📖 ZKIZ Archives

政府打擊白牌車，Uber法律問題未解決。一間港產公司卻靜靜起革命，推出同類手機召車程式Cetah。創辦人馮錦強，八十後，IT創業界傳奇人物，擅長寫手機app。大學畢業後，他推銷寬頻，月入近十萬，蟬聯top sales三年。他企街時抽空設計的iSafe，全球逾千萬人下載，賺夠第一桶金，三十歲前結婚、買樓兼創業。財爺曾俊華去年讚揚他的創業故事，媲美蘋果教主Steve Jobs。「我係一個成功創業，但瀕死嘅人。」財爺萬萬想不到，馮錦強會這樣形容自己。他憶述，早年設計首個能通知司機影快相位置的交通app，運輸署指他侵權，要求下架；他設計另一個手機遊戲app，亦被日本AV銷售網指侵權，但對方為拓展海外市場，轉為跟他合作，借app宣傳。「政府嘅人埋首故紙堆中，淨係聽order做嘢。點解已經有一個社會資源喺度，唔考慮佢嘅貢獻，而要ban（禁止）？」因為689帶領的特區政府，思維比不上日本AV網站。「絕對係扼殺創意！創新，就係要打破傳統，要跟貼科技發展，就要睇吓法例點迎合。」馮錦強望政府放寬法例，利用Cetah及Uber兩個現有社會資源，給市民更多交通選擇。

「政府話支持創新科技，一方面話鼓勵，但你有創意，佢又要保障既得利益者。依家個個都鬧的士行業有黑的，甚至覺得啲的士舊，可能接受咗Uber、Cetah，的士業界為競爭，司機會積極啲清潔車廂、有禮貌啲，對成個的士行情都好。」今年三十二歲的馮錦強深信，召車app有利於民，政府可考慮發牌監管。Cetah三月初投入服務，旗下約有二千名司機。馮早前提出義載概念，乘客用代幣「雞髀」交易（一隻等於約一美元），不涉載客取酬，被律師批評荒謬，指仍屬違法。其實，經營Cetah或會被檢控，馮猶如踩鋼線。訪問前，他表明不談Cetah運作模式，最初批評政府時，用字小心翼翼，似乎擔心言論過激，成為繼Uber後下一個被打擊對象。

有需求有商機

現時投資召車app，還要面對法律問題，似乎不合時勢，但馮以往利用時勢，造就多次成功。第一次，是寬頻初普及年代，他當上銷售員，深明有需求便有錢賺，創出「寬頻街霸」傳奇。他受訪時憶述：「當時個個由56K轉寬頻，一定有需求。」故由預科至大學五年暑假，均兼職推銷寬頻，月入已有近兩萬元。「大學畢業後，我唔甘心做月入萬幾蚊嘅programmer。」便加入香港寬頻，任職三年一直是top sales，成功須苦幹，「試過喺條街通宵霸位；日做十三、四個鐘；一年放兩、三日假，年初一都開工；有新場開，早一個月去收客。」馮月入近十萬，高峰期十四萬，曾有一個暑假賺到三十萬，同事「夾單」想贏他都失敗。成為最強街霸還不夠，馮錦強還有另一項武器。他○八年自學寫手機app，企街覓客之餘，每日攜電腦抽空兩、三小時寫app。當時app不多，「五子棋、條魚游來游去嘅app都賣七、八蚊。」他再度把握時勢，○九年留意到蘋果手機只提供手寫輸入法，便將倉頡等多種輸入法編寫成app，賺到廿幾萬。在粉嶺企街時，車輛熙來攘往，附近有個「白鴿籠」（固定快相機），馮錦強萌生念頭，設計一個app通知司機影快相及捉衝燈位置，於是寫成快相雷達。他記得，由於app連結了運輸署即時交通情況，不久署方發電郵指他侵權，因擔心被檢控，就移除侵權內容。馮說，數年後發現一間科學園公司，設計了類似的app，奪得香港資訊及通訊科技獎。

iSafe賺過百萬

「我覺得好搞笑……科技就係當你行得太快，啲人覺得你點解咁做、你侵權、你犯法。但當有上面嘅人覺得有需要去做、去放寬，另一個人做，佢覺得你好，就頒獎俾你。」馮指快相雷達是首個類似的手機交通app，當中連結署方的即時交通情況，其實可便利駕駛者以手機瀏覽即時交通，署方當時卻沒考慮其好處。他花了三日設計快相雷達，便換來十多萬收入，於是愈寫愈多app。現時長期名列下載榜十大的iSafe，亦出自他手筆。iSafe概念是保護私密檔案，用戶可設定兩組密碼，「一組密碼入面，可能係你前女友嘅相，或者你去disco玩嘅片，唔見得光。女朋友叫你開嚟睇，咪用假密碼，睇到嘅就係啲風景相呀、貓貓狗狗咁。」

創業易守業難

提起iSafe，馮掩不住喜悅。「個app喺零蚊做宣傳下，係日本八大app之一，喺德國一個禮拜有十萬人下載，奧地利排top one。」現被一百一十個國家、逾一千三百萬人下載。最風光時，為他帶來月入七十萬，現每月仍穩定地獲得六位數收入。馮錦強有腦，是全球第一人想到雙重密碼概念，現在不少app都供用家設定兩個密碼。他坦言，後悔當初沒申請專利。寫app收入豐厚，三年前，他成立公司Awesapp Limited開發遊戲。傳奇故事傳頌到此，背後辛酸卻沒人知。街霸時期，馮當正自己是老闆，在街頭打拼，多勞多得，但當真正做老闆，發現很難。「當時我買咗樓、結埋婚，有筆資金，預留百五萬投資marketing game，即係玩完可能送五十蚊coupon俾你買餸。」他最終花了兩年，約三百萬，完成該隻遊戲，卻發現坊間太多遊戲app，最終沒有面世。歸納失敗原因，馮認為是欠缺管理經驗，「做寬頻多勞多得，開公司講team work。」公司最高峰有九名員工，不少是負責繪圖的九十後，「佢哋士氣好時，可以做到十點，但當兩年都冇成品出街，士氣會差，可以喺公司瞓覺，唔係做公司嘢。」他發現同事跟自己不同，沒有創業心。由於資金有限，負責寫程式同事更被挖角，流失率高，曾有兩個月只得他一人寫程式。「我開價唔高，同同事講唔好當自己打工……邊間start up唔係幾個人起家？你幫手壯大公司，之後唔使憂。」同事聽不入腦。他無奈謂：「創業可以好易，但要令公司有增長，要守業，其實好難。除非你係富二代，或者有大水喉。」

轉攻Cetah有信心

開發遊戲失敗，馮想過放棄公司，最終發展Cetah，因他認為召車app有市場，「新加坡Uber合法，但當地最成功嘅call車app係本土開發，點解香港人做唔到？」他向記者提出Cetah最新概念，並非義載，而是提供順風車服務，強調收取乘客服務費，司機則為興趣駕駛，已索取法律意見，正申請專利，有辦法令Cetah不涉違法行為，但拒絕透露詳情，強調不擔心被檢控。「我心態係只要唔放棄，將失敗嘅嘢改良，始終會成功。」馮滿腹大計，再三強調Cetah較Uber優勝，因順風車不犯法、Cetah提供預約服務、收取定額費用、比較便宜，及提供跨境專車服務，「呢盤生意有需求，理論上唔會蝕錢。」馮錦強走到汽水販賣機前，買了一罐咖啡，打開便喝。據他講，現時對Red Bull及葡萄適等提神飲品免疫，因幾乎全日要監察Cetah客戶召車情況。雖然戰勝睡魔，但經營Cetah，他要贏的是政府官僚思維。

AV網邀合作

馮憶述，當年設計首隻遊戲app，「係玩家同電腦猜包剪