📖 ZKIZ Archives

全球資金氾濫，本港樓市進入瘋狂 狀態；繼上週長實出售馬鞍山天宇海，一Q清袋套現七十六億後；新地乘勢推出位於上水古洞，以瑞士豪宅作包裝的豪宅「天巒」，幢幢洋房億億聲，幾日間新地套 現八十億元，不遜「超人」。

天巒原為歐意花園二期，九七年亞洲金融風暴淹至，樓價大跌六、七成，翌年新地勒令叫停這地盤；地皮曬蓆逾十年，碰巧醞釀着新一輪資產泡沫，「天巒」以天價 開售，標誌着另一個世紀大泡沫即將降臨。

量化寬鬆貨幣政策第二波即將起動，各國瘋狂印銀紙，揸「磚頭」成為香港人自保的出路，豪宅更加是內地及本地投資者追逐的商品，價格有如脫韁野馬。天巒最貴 的萊茵河大道一號屋，六千呎洋房售價一點三二億，呎價二萬一千元，創新界樓紀錄，令不少人「O嘴」。一點三億，夠買十二間太古城的千呎海景單位。以六百萬 一伙計，一點三億亦買到廿二伙長實新盤馬鞍山「天宇海」。要一睹「天巒」的面貌，就要到新界最北靠近羅湖的古洞了。

記者由上水港鐵站乘坐前往古洞街市的50A專線小巴，沿着青山公路走，兩旁綠樹林蔭，也窺探到粉嶺哥爾夫球場內綠草如茵。豈料小巴越駛近天巒，便見到越來 越多劏車場、爛地盤、豬屋等。轉瞬間，小巴駛過了雙魚河，在一道道灰色的磚牆前，站着一班地產經紀，才猛然發現已身處天巒。

地產代理爭崩頭

天巒最低入場費超過二千萬，地產代理佣金以數十萬元計，各路人馬如中原、美聯、利嘉閣，隨即派隊到古洞路插旗。除了最傳統的兜截，中原和利嘉閣更落重本， 租用附近的空地建成臨時辦公室及停車場，儼如年宵攤檔。爭不到較近樓盤的美聯，唯有在較遠位置租地搭辦公室，透過派出小巴隊，每十五分鐘一班，接載睇樓客 來回天巒。其間最少有廿多名地產經紀，不顧生命危險衝出馬路，舉起「二期有貨」、「即睇」等紙牌兜客，有口痕經紀向記者說：「一間一億，代理收百分之一都 有一百萬，經紀收三成已經有三十萬，賣一間養好多人，梗係落足力啦。」

天巒的地產經紀所兜截的，是一眾乘坐賓利、林寶堅尼、日產GTR的睇樓客，每架車均過百萬，同時亦有不少掛上大陸車牌的七人車在天巒正門上落客。幾十年來 出入古洞路的，不是村民就是地盤工人，一時間名車、貴人到來，整條古洞村都熱鬧起來。

氣氛熾熱，家住跑馬地的蕭太睇完廣告，便與朋友專程前來睇樓。「幾靚吖，不過啲圍牆好高，好似好逼咁，St. Andrews Place（信和同區樓盤）多啲樹，圍欄矮好多，感覺大自然啲。不過呢度用料都唔錯，我睇咗個三千幾呎單位，都會考慮入貨。」蕭太說。天巒開售十天，已賣 出二百五十伙。市傳已擁用同區 St. Andrews Place和御林皇府的藝人黎明，於十月一日以三千二百萬買入天巒加侖大道一座三千五百呎的大屋，呎價約九千元。

留根變留金

另一吸引睇樓客的，是天巒入口附近的兩幢村屋，名為「添馥園」及「感恩園」，吸引不少睇樓客駐足，與朋友睇樓的陳太指着村屋說：「佢哋醒呀，當年唔賣，依 家肯定升到爆。」

原來，這兩幢村屋由張氏三兄弟擁有。據古洞村長姚榮來表示，張氏家族於一九二○年起，逐漸由何東家族手上買地，成為古洞村大地主之一，當時持有的土地佔天 巒二期約四分之一。九十年代新地收購古洞村時，張氏賣掉手上大部分農地，唯獨留住這塊位於馬路旁邊黃金地，希望為張氏族人「留根」。當時此地由張氏六房人 持有，其中有三房人選擇要錢唔要地，賣予其餘三房人，套現後便搬出市區。記者見到其中一位張先生，欲趨前傾談，但他卻不願接受訪問。「我媽媽九十幾歲，唔 想有人騷擾我哋，麻煩你哋離開。」張先生客氣地說。

根據土地註冊處資料顯示，張氏於○三年以十三萬為兩幢面積共千五呎的村屋補地價，連建築費估計最多一百萬計算，張氏兄弟只不過用了每呎七百多元，便與呎價 萬元的天巒用家為鄰。有村民非常羨慕張氏兄弟說：「佢哋當年最多俾幾百萬另外嗰三房人，依家天巒一間屋都一億，塊地值一半都發啦。」

天巒資料

地址：古洞南古洞路28號及33號

發展商：新地

單位總數：合共330間。

一期：132間花園洋房

二期：198間花園洋房

面積：2,600呎至8,100呎

已出售伙數：250伙*

呎價：$8,800至$21,000

已套現：$80億*

空地「曬」足八年

同屬新地發展，已有十五年樓齡的歐意花園一期就顯得落寞，對上一次成交，要數到今年六月，呎價只需三千九百元。而原為歐意花園二期的天巒，前身是古洞村， 新地早於九五年已陸續向村民收地，欲於九五年「歐意一期」推出後接棒應市。但此地「生不逢時」，九七年金融風暴，樓市爆煲，新地於九八年高調叫停工程，原 本已起了兩幢的「歐意二期」的水泥屋亦被拆掉。空地曬了足足八年，後來新地睇中政府推出的「新界東北三合一」政策，隨即於○六年向政府補了四億四千五百萬 地價，重新包裝「歐意二期」，○九年正式公布，此項目易名天巒。上月，新地更在無綫播了四集半小時的《瑞士天巒》特輯，力谷新盤。

但這個「瑞士天巒」的港產版本，與真正位於瑞士的天巒（Valais）被白茫茫的雪山圍住，相差甚遠，從山上遠眺，不遠處便見到羅湖管制站，隔條粉嶺公 路，又見到河上鄉、馬草壟等老村莊。

富豪為鄰無着數

天巒標榜位於「雙魚河畔」，其實只有十多間洋房見到綠色的雙魚河，大部分均是內園景，靠近屋苑邊皮的還有鐵皮屋和祖墳景。在雙魚河的上游，會見到一排貌似 大澳水上居民的鐵皮屋和木屋，雙魚河以往就是這批居民用作排污的「屎渠」。

天巒的另一邊是古洞街市和配水庫，沿路只見一眾老人家在路邊聊天，有的則在推着「爛銅爛鐵」到廢鐵場出售，天巒的熱鬧，與他們格格不入。有村民打趣地說： 「以前我哋咪又係住嗰度，班有錢佬住天巒有咩咁巴閉，隔籬咪又係豬屋，呢度值咩錢吖，成幢大陸樓咁。」

頓然成為億萬豪宅鄰居的一眾古洞村民，內心其實挺不好受，尤其是古洞街市的商販，八十年代政府收地建高速公路，古洞的商鋪老闆被安置到古洞街市，由於生意 有限，不少商鋪丟空。賣雜貨的中裕百貨老闆娘在古洞擺檔超過三十年，以前不少顧客均來自古洞村。她說：「佢（新地）十幾年前收咗地，班村民走晒，我嘅生意 就越來越少。起豪宅有咩用？班人會嚟買嘢咩？大陸人買來都係將間屋丟空。」

不過政府今年一月已公布，即將調高古洞北的發展密度，並會興建鐵路連接古洞北，最快二○一九年推出首幅住宅地皮。因此，地產商對村民的土地仍虎視眈眈，其 中以新地最為積極。古洞村村長姚榮來大讚新地夠豪爽。他說：「每逢觀音誕，村內節慶等大型節目，我都會寫信去新地攞贊助，十萬八萬無走雞。」

呢排大陸嚴打水貨客，搞到好多人唔夠膽帶貨，爆哥知道水貨集團唔夠人，竟然想到貼街招來請人帶貨，你都咪話唔奇，仲打電話來問爆哥有冇人幫佢開工。

爆哥當然睬你有味，但都走去上水舊墟睇吓班水貨客咩環境，發覺仲有唔少人以自僱形式繼續走，當中好多係本地師奶，日日湊埋剛放學嘅仔女就來搵食。唔好睇小班師奶，佢哋走奶粉、煙酒、糖果及其他日用品嘅水貨，山大斬埋有柴燒，例如走一支日本小清酒就賺一百蚊，兩罐奶粉賺五十蚊，仲未計其他日用品，爆哥親眼目睹一位上水少婦帶住囝囝，拖一個行李喼及背囊，走一轉差不多賺到三百幾蚊，算幾好搵啦，不過近日深圳海關可能為咗響應689，已加強打擊水貨客，有水貨師奶被深圳海關扣查身上水貨時，就嬲到瞓地嚟賴死抗議。

上海仔結婚喇！

上海仔呢期好紅，大把有錢佬照住之外，連電影《竊聽風雲3》都抄佢個Look。爆哥最近去澳門賭兩手，就喺貴賓廳見到佢著得官仔骨骨，滿面春風，隔籬一個土豪暗中話俾爆哥聽，原來上海仔有喜。「佢年頭訂咗婚，遲啲會擺酒結婚！」爆哥聽到上海仔從此被困，覺得好驚奇，因為佢出名把啷過油，冧女有一手，身邊女伴好似走馬燈，上海仔雖然風流，但絕不下流，出名對女友豪爽體貼，最鍾意送H字頭的包包俾女友。咁多年嚟，江湖上同佢傳過緋聞嘅藝人有梅小惠、JJ賈曉晨，連前國家領導人的孫女都俾佢識到。至於今次新娘係邊個，上海仔收得好密，話要保護darling喎。查實上海仔並非上海人，只係佢老豆曾經喺上海做生意，走難嚟到香港，個個叫佢做「上海佬」，咁佢個仔咪叫上海仔囉。上海仔份人好姿整，最着緊佢個招牌「冬菇頭」，無論出席紅白二事，入到會場前，佢例必右手揸梳，左手照鏡，話要梳齊個頭先好見人喎。

澳門廳主打吊針

講緊唔係賭廳生意難撈，而係班廳主打吊針來美容。爆哥近日同一班澳門賭廳廳主食開飯時，奇怪係發覺班人明顯比以前容光煥發，個樣不單只靚仔咗，仲精神飽滿，呢班友仔個個夜夜笙歌，照計佢哋面色都係頹廢青綠嗰隻，冇理由咁光彩。當爆哥讚完佢哋好面色後，佢哋先自爆原來近排廳主圈子流行去打營養「點滴」（類似吊鹽水）嘅玩意，响澳門打，一次大約二千幾蚊，對廳主嚟講，消費唔算貴，但就收到容光煥發同精神飽滿功效，因為好多廳主迷信，望落去外觀醒神就算係行運象徵，傾生意成功機會都高好多，否則面如菜色，有好嘢都唔預你。

爆哥估唔到內地人愛打點滴風氣竟然吹到澳門，連一眾廳主都受落，不過當爆哥問佢哋營養點滴係乜嘢，就只係知道內裡含有各種營養補品，但實際係乜就無人答得出，只係見人打佢又打，最緊要靚仔，冇諗過呢啲醫療嘢，點都有危險性。

英文名叫Put嘅李聖潑，剛剛當選深圳市政協常委，除咗有信義玻璃（868）老闆李賢義呢位好老豆，仲有位充滿政治能量嘅外父——國務院副總理張高麗；外父是「習總政權」的得力幹將。九七年任深圳市委書記，其間曾侍奉習大大長居深圳嘅老父習仲勛。

今年只有三十九歲的李聖潑未娶老婆前，都係香港一介平民，細佬李聖根、細妹李雅培都係就讀上水東華三院甲寅年總理中學，幾兄妹同學校師生關係友好；母校有乜要幫忙，永冇托手踭。○九年李聖根在深圳擺酒迎娶中國網球名將晏紫，母校老師更北上出席婚宴，對其兄當上深圳市政協常委，校內師生更以他為榮，信義李氏兄弟成為學校嘅「生招牌」。

金融逍遙客：中國印銀紙多過美國

游走於中港台併購、私募投資的金融多棲動物，現為多間上市公司主要股東及董事

近日在雪茄吧吞雲吐霧，到處都聽到股民唉聲嘆氣哭股喪。港股自去年五月轉勢以來，愈跌愈有，剛踏入2016，指數在多年低位的19000點，都繼續屢創新低！看過去九個月十跌一升的走勢，以往美股與港股關連性極高，香港開市大家習慣睇住昨晚杜瓊斯做人，近年中港經濟變了唇齒相依，恒生指數成分股全都屬中資各類銀行保險股，港股相關性轉為以A股為主，股民睇住幾乎同步開市的A股嚟炒。近幾個月，呢個一向要睇人面色做人嘅港股孤兒仔，真係淒冷。美股升，佢冇得升，美股跌佢跟住跌。內地A股反彈佢又冇得彈，但A股有乜風吹草動佢又跟住跌，睇住手上一堆港股，即使都是價賤又高息的實力股，都毫無招架之力，跌到趴喺地下。缸中人的感覺真係既心寒兼無奈。輸錢唔緊要，眼見各個身經百戰資深戰友，好似捱到連信心都冇埋先至可怕。連一啲經歷過1997、2000、2008三次股災的前輩都話悲觀，喺咁淒涼市况下，信心比乜都重要。逍遙客同大家分享吓一啲實在數據：08年美國金融體系都危在旦夕，AIG雷曼爆煲、花旗命危、Morgan Stanley唔知第日開唔開門，政府都束手無策，情况惡劣過現在幾倍，當時港股市盈率都有8倍，市賬率0.9倍。依家雖然中國經濟放緩，人民幣貶值，大鱷虎視眈眈，但斷估都冇08年咁嚴重。但現時港股市盈率已跌穿8倍，市賬率0.7倍，國企指數股更跌至6倍。基金老友話，港股大平賣主要係鬼佬抽水，而玩開港股的大陸資金因後欄失火莫財，係一種典型流動性陷阱，與基本因素關係不大。「今次不一樣」，差不多是每次股災大部分人的口頭禪，這也是人性的反映。在充滿恐懼的時候，能有樂觀的態度畢竟是少數，但這也正是投資市場的特點，都是少數人賺了大多數人的錢。回頭看，一般投資者都徘徊在恐懼及貪婪呢兩個極端之間。逍遙客之見，喺呢個恐懼時代，正是出手時候，只要有holding power，睇住手中嘅貨，兩年後買車買樓不是幻想。

中環寸嘴：唔係乜春春，係立春！

工廈大王楊耀松長子，出入高級酒店、銀行，及知名食肆，與各路人士打交道，透過美酒佳餚，察看人生百態，讓讀者「嗒」落有味。

年廿六係立春，即係新嘅一年開始，唔係乜春春呀，一早去文武廟主持立春攝太歲拜吓神；呢日成個氣場都唔同晒，起碼個天都有番啲陽光，個股市衰咗五個禮拜，我上次同大家「些牙」張路紙，話二月四日個市就升，最緊要「應」吖嘛（註：二月四日早上恒指上升三百四十六點）。啲銀行佬打嚟，話過年後要有new funding，超，我窒佢，長假期前講乜都冇用，你叫我搬錢嚟我就搬呀？啲美國佬銀行好乸寸o架，老馮咁樣。梗係以為我早排睇淡個市執好多。年關難過，好多揸弗人話市道唔好，又要撐住個雞頭，返到屋企又要扮死狗，唔係過年食材加價三成，老婆有藉口要加家用！拜完神行落去茶餐廳醫肚，呢間乜春「香江冰室」好巴閉，茶餐廳都要訂位？怪唔之啦，呢度做$80任食，點多幾味冇蝕底，嘩，嗰碟土魷肉餅真係嚇死人，一磚腐乳咁大，係個蒜香油撈白飯幾惹味，三扒兩撥就埋單鬆人啦，落番去屬於我嘅地頭——舊文華Chinnery再擦過。

內地客一年買$300億保險

以往廣東道擠滿內地客買名牌，其實有多間保險公司駐紮寫字樓嘅港威大廈，都有蜂擁到來的內地客買保險，仲要大排長龍，保監處數據顯示，截至去年九月底，新做的內地客保單達$211億，據行內資深保險經紀爆響口，謂全年計一定超過三百億，事關人仔貶值，去年十一、十二月是內地客買保單高峰期，閒閒哋每張單過百萬甚至數百萬，佢哋鍾意用銀聯碌咭或者網上過數繳費；唔少新移民做保險經紀北上搵客，年薪達四、五百萬，不過保險公司已落柯打着經紀保持低調，恐防阿爺落閘防止內地客透過買保險「走資」！

愈富貴愈寂寞

大劉錢多係人都知，但錢多又唔一定有知心友，有時想搵人傾吓偈都幾難o架（女人例外），小宗聽聞大劉特意請個法國嘅司機飛來香港，就係想傾吓偈咋，計小宗話大劉想收風多啲。呢位越南華僑嘅司機，專門服侍五湖四海富貴人家，搵司機傾偈，收唔少風，你估富豪又唔八卦咩？不過呢位司機來港不一會已頂唔順返回法蘭西了，大劉轉數速度快，司機同佢傾偈攰過開車o架！