📖 ZKIZ Archives

笑到最後：狂人政策得個講字

1 : GS(14)@2016-11-16 05:09:02

如果要為2017年捉一隻「黑天鵝」，高明會估特朗普係正常人，正常過奧巴馬，選舉時激進主張全部都「太耐冇講等於唔存在」。先旨聲明，高明唔認同特朗普當選係黑天鵝，因為選票已經寫明佢參選，仲要係代表兩大黨之一，乜都睇清睇楚，冇可能係黑天鵝。但係換個角度，今年有英國脫歐、ISIS恐襲、難民危機、巴拿馬文件外洩、李斯特城拎英超冠軍等等，五顏六色嘅天鵝都被世人見過，如果話特朗普隻天鵝係黑色，又好似啱啱哋，因為黑天鵝已冇乜特別驚喜。講番正題，點解會預測特朗普正常過奧巴馬？因為每次有新總統上台，都會被政敵描述到世界末日將至。就以奧巴馬上台為例，啱啱發生金融海嘯，諗得出同「債」有關嘅項目，都會被美國新聞報道指為下個爆煲源頭，例如信用卡債或者大學生貸款，而奧巴馬參選嘅政綱就係奧巴馬醫保，類似全民醫保嘅政策，當時都被評論員話埋炸彈。當然喺量化寬鬆政策下，以上泡沫都冇爆到；而今次只係角色換咗特朗普。何況當選後特朗普已開始縮沙。如禁止伊斯蘭移民嘅政綱，當選後就喺網站刪走咗，之後又擺番上網，明顯係縮沙先兆；又如特朗普基建近日成為炒高銅股嘅原因，但周五港股收市後商品市場又升轉跌，因為投資者覺得基建仲係得個講字。最新發展莫過於科技股，當選後科技股大跌，一個原因係投資者掟科技股買基建股；另一個原因係選舉時特朗普成日批評亞馬遜「反壟斷」。更重要新聞係：特朗普委任矽谷金主Peter Thiel做過渡政府成員，而後者而家又係facebook董事局成員，搵個矽谷金主入過渡政府內閣，睇牌面冇可能反科技。好多人都話，美國制度三權分立，總統都受制於制度，但係今次市場反應係當咗特朗普係其他第三世界國家獨裁者。身為一個影響唔到大局嘅微小投資者，如果齋講未做就驚定先，咁真做咪嚇破膽？香港人過去五年感受最深，參選政綱講吓啫，唔係信呀？



高明
http://www.fb.com/bigricetea本欄逢周一刊出




來源: http://hk.apple.nextmedia.com/financeestate/art/20161114/19832613
PermaLink: https://articles.zkiz.com/?id=315621

【咪呃阿媽】為食Super Girls細個講過大話　今日哄番媽咪

1 : GS(14)@2017-05-18 02:14:55

Aka說小時候會買兩磅重的生日蛋糕在街上吃，吃完再回家吃飯。「但我會好努力食佢煮嘅飯，食得好辛苦，我已經有報應！」



小時候，我們覺得阿媽很煩人，這又不行，那又不准，於是大話連篇務求瞞過母親大人法眼，做到自己喜歡的事。以下這些大話，你又有否講過？



這位四眼男生說曾經以「同同學做功課」為由，瞞着媽媽帶女仔回家。不過他指那是幼稚園時發生的事，記者覺得此人相當有嫌疑！

右邊的男生大爆自己小時候討厭洗澡，「不過阿媽會聞到，最後點都係要沖涼。」

有受訪者說兒時不愛洗澡，經常騙媽媽說澡已洗，「不過我阿媽係偵探，佢聞到我有冇沖涼。」Super Girls成員Aka分享，指兒時媽媽不許她吃零食，「所以我會喺街買兩磅生日蛋糕，食完再返屋企食佢煮嘅飯，食得好辛苦！」有受訪者更表示，曾經以「同同學做功課」為由，瞞着媽媽帶女仔回家玩呢！不過現在長大了，大家都有些真心話想趁母親節告訴媽媽……立即睇片！記者：黃凱婷攝影：許先煜、王國輝2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170515/20021459
PermaLink: https://articles.zkiz.com/?id=333419
Next Page
ZKIZ Archives @ 2019