會在溫哥華與老公Jeremy舉行婚宴。資料圖片
■有指鍾嘉欣今日將宣佈為老公Jeremy陀B喜訊。資料圖片
入住1600萬豪宅
婚宴前夕，昨日早上約11時，本報記者目擊鍾嘉欣胞姊抵達Jeremy住所，她手持三盒紅色及白色的馬卡龍甜點，按了門鐘近3分鐘才有人開門。鍾嘉欣家姐逗留4個小時後離開，相信她負責為一對新人的婚宴奔波作最後準備。而Jeremy寓所屬豪宅地段，面積4,000呎，約值1,600萬港元，該豪華大宅將是二人婚後的定居所。自鍾嘉欣婚訊被踢爆後，她只曾在微博及facebook更新近況，包括與Jeremy的甜密婚照及交代已嫁心聲，昨日她亦有在fb貼了一張《華麗轉身》的婚紗劇照。成為「梁太」的鍾嘉欣終於現真身，好姊妹王君馨在Instagram貼上一張與鍾嘉欣及岑麗香的照片，升格為人妻的鍾嘉欣一臉素顏，與好姊妹齊齊嘟嘴賣萌，至於苟芸慧昨晚亦貼食物照片上Ig，感謝李亞男母親為她下廚。
■王君馨前日貼上與鍾嘉欣及岑麗香的嘆茶相。微博圖片
■鍾嘉欣姊妹團之一的李亞男昨在微博貼短片，大讚老公王祖藍完美。微博圖片
■鍾嘉欣今日將在溫哥華The Arbutus Club舉行婚宴。記者黃曉程溫哥華傳真
攞埋視后先隱退
鍾嘉欣為今日的婚宴親自作曲、王祖藍填詞的《我結婚了》，唱出她對口中「黑馬」Jeremy的心聲，昨日有報道指鍾嘉欣是透過胞姊認識Jeremy，兩人見面兩、三次後已認定對方，而Jeremy於去年8月向她求婚，在父母及牧師見證下於聖誕節行禮。由於Jeremy家底條件優厚，有指他希望鍾嘉欣淡出幕前，不過入行12年的鍾嘉欣對「視后」仍有憧憬，會繼續拍劇及出碟的工作，希望能完成心願後才隱退，據鍾嘉欣好友表示，鍾嘉欣在大學時修讀兒童教育系，故有興趣搞教育生意。採訪、攝影：梁繼光、黃曉程
來源:
http://hk.apple.nextmedia.com/entertainment/art/20160228/19508658
獨家直擊年底 娶王菲謝霆 鋒闔家秘密傾婚事
1 :
GS(14)@2016-03-16 15:37:042016-03-09 EW
謝霆鋒和王菲自前年「世紀復合」後，多次被拍得出雙入對，感情甜蜜，就連老友劉嘉玲也直言：「佢哋現在望對方時，眼晴會發光」。
雖然近年不時傳出婚訊及懷孕消息，但有指王菲不想再嫁第三次，所以三度拒絕霆鋒求婚。不過愛定王菲的他，早前專誠隨母親狄波拉到中半山求拜四面佛，望娶得女友過門，消息指深受感動的王菲到印度向法王請示後，終首肯答允。連月趕拍《十二道鋒味3》的霆鋒，雖然工作緊密，但日前回港即叫齊雙親到酒店，秘密籌備年底的婚事。
死心不息
謝霆鋒與王菲分手十一年後「世紀復合」，由於各有過去，更懂相知相惜，愛得纏綿的他們，不時被拍得在北京和香港見面，二人結婚懷孕的消息不斷，有指霆鋒真心愛定王菲，私下已三度向女方求婚，但王菲自覺嫁三次有壓力，一直諸多顧忌。
不過死心不息的霆鋒，早前又向王菲提親，加上見前妻張栢芝大方公開祝福他們︰「從第一日佢哋一齊，我就講過會完全一百分之一百祝福。」霆鋒遂把心一橫，全力去馬要娶王菲，上月被拍得跟拉姑到中半山拜姻緣石下的四面佛，不但誠心參拜上香，還幫忙潔淨神壇及清理化寶爐。見霆鋒鍥而不捨，深受感動的王菲，到印度菩提迦耶法會期間，向法王尋求指引後，終於答允。
下機即到
王菲肯嫁，雖然連月趕拍浙江衛視真人騷《蜜蜂少女隊》及《十二道鋒味3》的霆鋒，忙過不停，但結婚要緊，也放下手頭的工作，日前向雙親分享喜訊及商討婚事安排，老竇謝賢（四哥）更專誠乘坐早機返港匯合。
當日中午，本刊所見，謝家上下逐一抵達中環的四季酒店，心急的謝賢率先到泳池旁的餐廳等候，拉姑和老公鬍鬚Kong緊至，最後是就快當新郎哥的霆鋒，他還帶同八歲的大仔Lucas（謝振軒）前來，惟獨阿妹謝婷婷因工作缺席。席間四哥先閒話家常，自爆︰「我今朝先啱啱落機。個細（指Quintus）呢？」繼而眾人你一言我一語，四哥跟拉姑不時逗乖孫說話，而Lucas主要以英語回應，有問有答，對爺爺嫲嫲十分有禮貌。見現場較多是外國遊客，謝家戒心明顯減少，他們才開始談及戲肉鋒菲結婚詳情，聲浪刻意收細，但仍不時傳出連綿不絕的歡呼和輕笑聲，對婚事十分期待。
男家讚好
據知婚期定在年底，因為仍在搏殺期的霆鋒，是年工作早已排得密密麻麻，既要拍戲拍廣告，還有真人騷節目等。所以計來計去，年底結婚較充裕，加上虔誠信佛的王菲，欲效法好友劉嘉玲到以藏傳佛教為國教的不丹成婚，要有足夠的時間籌備。
謝家對鋒菲結婚一致讚好，而未來奶奶拉姑一直跟王菲關係不俗。女兒謝婷婷曾在活動上說︰「佢哋（拉姑跟王菲）好好，好啱傾！我記得我唯一一次見過王菲（○○年與霆鋒拍拖時），就喺我媽咪屋企嘅電梯，佢哋一齊食飯。」而近年每逢傳出鋒菲結婚，拉姑都醒目封嘴，免好事多磨，但今次成真，拉姑當然飲得杯落。至於未來老爺四哥，思想開通，就快八十的他都不忘談戀愛，對於阿仔再婚，也舉腳支持。早前他還主動跟張栢芝和兩個孫茶敍，令栢芝釋懷不少，跟兩個孫見面亦愈來愈多。
細路過關
至於一對寶貝仔Lucas和Quintus，媽媽張栢芝曾指兩個仔十分懂事，很着緊她的幸福，相信對老竇霆鋒亦然。當日謝家邊食邊傾約一小時，言談甚歡。臨走前，霆鋒還帶Lucas到泳池附近睇風景，Lucas全程跟到實，十分聽話。由於當天張栢芝在內地工作，霆鋒送Lucas回世紀大廈後，還留低照顧患病的細仔Quintus，享受一下親子樂。
樂做湊仔公的霆鋒??細路有一手，有傳跟王菲的兩個女竇靖童和李嫣也打成一遍，當中十九歲的大女童童，同樣反叛愛玩音樂，跟他好啱傾，霆鋒也一度有意將她羅致旗下，但童童最終還是簽了給阿媽王菲的經理人陳家瑛。不過早前王菲帶同童童來港見霆鋒，「一家三口」相處愉快。至於九歲的細女李嫣，性格開朗活潑，對霆鋒也不抗拒。
愛的密碼
鋒菲自一四年九月被揭愛火重燃，打得火熱，據王菲身邊好友透露︰「佢哋兜兜轉轉再一齊，大家都知道對方係最啱自己，所以都好珍惜。」故復合後不時被拍得出雙入對，上年霆鋒生日，王菲連續兩晚相陪慶祝，霆鋒更當眾親吻她的臉頰，好不煙韌。私下二人又互設愛的密碼，王菲被拍得跟以「nick-king」代號的人發微信，正好跟英文名為「Nicholas」的霆鋒不謀而合，「king」配「王菲（妃）」正是一對。
鋒菲如膠似漆，就連王菲老友劉嘉玲也笑言既羨慕又妒忌。「佢哋應該好相愛，我哋已經少見面，佢哋躲起來戀愛，女人拍拖有異性冇人性係正常事，太投入嘛！（期待佢哋入教堂嗎？）佢哋都結過婚有小朋友，結唔結婚唔重要，最重要係和諧、開心。我都妒忌，佢哋現在望對方時，眼晴會發光。」
分頭行事
為了迎娶天后王菲，霆鋒當然想將最好的給老婆，老婆本不可少。演戲了得的他，還具備精明的生意頭腦，除一手創立電影後期製作公司PO朝霆後，上年初還創立「鋒味曲奇」，見反應良好，事隔半年再斥資七位數創立「鋒味店」開拓網購事業，生意瓣數愈來愈多，絕對有強大財力的安全感給王菲。
至於新娘子王菲自從印度回北京後，日前亦被拍得到商場買嫁妝，跟霆鋒分頭行事，為婚事張羅，由於是第三次出嫁，所以一切從簡，不會大肆鋪張，但始終是喜事，她也感到很雀躍，但發現記者拍照則十分避忌，低調處理婚事。
四哥
掂 栢芝
四哥思想較開通，早前專誠跟前媳婦張栢芝到酒店歎茶，令霆鋒跟她的關係緩和不少，當日她更為四哥及兩個乖孫合照。
撰文、採訪☆娛樂組 攝影☆娛樂突發組
設計☆李浩然
傳女方婚前偷食童顏張彥博同裕美婚事撻Q
1 :
GS(14)@2016-07-13 05:15:44裕美背住人夫偷食大台藝員黃子恆，事隔近一個月，女嘅話要冷靜吓，兩個男嘅亦封口潛水，偷食事件算係告一段落。前日裕美29歲正日生日，佢冇陪新歡，咁更加唔會見舊愛啦！壽星女反而約咗王君馨同楊明一班藝人，一齊食飯慶祝。講番裕美嘅情史，佢除咗同過E-kids嘅阮民安拍拖，亦試過同陳柏宇行埋。不過最經典嘅係，大台呢期熱爆嘅「廢青」張彥博(亦係前組合「赤子」成員)，原來亦同裕美有個一段情，裕美仲幾乎做咗張太㖭！喺5年前，張彥博喺教會識咗仲未做人妻嘅裕美，二人仲影埋結婚相，盛傳好事近。當時裕美喺微博貼圖寫道：「我們的結婚相。」2011年2月，兩人出席教會活動「Love is.....Concert2011」，甜蜜拍照，又大談婚事及性事。裕美當時話婚期未定，但應該唔係今年嘅事，又直言：「信主後，我啲貞潔返咗嚟，雖然之前已經冇咗！」至於張彥博都甜絲絲謂：「追咗佢(裕美)好耐，05年首次見面，佢對我一直都忽冷忽熱。」點知婚照曝光冇耐，裕美就俾人撞破同鼓手鄧應祈喺車廂激咀，有指當時裕美仲同記者求繞，不過一腳踏兩船事件，令佢同張彥博嘅婚事撻Q，而激嘴男就扶正變做男友，佢哋拍拖兩年分手。裕美接二連三同「偷食」扯上關係，張彥博作為第一代受害男，今日佢就喺電話回覆傳媒話：「其實到o依家都有同裕美send message聯絡，我都有叫佢諗嘢正面啲！」問到佢係咪差啲同裕美結婚，張彥博就有啲隱晦咁話：「總之我哋係friend底！」至於嗰張「婚紗相」，張彥博解釋：「嗰次同裕美着婚紗禮服，係幫祖藍首歌《祢永遠不會改變》拍mv。」
來源:
http://hk.apple.nextmedia.com/entertainment/art/20160713/19692329
婚事告吹 潛心學佛 朱慧敏想出家
1 :
GS(14)@2016-08-08 00:17:11■朱慧敏盛裝出席慈善餐舞會擔任司儀，她揚言有意出家。
朱慧敏及鄧麗欣（Stephy）前日現身灣仔君悅酒店出席「海外學生仁濟夜」慈善餐舞會，同場還有「馬神」馬德鐘夫婦、王賢誌的堂弟王賢訊、羅氏針織後人羅穎怡（Wendy）及王曼喜等。
■朱慧敏同Eddie的感情瓜葛，她認為順其自然最好，聲稱目前只是生意拍檔。資料圖片
失戀近半年的朱慧敏，最近被指與前EO2成員彭懷安（Eddie）藕斷絲連，被問會否突然閃婚？她笑說：「唔會，現階段受唔到咁嘅刺激，雖然我年紀仲細，哈哈，真係唔知醜。」之後她突然收起笑容，認真地說：「近年咁多港姐出嫁都恭喜佢哋，但人生係咪一定要做呢樣嘢呢？冇嘅，咪做其他先囉，近年自己誠心向佛，有出家念頭，但好多嘢仍未放得下，好似朋友、工作，但即使將來見我出家，大家都唔使驚訝。」
Stephy搵贊助
Stephy表示今趟是以商界人身份出席，她解釋：「幾得意，好少接觸ball場，幾enjoy。因為我嘅時裝品牌Loey，同排球隊名一樣，嚟睇吓有冇乜嘢合作商機。」與方力申分手已有一段時間，Stephy被問到會否趁機在現場認識富二代？她笑笑口說﹕「係喎，提醒咗我，但呢啲嘢隨緣啦！」如果有人問她取電話號碼？Stephy想了一會說：「而家工作行先，冇諗感情事。」
■Stephy獲提醒後，笑言ball場認識富二代要隨緣。
■馬德鐘偕太太張筱蘭（右）出席慈善活動，被大批女總理包圍。
■羅穎怡閒時同老公去旅行。
馬德鐘回巢
另外，馬德鐘一到場，即被大班女總理包圍，爭相找他影相，非常受歡迎。對於最近無綫召舊將回巢救亡，他表示有傾過：「之前時間唔啱，但而家就算返去都係簽一部，啱劇本就會拍。」羅穎怡與老公林知譽婚後不停旅行，問是否積極造人？她說：「過吓二人世界先，明年再研究。」採訪：卓寶花攝影：陳俊強
來源:
http://hk.apple.nextmedia.com/entertainment/art/20160807/19726007
JM認婚事有共識
1 :
GS(14)@2016-10-02 13:35:29■JM和男友Carl將搬入大埔比華利山築愛巢。台灣《蘋果日報》
文詠珊（JM）與金融才俊吳啟楠（Carl）拍拖兩年，對方被起底是「iBANK筍盤」。有報道指JM表示男友已求婚，二人找了大埔比華利山的2,500萬獨立屋築愛巢，而JM亦頻頻去新居睇進度。
Carl 資料圖片
JM前晚現身台北LV新店活動，問到與男友同居一事，她未有否認：「準備咗搬屋好耐，冇時間搞新屋嘅嘢，所以而家一有時間，有一、兩日都會去睇一睇，希望盡快可以搬，因為嚟緊又有三個月去北京做嘢，我諗出年先有時間再搬屋。」問她是否男友已求婚？她說：「而家自己都好忙，大家忙嘅程度差唔多，所以有共識係好開心，大家都唔急，好穩定。」採訪：唐如
來源:
http://hk.apple.nextmedia.com/entertainment/art/20161002/19788096
爺孫戀婚事延遲 李坤城林靖恩日日見齊洗澡
1 :
GS(14)@2016-12-24 10:55:3860歲李坤城同20歲林靖恩拍拖近4年，爆出轟動社會爺孫戀，昨日上利菁主持嘅《麻辣天后傳》，錄影前接受台灣傳媒訪問，兩人重申冇定婚期，但李坤城表示：「4年來天天都見面，也會一起洗澡，還一起去泡溫泉。」並表示若未來搞婚宴都係為老友搞，希望低調樸素啲。李坤城昨天表示婚宴係其次，最重要係實現林靖恩嘅夢想與願望；日前好友林文義話要當佢哋嘅證婚人，但登記結婚嘅事經過報道後，已經被扭曲，所以暫緩。林靖恩都話婚禮呢件事自然就好，反正目前又唔會分手，所以唔急，亦不擔心李坤城變心：「如果他有小三，分手就好！」李坤城又話林靖恩會將自己當成百科全書，咩都問，林靖恩就話：「維基百科比你厲害！」被問會唔會有爭執？李坤城就笑笑口：「我們就算吵架，也不會吵超過一天，但會各執己見。」
來源:
http://hk.apple.nextmedia.com/entertainment/art/20161224/19875758
Next Page