📖 ZKIZ Archives

投資的天空：熊市炒賣要知足 投資的天空：熊市炒賣要知足 上周筆者以「勿用耳朵代眼睛」為題，籲讀者不要盲目跟隨消息入市，4萬億元人民幣救市方案未必就有化腐朽為神奇之能，結果兩周過去，大部份個股依

2008-11-23  AppleDaily

上 周筆者以「勿用耳朵代眼睛」為題，籲讀者不要盲目跟隨消息入市，4萬億元人民幣救市方案未必就有化腐朽為神奇之能，結果兩周過去，大部份個股依然乏善可 陳，反而筆者在13700水平造淡，卻有不俗賺頭，並在上周四於11900水平附近平倉獲利，功成身退。周四平倉之後，歐美股市繼續下跌，起初仍只算反 覆，但美國聽證會之後，美股便開始崩堤式下跌，當晚凌晨便收到讀者Annie電郵，話大市擺明再跌，淡倉是否平得太早？筆者今次睇市是否出錯？ 跟隨系統買賣 筆 者明白，大市如斯下跌，沽家得勢不饒人，有此疑問實屬合理，正如筆者早前在13700水平造淡，亦有讀者問熊市追沽是否太過危險一樣。其實筆者平倉，皆因 系統目標已達，是否繼續持倉，純看投資者的個人取向，牛市之時，股價總是會升到你唔信，當時大可嫌賺得唔夠，放心長期持有，但熊市市況反覆，賺夠就要走， 要學識知足，唔強求。市場上經常有「專家」預測大市見底點數，其實股市裏沒有神仙，真正專家都估唔到底，何況筆者只係炒家一名？所以士佳常話投資跟系統， 買賣平常心，周四平淡倉後，手中尚餘適量正股，筆者唔敢講已作出最佳決定，但熊市賺錢殊不容易，今次能夠從淡倉獲利，減低日後儲貨成本，已經無憾，亦懶理 當晚美股升跌。結果，周五早上筆者剛覆完Annie電郵，大市隨美股低開，但幅度遠低於預期，不久更展開極地反彈，由11700反彈至13100，市場氣 氛逆轉，投資者即由問筆者「是否平得太早？」，變成問「係咪撈得貨？」。發問上述問題，證明投資者亦被市場牽着走，見升看升，見跌看跌。筆者不知道大市會 否就此見了近期底，但回心一想，如果前一日未有在11900附近平倉，如今大市狂升，肯定會被市況影響判斷，尤其午後大市高開，氣勢何其凌厲，隨時就在最 高位平倉，利潤即時化為烏有。近日筆者捉到市場節奏，在升前叫揸，跌前嗌沽，全靠多年投資及睇圖經驗，圖表會說話，所言非虛，有長期跟進本欄的讀者，近日 應該有所斬獲。熊市之中，需要幫忙的人越來越多，如讀者能從淡倉之中獲利，力之所及，亦應抽出部份利潤幫助有需要的人，多做善事。張士佳

上周末同恒隆講拜拜中環在線：吳士元幾億落袋 李華華

2011-1-24  AD

藍籌股又放榜 喇！今次會由恒隆地產（101）同恒隆集團（010）喺今個禮拜三（26日）揭開序幕，公佈截至舊年12月底嘅中期業績。華華仲記得，恒隆前執行董事吳士 元喺舊年7月，即係恒隆公佈全年業績之前辭職，引起市場一陣哄動，話晒吳生喺恒隆做咗9年，唔多唔少已經等同恒隆嘅標誌，陳南祿一嚟做董事總經理，佢就同 公司分手，真係盲嘅都知咩事啦！ 講番吳士元，佢辭職之後一直好低調，無咩聲氣，不過原來佢上個周末先至正式喺恒隆last day，聽講一班舊夥計仲為佢設宴fairwell，鬼咁有人情味。華華聽聞，吳士元舊年7月遞信辭職，由於佢係高層，所以要半年通知，佢喺呢半年，名義 上仲係恒隆員工，只不過個人冇返工啫。 如果係咁嘅話，照計佢手上批認股權仍然可以行使，佢未辭職之前已經行使咗小部份認股權，袋咗過億落袋；恒隆股價喺過去半年一直高企，挨近40蚊，粗略計吓，如果吳士元行使晒所有認股權，起碼袋多兩、三億，真係唔使做都生活無憂啦，使乜打工受老闆氣喎！ 多啲時間做善事陪阿媽 聽講吳士元辭職之後，四圍飛旅行散心，仲做返個孝順仔，經常陪90歲嘅阿媽飲茶食飯傾偈。佢亦有時間親身參與慈善活動，舊年10月就參加咗「無止橋基金」搞嘅活動，去甘肅農村睇吓點幫人起橋，令當地人生活方便啲。換轉以前，佢邊有時間身體力行吖，最多咪捐錢了事。 計華華話，一個人營營役役打咗幾十年工，可以放番個無憂無慮嘅悠長假期，做自己之前冇時間做嘅嘢，係一種福氣，塞翁失馬焉知非福呢？ [email protected]

上周更新 (16 DEC - 22 DEC) PARTIPRAL 派得好

http://partipral-hk.blogspot.hk/2012/12/16-dec-22-dec.html
週五富時換馬, 恆隆(10)臨收市又俾人隊多次. 雖然股價仍然偏弱, 但自己睇法不變, 繼續重倉持有. 國航(753)股價算勁, 不過生意太過週期性, 唔適宜一注獨贏買得太大. 現價唔會加注, 星期五低位作止賺, 上望第一站$6.7附近.

REITS週四上演絕地反擊, 短期應該見底. 其實普遍防守股12月表現都相當失望, 比較大可能係因為基金年尾鎖定利潤及換馬至其他高BETA, 週期性股票, 而並非因為盈利前景轉差. 問題係就算目前已由高位回調近一成, 息率可能都仲係得4厘左右, 其實唔算太吸引. 跌得深當然有信念接, 例如大快活(52), 如果有機會回調至$15附近, 我會開始再次買入.

另外上周買入京信通信(2342), 短期催化劑係下半年員工數目將會大減2,000人, 管理層指引係成本下降後今年全年可望扭虧為盈; 另外京信早已投放一定資源開發FEMTO CELL, 產品有助強化室內地方網絡接收並增加網絡容量. 有中移動支持, 上半年已經為其三個省份作出付運, 此外亦有17個省份作為試點, 預期2013年會開始為公司帶來明顯收入及盈利貢獻.

11月尾巴克萊曾發表研究報告, 指出京信當時股價大幅跑贏行業龍頭中興(763)並不合理, 導致京信當日(26/11)大跌. 不過由於內地3大電訊商早前重申不會削減資本開支, 電訊設備股最壞時期應該已經過去. 京信未來主要收入來源將由無線網絡優化業務慢慢轉移至無線接入與傳輸業務, 作為FEMTO CELL既先行者, 亦有望食到內地電訊網絡由2G轉3G/4G既趨勢.

收入來源有一定保證, 加上成本下降, 受惠營運槓桿效應, 京信現價$2.90中, 長線而言都算係有得搏. 以$2.71作防線, 自己會開始慢慢建倉.

上周更新 (6 JAN - 12 JAN) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/01/6-jan-12-jan.html
本周賣出全數中國國航(753)及京信通信(2342), 兩股其後曾破頂, 自己算係俾人震走左. 個人中線仍然看好兩股, 短線國航超買再超買, 已升越阻力位, 但目前距離突破點太遠, 就算今日走勢明顯偏強, 都唔敢再次追回; 京信破頂後今日急跌, 目前阻力$3.45-$3.6/支持$2.8-$2.9, 現價正處中間位置, 難以操作, 等候低位先再回補.

大市氣氛熾烈, 立心跟炒, 只要制定好撤退策略(EXIT STRATEGY), 就可以義無反顧飛身入場. 牛市勇者勝, 技術含量太低. 自己會短炒華晨(1114), 龍源(916), 但參考價值不大, 純粹作個紀錄. 比較有信念睇得好兼有得搏既, 會係理文化工(746)以及筆克遠東(752).

理文業績起伏大, 盈利高低主要視乎旗下化工產品價格走勢. 上半年國內經濟轉弱, 主要收入來源之一甲烷氯化物平均每噸售價大跌近5成, 以致2012半年業績出現大幅倒退. 個人估計理文2012全年業績都不會太好, 但目前公司正處行業低潮期, P/E講緊都係11倍左右, 憧憬今年國內經濟改善, 公司產品價格以至需求皆有機會反彈. 搏國內經濟見底, 業務週期性甚強之理文化工會係今年重點投資對象. 現價建倉看似高追, 但以估值計其實不算昂貴.

筆克遠東主力從事展覽及項目市場推廣等業務, 2012年上半年已經成功完成多個經常性展覽包括巴林動物產品展, 曼谷國際汽車展及汽車博覽會, 上海滙豐世界高爾夫球錦標賽及新加坡航空展等等. 公司業務穩定, 加上此類展覽, 以至博物館項目, 展覽管理等服務需求永遠只會有增無減, 只要公司確保知名度以及服務質素, 收入來源便可以有所保證, 甚至有能力持續增長. 筆克現價$2.2, 預期往績P/E不足10倍, 息率6%, 估值屬歷史中位數. 短期催化劑係公司1月25號會公佈全年業績, 過去公司業績表現往往可以超出市場預期, 若然最終業績確然理想, 現價買到時當然有信心繼續坐; 但若然有甚麼差池, 都係兩個禮拜內可以決定勝負既事. 隨著近兩日股價出現回吐, 的確提供左一個不錯既買入機會.

最垃圾既股票牛市會爆得最勁, 所以一定要放下身段, 留有資金短炒. 不過要知道股價最終只會向價值靠攏, 垃圾不會突然變成鑽石, 而永遠可以買得大注買得安心既亦只會係優質公司. 因此操作上除左一方面心要夠雄想搏發達, 同時另一方面亦要把握機會買入有基本因素支持既股票, 冀藉市場氣氛改善推高估值. 目前個人投資取態正是如此兩者並行, 日後根據市況再慢慢調節.

上周更新 (20 JAN - 26 JAN) PARTIPRAL 派得好

http://partipral-hk.blogspot.hk/2013/01/20-jan-26-jan.html
本周初將英娛酒店(296)換馬京信(2342), 轉個頭瑞信就將京信DOWNGRADE, 股價連跌3日超過兩成. 總算自己注碼落得唔算太大, 連續兩日大成交下跌又無謂追沽, 反正業績就黎出, 縱然今年表現一定差, 但都起碼可以睇睇DOWNSIZE成效如何先再決定去留.

另外中信電訊(1883)終於回落, 決定將部份龍源(916)換馬. 根據林少陽分析, $2.6樓下買計及股本融資攤薄後P/E都係講緊8倍左右, 息率5厘, 估值應該仍然可以提升. 因為派息率或者有所下調, $3.9目標價可能太進取, 但$3樓上應該不難達到. 目前主要係要等公司公佈融資方法, 低位接到貨既話就坐下.

筆克業績就明顯比預期失望, 毛利率已經有所改善但生意比去年做少左則有D始料不及. 重組開支導致分銷成本急升乃盈利倒退主因, 管理層表示此屬一次性開支, 下期業績不會重現. 今期業績倒退但不代表公司出現結構性問題, 筆克長遠生意模式仍然值得看好, 只係現價$2.11有點偏貴, 有心買可以等$2樓下. 幸好公司以往都曾試過中午公佈業績, 自己有心理準備. 否則如果大安旨意, 星期五1點開市果刻應該沽唔切貨, 今次$2.2樓上走得到算係夠運.

今個禮拜二, 三線股表現失望, 指數則有匯控, 內銀, 友邦同地產股頂住, 明顯未能反映市場實際情緒. 唔知出現咩問題, 星期五都決定減持高追果一注理文(746), 提升返CASH LEVEL先再算. 今個月搞黎搞去又係得個吉, 主要係高追果幾次全部中哂招, 京信尤甚. 手風唔順好容易高追低斬, 所以暫時都係渣返住D子彈, 定一定神先.

上周更新 (3 MAR - 9 MAR) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/03/3-mar-9-mar.html
上周初投資組合加入置富(778)及永安(289)兩隻實物資產型收租股票, 前者賣點係希望政府再度出招打擊樓市後會對REITS帶來正面影響, 現價$6.77來年有起碼5厘息打底雖然唔算非常吸引, 但亦係相當穩陣, 算係愈低愈值得買既股票, 萬一急需資金換馬, 股票流通性亦夠高, 算係比揸現金好; 至於永安(289)亦係收租類股票, 半年前已經開始睇好, 早前曾因換馬恆隆(10)而沽出, 長線穩陣到爆之餘, 短期催化劑係月內會公佈業績, 雖然股價已在高位, 但派息可以有驚喜, 要買就趁早買定.

周中趁低吸納時代集團(1023), 正如早前留言所講, 公司中期業績比想像中失望, 但現價$3.6相當於P/E不足10倍又不算貴. 已經還清所有債務, 預期資本開支不足1億, 2013年其實有相當條件提升派息率至60-70%, 即全年每股派$0.22-$0.26或2.2-2.6億. 中期業績已經將市場預期完全扭曲, 股價未來半年表現應該不會太好, 所以操作上係先買基本注坐住先, 下一站等IPO價先再接. 周中亦有趁恆隆(10)急跌接貨, 後來先知應該係股東Davis Advisors沽貨套現, 出貨位$47可能係短期阻力, 所以暫時唔會再加注.

另外亦賣出海通證劵(6837)換馬敏華(1999), A股走勢太難捉摸, 相對於美股節節破頂實在太大對比. 美國進一步確認經濟復甦勢頭, 出口股點都要有. 早前創科(669)被震走, 又唔想現價高追, 敏華(1999)估值相對地仍算可以接受, 所以轉買呢隻; 周四加注理文化工(746), 主因比較奇怪下半年好似少左個盈警, 公司業績有權大幅進步. 加上早前指數急跌理文亦無進一步破底, 現價應該有得搏, 反正18號會出業績, 個多星期就會決勝負, 而有關呢轉上市公司中期業績前有出盈警而全年無出既情況我稍後會再於另文討論.

星期五下午建滔系公佈業績, 子公司建滔積層板(1888)下半年毛利率進一步轉差, 但生意則明顯好轉, 出奇地增派息之餘, 業績報告之中亦可以睇中管理層對來年公司表現甚具信心. 若然業績確然已於2012年上半年見底, 現價$3.9講緊往績10倍P/E左右絕不算貴, 所以當日下午開市後自己已經不問價小注追入. 短期內應該會有數間大行調升目標價, 暫時會繼續持有, 有機會再加注.

預期建滔呢類"業績比預期好"既情況於三月份會陸續出現, 所以呢轉業績期一定要打醒十二分精神留意. 自己亦多得CITIBANK取消最低佣金收費, 至年底買賣股票佣金一律0.2%, 所以可以將注碼打得好散, 分段買或買多幾隻都唔駛太擔心手續費問題, CITIBANK今次值得一讚.

上周更新 (7 APR - 13 APR) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/04/7-apr-13-apr.html
上周指數反彈, 個人組合無太大變動, 主要操作係沽出全數永嘉(3322), 換馬對象繼續係大快活(52)及理文造紙(2314). 理紙係少數經歷完上周五大跌後可以完全收復失地兼創新高之股票, 明顯強勢; 要注意係此股成交較薄弱, 幾百萬股沽盤已經可以跌超過5%, 所以策略上係長期低市價3-5%掛住個買盤, 接到就接, 接唔到就由佢.

調查機構IDC數據顯示全球PC首季付運量按年大跌14%, 而聯想(992)首季出貨量則維持1,170萬部, 市佔率升至15.3%. 表面睇以上新聞對聯想不算十分利淡, 但聯想(992)過去一個星期卻跌近一成, 市場明顯對公司未來投不信任票. 科技產品公司發展結局可以極度兩極化, 因此投資者對此類公司看法普遍甚為極端: 看好者可以對公司未來充滿憧憬, 冀望最終會成為全球霸主; 看淡者則可以將壞消息無限放大, 更甚至可以將想像延伸至公司江河日下, 最終倒閉收場; 正因如此科技產品公司股價會特別大幅波動. 我自己對聯想長遠發展仍然看好, 但現價當然唔會盲目衝入場同市場硬碰, 繼續持有, 等待股價喘定後再決定是否加注.

今個星期投資組合亮點在於置富(778)節節破頂, 現價$7.32往績股息率跌至4.43%, 當然甚不吸引; 不過如果計及來年1成增長, 現價則大概有4.9厘, 尚算可以接受. 政府連環出招後, 本港樓市已經開始乏力再上. 現時的確大部份人都已經唔再願意捱招入場買樓收租, 市場對投資樓市意慾下降, 資金尋求出路, REITS有實物資產BACKUP, 的確係上佳代替品. 當然唔會有人會賣左層樓全數換REITS, 但中產家庭有數百萬流動現金, 將舊錢拆開幾份分別買REITS, IBOND, 公用股等等收益穩定項目可能性的確存在, 因此現時REITS吸引力應該比想像中更高. 唔建議現價再重注追房託基金, 但若然早有貨底, 亦唔需要太心急沽出獲利.

敏華(1999)上週先出盈喜再出營業額數據, 但股價仍然不振, 應升不升自己有多少擔心, 所以低位唔敢加注. 反正下月會公佈全年業績, 先睇多幾個回合再決定去留.

最近自己已經無特別心水應該買咩股票, 所以組合普遍都繼續維持原有陣式. 個人組合6月底會完成第3年年結, 今年大勢已去, 回報肯定唔理想. 只餘下兩個多月, 反而應該趁此機會再組織投資思維, 重整旗鼓, 希望第4年可以有更好表現.

上周更新 (14 Apr - 20 Apr) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/04/14-apr-20-apr.html
上星期初恆指曾一度跌穿今年低位, 大市氣氛亦欠佳. 不過星期五傳出MSCI或將內地A股納入新興市場指數, 純粹一則普通新聞, 但竟然能夠帶動恆指借勢反彈500多點, 令人意外. 今年已經經歷過不止一次傳出所謂利好因素刺激內地A股, 港股尤其中資股往往亦會藉以急升, 可惜最後往往無以為繼. 今次升勢會否一如之前一樣只屬放煙花暫時無從估計, 但內地股市早已證明不能再寄予任何期望, 因此無謂因為一日急升而太過上心.

上周更新 (5 May - 11 May) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/05/5-may-11-may.html
本周恆指繼續上升, 星期五收市幾乎在全周最高位; 但更值得留意既係美元兌日圓終於打爆100大關. 今星期屬年內第3度上衝此心理關口, 如今一舉攻陷, 短期內上升動力應該甚勁. 關注日圓持續貶值而帶來既投資機會, 單以本地市場而論, 高息股票似乎仍然係不二之選. 公用股及房託基金如電能(6), 領匯(823), 置富(778), 越房(405), 泓富(808)等股價接連破頂; 低檔次但盈利穩定如新意網(8008), 貿易通(536)及路訊通(888)等股價亦甚為強勢.

個人組合主力置富(778)則周四公佈首季業績, 表現不錯, 比個人預期稍好. 市場對此亦有正面反應, 股價周五升近4.5%. 一眾REITS近月備受追捧, 但公司本身亦非完全無風險. 基本上除領匯(823)之外, 其餘一眾REITS皆分拆自大地產商. 如置富及泓富拆自長實; 越房拆自越地(123); 冠君拆自鷹君(41), 陽光拆自恆地(12)等等. 而置富去年向母公司收購麗城, 和富; 越房被越地注入廣州IFC等交易, 都反映出此類REITS存在目的仍係傾向以提升母公司利益為大前題.

股價低位運行, 股息率理想, 相對上風險可以接受; 股價節節領放, 股息率自然隨之而下降, 值搏率其實已經愈降愈低. 寫字樓出租率受經濟週期影響較商場大, 因此投資REITS個人儘量不考慮冠君(2778)或泓富(808). 因此領匯(823)仍屬本地REITS中最值得信賴一隻, 置富則作次選. 兩者股息率有一段距離, 當然以後者作持倉主力; 但若然兩者差距收窄, 則要重新考慮. 論估值, 置富目前預期2013年股息率範圍約4.3%~4.4%; 領匯則約3%. 若然今次升浪帶動置富2013年預期息率跌至4厘甚至更低, 兩者選其一, 我寧願重新考慮領匯.

組合亦傾向逐步沽出永安(289), 主要考慮到公司業績, 股份流通量及一手成本價問題. 公司去年下半年業績除聯營公司利潤貢獻環比大跌之外基本上問題不大; 物業投資業務則要等8月底中期業績公佈後方能揣測今年增長. 短期無明顯催化劑, 現價$25.1, 相對資產淨值仍然大幅折讓, 但論往績股息率4.5%不算特別. 股份交投量一向偏低, 加上一手成本價佔自己組合總值超過5%, 變相"焗住買大左". 縱合業績, 交投量因素, 若以股息回報為主要考量, 永安(289)現價其實不算特別吸引, 因此策略上會趁高沽出剩餘持股, 套回現金以尋找其他替代品.

其他替代品, 上文都有提及過, 新意網(8008), 貿易通(536)及路訊通(888)都在考慮之列. 對比幾隻REITS, 三股較好既地方係零負債, 萬一步入加息周期, 盈利亦不會因為利率上升而有所影響, 略作比較:

- 新意網剛公佈2013年第三季季績, 表現符合預期. 現價$2.13, 預期今年股息率最高會接近5厘, 算不錯;

- 路訊通2012年下半年收入2.2億, 環比增長1成; 毛利率及純利率亦分別進一步擴闊至37%及22%. 公司去年賺7千5百萬, 過去3年盈利複合增長竟達24%, 而且派息率長期維持100%. 現價$1.22, 往績股息率6.15%. 預期2013年最少賺8千萬, 股息率則起碼有6.6%. 同屬新地旗下小公司, 路訊通預期回報似乎比之新意網更好;

- 貿易通2012年下半年收入1.3億, 環比升近3成, 但純利率跌至31%, 乃近年新低. 全年純利8千萬, 現價$1.76, 往績股息率5.8%. 預期2013年純利變動不大, 因此股息率大概只能保持, 吸引力一般;

上周更新 (12 May - 18 May) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/05/12-may-18-may.html


上週組合加入路訊通(888), 銀河娛樂(27); 賣出永安(289), 部份聯想(992), 另外高位套現置富(778); 目前現金水平約12% (前週19%).

置富繼續GOGOGO, 投資者仍然處超級亢奮狀態. 上週亦提及過, 置富優缺點分明. 無超級增長力, 股價愈高, 股息率便愈難趕上; 近月急升分分鐘已透支整年升幅, 難得有好價便值得陸續套現. 投資股票估頂估底最難, 因此永遠分段入, 分段出, 唔好扮聰明. 難以預測置富仲可以升幾多, 但2013年4厘股息率乃個人底線, 一旦超越便會陸續離場.

賣出永安, 置富, 換馬至路訊通(888). 上週除淨後有一定沽壓, 但問題不大; 未跌到加注位, 可以暫時不理. 繼續搏恆指新貴, 買入銀娛(27). 避免組合中前場兵力驟增, 被動沽出部份聯想(992). 理紙(2314)調整, 管理層股東會發放正面消息, 繼續牢揸.

有關銀娛(27), 其實仲有一點要補充, 就係期權. 銀娛本身有期權可買, 純粹搏染藍後有指數基金追貨, 其實用期權出擊會更合理, 主要都係成本問題. 理論情況如下:



明顯地期權會比正股更抵買. 取深度價內CALL而非價外, 一來相對上風險較低; 二來易於計算回報; 最重要係唔知基金買盤力度有幾大, 但換馬生效前銀娛引伸波幅則肯定會上升, 價外CALL變相比正常情況昂貴, 因此今次操作用深度價內期權會較為合適. 另外要注意, 有玩開銀娛期權都應該清楚此股期權買賣差價一向超級闊, 等6月14號收市前沽出, 很大可能賣唔到最理想價位, 所以計算預期回報時, 亦要打多少折扣.

上週四收市後MSCI公佈季檢結果, 翠華(1314)入選小型股指數, 有多少爆冷. 在我角度而言此股屬超貴, 根本無可能買得落手, 註定永遠絕緣. 正如留言所講, MSCI換馬相當難捉, 因此新貴自己不會沾手; 仍有可搏機會, 焦點反而應該放在香港指數被貶股 - 永亨(302).

美林估計, 今次永亨由香港指數被貶至小型股指數, 基金需要沽出接近1,100萬股; 對比永亨平均成交, 沽貨量竟達30.9日! 因此雖然永亨上星期四下跌近4%, 但當日成交不足200萬股, 幾乎可以肯定未沽完. 再留意近月沽空情況 (Analystz.com), 亦可以略見原來4月尾已有淡友開始部署沽空永亨, 沽空比率一直維持50%以上, 到MSCI季檢前幾日才稍見收歛:



回顧過去5年永亨(302)往績P/B, 最低當然係金融海嘯時期, 曾跌至0.8; 及後反彈, 但最高只能達至約2.5倍, 其餘大部份時間則於1-2之間游走. 若只計最近3年, 即撇除海嘯時期, 最低P/B則為0.97倍, 平均約1.47. 永亨現價$75.4, 往績P/B 1.17倍, 以歷史數據比較, 似乎處於偏低水平, 而且距離底部不遠.




永亨目前市值僅2百多億, 本地銀行股中屬二, 三線類別. 加上派息比率偏低, 要追到中銀(2388), 恆生(11)等龍頭P/B 2倍以上估值, 根本上不大可能. 再用大新銀行(2356)作比較, 後者目前市值約145億, 較永亨細. 目前P/B僅0.8倍, 看似比永亨更抵買; 但過去3年大新平均P/B為0.7, 最高僅1.08; 原來估值上一向比永亨更低. 今次指數基金換馬會扭曲永亨短期估值, 搏特殊事件後公司回復正常估值水平, 單計牌面仍算有得搏, 尤其等股價愈接近NAV, 值搏率就愈高.

有投機永亨想法, 其實係因為自己上一轉都有買過MSCI香港指數受害股恆隆集團(10). 最後整套交易回報率7.5%, 與同期恆指比較其實並無特別; 但勝在夠膽買得大, 所以對整個組合仍有一定貢獻. 有過上次經驗, 今次搏永亨(302)肯定會等變動生效日或之後才出手. 上次買恆隆集團有恆隆地產(101)作參考, 而今次則以永亨自己NAV作參照; 作戰期同上次一樣, 為期3個月, 信心十足.