目標多籮籮 易明的生活點滴
來源: http://eming620.mysinablog.com/index.php?op=ViewArticle&articleId=9335481
我的心水股，每天都有至少十隻、八隻，要跟，的確是很難跟，因為不是隻隻都中，縱使隻隻中，何來資金隻隻買？這正是我傾向於短炒的原因之一。 我的心水股，大部份是來自每天港交所（３８８）的公司公告及五十大升／跌幅榜，然而，平時亦有不少正在觀察的股份，下周之內，至少就有以下這一些：
中國新電信（８１６７），該公司突然宣布一股送一股紅股，會否像博華太平洋（１０７６）及金寶寶（１２３９）般大幅炒上呢？明天我會密切留意。
明天是位元堂（８９７）供股最後付款的日子，一般來說，隨時會稍為抽高吸引股東進行供股，若是平開我或者會買入多少，若是抽高我或者會先行賣掉部份持貨，候低回補，套取差價。
萬德移動（８１６３）突然宣布一股供兩股，每股供０．０９元，明天又要留意低吸的機會了。
下周分別有蒙古礦業（１１６６）、康宏金融（１０１９）及中國農產品（１４９）供股的新股出籠，我會密切留意此三股於新股出籠之後如何抵禦新股的沽壓，當中特別要留意康宏金融，一旦能夠消化新股的沽壓而企穩於某水平就要隨時跟進了。
首創環境（３９８９）自四月二十二日宣布供股之後股價由０．６８元跌至０．５元水平橫行了兩周，該股將於五月二十二日最後買賣，五月二十六日除權，根據我的經驗，一般供股的股份於除權前一周隨時會炒一炒，因此，踏入下周要開始留意首創環境的動靜了。
長達科技（８０２６）自於四月三十日主要股東以０．２７元出售全部持股３６．９６％並獲買方提出以０．２７元提出全面收購之後，復牌一度高見０．５５元，近日跌至０．４元之後有回穩跡象，我亦在密切留意其買入的機會，此類股份於消化完獲利貨之後隨時又來個回馬槍，再次炒上。
下周的目標太多了，不知屆時該如何出擊？
少時是非多籮籮
1 :
GS(14)@2014-10-01 11:35:55
少女時代今年認真多是非，負面新聞從年頭開始未停過，令粉絲非常失望。
1月
允兒被踢爆與《你們被包圍》男星李昇基秘密拍拖四個月，男方更被拍到多次駕車接載允兒外出密會，雙方被迫承認戀情，成為少時第一位公開戀情的成員。
1月
秀英與男星鄭京浩兩度傳熱戀，二人雖多次否認，直到被拍得拍拖睇戲，秀英更大方任男方攬腰，照片曝光後二人才承認早已撻着四個月。
3月
孝淵被指因被少時其他隊友孤立故企圖跳樓自殺，前男友、作家金俊亨上前勸阻反而被打，二人更鬧上差館。上月金俊亨涉打鬥，被爆同場的孝淵翻撻舊愛。
4月
Tiffany被拍得與男團2PM的Nichkhun撐枱腳拍拖，雙方立即認暗撻4個月。不過外界質疑SM借Tiffany的戀情，轉移大眾對孝淵跳樓一事及少時不和的關注。
6月
泰妍被踢爆偷嗒嫩草、同門師弟EXO的伯賢四個月，兩人多次借Instagram公然傳情亦引起雙方粉絲強烈不滿，泰妍更曾在機場灑淚求粉絲原諒。
來源:
http://hk.apple.nextmedia.com/entertainment/art/20141001/18885086
40歲蝦頭情史多籮籮與「樂壇小強」驚傳開房
1 :
GS(14)@2016-09-17 17:52:54年屆40歲嘅蝦頭，去年公開話自己情訂經理人邵子風，但原來佢同異性都幾有緣，不時有緋聞傳出。邵子風去年被指與經理人邵子風由工作夥伴發展成情侶，兩人不時在社交網站晒甜蜜照。泰臣 因工作關係，當年經常與「泰臣」翟凱泰出雙入對，因而不停傳緋聞，但其實泰臣有一拍拖八年的OL女友。
Tommy仔蝦頭12年曾與E-Kids成員Tommy仔(阮民安)傳緋聞，有指兩人在黃金海岸酒店幽會。其後Tommy仔否認其事，只稱兩人相識多年，曾在舞台劇合作。
Edwin
ViuTV真人騷《慳D啦Honey》嘅參賽者Crushy，除咗佢同朱慧敏嘅Eddie@EO2傳過緋聞外，有網民仲爆Edwin原來都同蝦頭夜蒲傳緋聞，當時Edwin否認戀情，強調因執到蝦頭銀包而變成朋友。
來源:
http://hk.apple.nextmedia.com/entertainment/art/20160917/19773088
梁洛施誕3子李澤楷女友國籍多籮籮
1 :
GS(14)@2017-04-22 10:22:28小小超李澤楷身為城中鑽石筍盤，想埋佢身嘅女性當然多過天上嘅星星，多年來，小小超嘅緋聞女友多到數唔晒，但獲佢公認嘅就唔係咁多。首位係因採訪結緣嘅日本記者真正加留奈，有指1992年，加留奈因訪問小小超而結緣，兩年後兩人正式拍拖。加留奈嘅爸爸係哲學教授，媽媽則喺東京某女子大學任教，加留奈本身係美國哥偷比亞大學新聞系碩士，成家都係知識份子。戀情於1998年告終。第二位獲小小超公認嘅女友，係喺佢公司電盈結織嘅「盈科之花」林慧儀（Karen），99年小小超被發現同Karen睇戲而揭發戀情。家中開製衣廠嘅Karen，喺澳洲讀書，學成歸來後入職電盈，可惜兩人聚少離多，小小超忙於工作，冇乜時間陪女友，Karen唔想一味等，決定斬纜分手。之後小小超喺06年左右戀上混血兒羅愛欣（Rachel），小小超對於呢段戀情，相對地高調，不時同女友齊齊出席公開活動。再之後就到影后梁洛施（Isabella），兩人戀情喺08年3月初曝光，同月Isabella發律師信畀當時經理人公司英皇娛樂，有傳係小小超幫佢解約續身。Isabella雖然學歷唔高（中一輟學），但佢同小小超嘅「進度」卻係最快嘅一位，Isabella幫小小超先後誕下三子，包括今個月底將滿8歲嘅李長治、以及現年6歲幾嘅雙胞胎囝囝H&N，不過兩人嘅感情到11年2月底劃上句號，梁洛施發聲明宣佈正式分手，再強調將同小小超共同撫養3個囝囝。其他曾同小小超傳過緋聞嘅仲有喺11年5月被拍到與26歲天水圍小花梁雯影（Kirsten）同遊新加坡，以及喺同年被發現於中環相約名媛好友葉梁美蘭嘅姪女梁芳（Ella）等，另外仲有已經泊咗「洗米華」周焯華碼頭嘅Mandy Lieu，惟小小超表示唔識對方。
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170420/19995763
Next Page